വീട്ടിൽകയറി യുവതിയെ വെട്ടിയ സ്ത്രീ അറസ്റ്റിൽ

അടിമാലി: വീട്ടിൽകയറി യുവതിയെ വെട്ടിപ്പരിക്കേൽപിക്കുകയും വീട്ടുപകരണങ്ങൾ തല്ലിത്തകർക്കുകയും ചെയ്ത സംഭവത്തിൽ സ്ത്രീയെ വെള്ളത്തൂവൽ പൊലീസ് അറസ്റ്റ് ചെയ്തു. ആനച്ചാൽ തട്ടാത്തിമുക്ക് പുത്തൻപുരക്കൽ സെൽവിയാണ്​ (45) അറസ്റ്റിലായത്. സമീപവാസിയായ ദീപികയെ (25) വെട്ടിപ്പരിക്കേൽപിച്ച സംഭവത്തിൽ കഴിഞ്ഞ മാർച്ചിലാണ് ഇവർക്കെതിരെ കേസെടുത്തത്. സംഭവത്തിനുശേഷം ഒളിവിലായിരുന്നു.