ഹോട്ടൽ ജീവനക്കാരന്‍റെ മരണം; ഒരാള്‍ അറസ്റ്റില്‍

അടിമാലി: ആനച്ചാല്‍ ടൗണിലെ ഹോട്ടല്‍ ജീവനക്കാരനെ വഴിയരികില്‍ മരിച്ച നിലയില്‍ കണ്ടെത്തിയ സംഭവത്തില്‍ ഒരാള്‍ അറസ്റ്റില്‍. ചെങ്കുളം നാലാനിക്കല്‍ ജിമ്മി കുര്യക്കോസിനെയാണ്​ (28) വെള്ളത്തൂവല്‍ പൊലീസ് അറസ്റ്റ് ചെയ്തത്. ചെങ്കുളം പുത്തന്‍പുരക്കല്‍ ചന്ദ്രന്‍ (46 ) മരിച്ച സംഭവത്തിലാണ് അറസ്റ്റ്. ചൊവ്വാഴ്ച ഹോട്ടല്‍ ജോലി കഴിഞ്ഞ് വീട്ടിലേക്ക് പോകുന്നതിനായി ചന്ദ്രന്‍ ജിമ്മിയുടെ ബൈക്കിന് പിന്നില്‍ കയറി. ചെങ്കുളം ഡാമിനു സമീപം എത്തിയപ്പോള്‍ ബൈക്ക് മറിഞ്ഞു. എന്നാല്‍, ചന്ദ്രന് ചലനശേഷി ഇല്ലായിരുന്നു. ആളൊഴിഞ്ഞ പ്രദേശമായതിനാല്‍ ജിമ്മി ചന്ദ്രനെ ഉപേക്ഷിച്ച് പോകുകയായിരുന്നു. ബുധനാഴ്ച മരണവിവരം അറിഞ്ഞതോടെ ബൈക്ക് ഒളിപ്പിച്ചശേഷം ജോലിക്ക് പോയി. എന്നാല്‍, ഇതിലെ വന്ന ആള്‍ ജിമ്മി മറിഞ്ഞ ബൈക്ക് ഉയര്‍ത്തിപ്പോകുന്നത് കണ്ടിരുന്നു. നിലത്ത് ആള്‍ കിടക്കുന്നത് കണ്ടിരുന്നുമില്ല. ഇയാള്‍ നല്‍കിയ വിവരത്തെ തുടര്‍ന്നാണ് പൊലീസിന് ജിമ്മിയെ പിടികൂടാന്‍ കഴിഞ്ഞത്. അപകടത്തില്‍ കഴുത്ത് ഒടിഞ്ഞതാണ് മരണകാരണമെന്നാണ് പോസ്റ്റ്​മോര്‍ട്ടം റിപ്പോര്‍ട്ട്. നരഹത്യ ഉള്‍പ്പെടെയുള്ള വകുപ്പ് ചുമത്തിയാണ് അറസ്റ്റ്. അപകടത്തിന് കാരണമായ ബൈക്കും കസ്റ്റഡിയില്‍ എടുത്തു. സ്‌റ്റേഷന്‍ ഹൗസ് ഓഫിസര്‍ ആര്‍. കുമാര്‍, എസ്.ഐമാരായ സജി എന്‍. പോള്‍, മനോജ് മൈക്കിള്‍ എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കി റിമാൻഡ്​ ചെയ്തു. Idg adi 3 deth arest news ചിത്രങ്ങള്‍ 1) അറസ്റ്റിലായ ജിമ്മി കുര്യാക്കോസ് 2) മരിച്ച ചന്ദ്രന്‍