യൂത്ത് കോൺഗ്രസ് പ്രകടനം

മൂന്നാർ: മുഖ്യമന്ത്രി പിണറായി വിജയൻ രാജിവെക്കണമെന്ന്​ ആവശ്യപ്പെട്ട് യൂത്ത് കോൺഗ്രസ് പ്രവർത്തകർ മൂന്നാർ ടൗണിൽ പ്രകടനം നടത്തി. കറുത്ത വസ്ത്രങ്ങൾ ധരിച്ചും ബിരിയാണി ചെമ്പ് വഹിച്ചുമായിരുന്നു ടൗണിലെ പ്രകടനം. യൂത്ത് കോൺഗ്രസ് മണ്ഡലം പ്രസിഡന്‍റ്​ മുകേഷിന്‍റെ നേതൃത്വത്തിൽ നടത്തിയ പ്രകടനം മുൻ എം.എൽ.എ എ.കെ. മണി ഉദ്‌ഘാടനം ചെയ്തു. മൂന്നാർ ഐ.എൻ.ടി.യു.സി ഓഫിസിൽനിന്ന് തുടങ്ങിയ പ്രകടനം ടൗൺ ചുറ്റി സെൻട്രൽ ജങ്​ഷനിൽ സമാപിച്ചു. ബ്ലോക്ക് കോൺഗ്രസ് പ്രസിഡന്‍റ്​ ഡി. കുമാർ, മണ്ഡലം പ്രസിഡന്‍റ്​ സിന്താർ മൊയ്‌ദീൻ, നേതാക്കളായ സി. നെൽസൺ പീറ്റർ, ജ്യോതിറാം തുടങ്ങി നിരവധി പ്രവർത്തകർ പങ്കെടുത്തു. ചിത്രം 1 യൂത്ത് കോൺഗ്രസ് പ്രവർത്തകർ മൂന്നാറിൽ നടത്തിയ പ്രകടനം