തൊഴില്‍ സംരംഭങ്ങള്‍ക്ക്​ അപേക്ഷ ക്ഷണിച്ചു

ഇടുക്കി: ഫിഷറീസ് വകുപ്പിന്‍റെ സൊസൈറ്റി ഫോര്‍ അസിസ്റ്റന്‍റ്​സ്​ ടു ഫിഷര്‍ വിമണ്‍ (സാഫ്) നടപ്പാക്കുന്ന തീരമൈത്രി പദ്ധതിയില്‍ ചെറുകിട തൊഴില്‍ സംരംഭങ്ങള്‍ തുടങ്ങുന്നതിനുള്ള ധനസഹായത്തിന് മത്സ്യത്തൊഴിലാളി വനിതകളുടെ ഗ്രൂപ്പുകള്‍ക്ക് അപേക്ഷിക്കാം. മത്സ്യത്തൊഴിലാളി കുടുംബ രജിസ്റ്ററില്‍ അംഗത്വമുള്ള 20നും 40നും മധ്യേ പ്രായമുള്ള രണ്ട് മുതല്‍ അഞ്ച് പേരടങ്ങുന്ന ഗ്രൂപ്പുകളാകണം. സാഫില്‍നിന്ന്​ ഒരു തവണ ധനസഹായം കൈപ്പറ്റിയവര്‍ അപേക്ഷിക്കേണ്ടതില്ല. പദ്ധതി തുകയുടെ 75 ശതമാനം ഗ്രാന്‍റും 20 ശതമാനം ബാങ്ക് വായ്പയും അഞ്ച്​ ശതമാനം ഗുണഭോക്തൃ വിഹിതവുമായിരിക്കും. അപേക്ഷ ഫോമുകള്‍ പൈനാവ് ഫിഷറീസ് അസി. ഡയറക്ടറുടെ ഓഫിസില്‍ ലഭിക്കും. പൂരിപ്പിച്ച അപേക്ഷ ജൂണ്‍ 30വരെ സ്വീകരിക്കും. വിവരങ്ങൾക്ക്​: 9061569467. ആരോഗ്യകേരളത്തില്‍ ഒഴിവ് ഇടുക്കി: ആരോഗ്യകേരളം പദ്ധതിയിൽ വിവിധ തസ്തികകളിലേക്ക് കരാര്‍ വ്യവസ്ഥയില്‍ അപേക്ഷ ക്ഷണിച്ചു. മെഡിക്കല്‍ ഓഫിസര്‍ (ഒഴിവ് -12), സ്‌പെഷലിസ്റ്റ് ഡോക്ടര്‍ (ഒഴിവ്​-മൂന്ന്​), ക്ലിനിക്കല്‍ സൈക്കോളജിസ്റ്റ് (ഒഴിവ്- 14), ഡെവലപ്​മെന്‍റ്​ തെറപ്പിസ്റ്റ് (ഒന്ന്​), ലാബ് ടെക്‌നീഷ്യന്‍ (ഒന്ന്​​), ആര്‍.ബി.എസ്.കെ (ഡി.ഇ.ഐ.സി) മാനേജർ (ഒന്ന്​). ആരോഗ്യകേരളം വെബ്‌സൈറ്റിലെ ലിങ്കില്‍ ജൂണ്‍ 25ന് വൈകീട്ട് നാലിന്​ മുമ്പ്​ അപേക്ഷ ഓണ്‍ലൈനായി സമര്‍പ്പിക്കണം. വിവരങ്ങൾക്ക്​: 04826 232221. വെബ്‌സൈറ്റ് www.arogyakeralam.gov.in. ദേശീയ അപ്രന്‍റിസ്ഷിപ് മേള 13ന്​ കട്ടപ്പന: പ്രൈംമിനിസ്റ്റേഴ്‌സ് നാഷനല്‍ അപ്രന്‍റീസ്ഷിപ് മേള ജൂണ്‍ 13ന്​ രാവിലെ ഒമ്പതിന്​ കട്ടപ്പന ഗവ. ഐ.ടി.ഐയില്‍ നടത്തും. ഐടി.ഐ ട്രേഡ് ടെസ്റ്റ് പാസായ ട്രെയിനികളെ കൂടാതെ ഡിപ്ലോമ/ഡിഗ്രി കഴിഞ്ഞ ട്രെയിനികളെയും സ്ഥാപനങ്ങള്‍ക്ക് തെരഞ്ഞെടുക്കാൻ അവസരമുണ്ട്. ട്രെയിനികളെ ആവശ്യമുള്ള സ്ഥാപനങ്ങളും പരിശീലനം ആഗ്രഹിക്കുന്ന ട്രെയിനികളും dgt.gov.in/appmela/2022 എന്ന പോര്‍ട്ടലില്‍ ഉടന്‍ രജിസ്റ്റര്‍ ചെയ്യണം. വിവരങ്ങൾക്ക്​: 04868 272216; ഇ-മെയില്‍: itikattappana@rocketmail.com.