പ്രവേശന നിരോധനം; പ്രതിഷേധ ജ്വാല തെളിച്ച് പൗരാവലി

കട്ടപ്പന: മുളകരമേട് ടോപ്പിലേക്കുള്ള പ്രവേശനത്തിന് വനം വകുപ്പ് ഏർപ്പെടുത്തിയ നിരോധനത്തിനെതിരെ പൗരാവലിയുടെ നേതൃത്വത്തിൽ ജ്വാല തെളിച്ച് പ്രതിഷേധിച്ചു. വാർഡ് കൗൺസിലർ പ്രശാന്ത് രാജു ഉദ്ഘാടനം ചെയ്തു. കഴിഞ്ഞ ഏഴിനാണ് മുളകരമേട് ടോപ്പിൽ പ്രവേശനം നിരോധിച്ച്​ ഡിവിഷനൽ ഫോറസ്റ്റ് ഓഫിസർ ബോർഡ് സ്ഥാപിച്ചത്. ഇതിനെതിരെ പ്രദേശവാസികളും പൊതുപ്രവർത്തകരും രംഗത്ത് എത്തിയിരുന്നു. പ്രതിഷേധജ്വാലയിൽ റോയി ഇല്ലിക്കാമുറി, അഗസ്റ്റിൻ മുണ്ടക്കൽ, തങ്കച്ചൻ ഇളപ്പുങ്കൽ, ബിനോയി ആനക്കല്ലിൽ, സന്തോഷ് നാരായണൻ, സാലി സണ്ണി തുടങ്ങിയവർ പങ്കെടുത്തു.