ഹൈടെക് അംഗൻവാടി ഉദ്ഘാടനം ചെയ്തു

മുട്ടം: വനിത ശിശു വികസന വകുപ്പ്​ നേതൃത്വത്തിൽ തോട്ടുംകരയിൽ നവീകരിച്ച ഹൈടെക് അംഗൻവാടി ഡീൻ കുര്യാക്കോസ് എം.പി ഉദ്ഘാടനം ചെയ്തു. ചിത്രങ്ങളും ശില്പങ്ങളും കളിപ്പാട്ടങ്ങളുംകൊണ്ട്​ ആകർഷകമാക്കിയ അംഗൻവാടിയിൽ ചിത്രങ്ങൾ, അക്കങ്ങൾ, അക്ഷരങ്ങൾ, കളിയുപകരണങ്ങൾ, ഇന്‍റർലോക് മെത്തകൾ, ആകർഷകമായ ഫർണിച്ചറുകൾ, ശിശുസൗഹൃദ ശൗചാലയം എന്നിവ ഒരുക്കിയിട്ടുണ്ട്​. തൊടുപുഴ ബ്ലോക്ക് പരിധിയിലെ ഇത്തരത്തിലുള്ള ആദ്യ അംഗൻവാടിയാണിത്​. രണ്ട്​ ലക്ഷം രൂപ ചെലവിലാണ്​ അംഗൻവാടി നവീകരിച്ചത്. പഞ്ചായത്ത് പ്രസിഡന്‍റ്​ ഷൈജ ജോമോൻ അധ്യക്ഷത വഹിച്ചു. എൻ.കെ. ബിജു, മാത്യു ജോസഫ്, ബിജോയ് ജോൺ, അരുൺ പൂച്ചക്കുഴി, ഷേർളി അഗസ്റ്റ്യൻ, സൗമ്യ തുടങ്ങിയവർ പങ്കെടുത്തു. tdl mltm മുട്ടം തോട്ടുംകരയിലെ നവീകരിച്ച അംഗൻവാടി ഡീൻ കുര്യാക്കോസ് എം.പി ഉദ്ഘാടനം ചെയ്യുന്നു