പൊതുമേഖല ബാങ്കുകൾ വായ്പ വിതരണ മേള

തൊടുപുഴ: ആസാദി കാ അമൃത്​ മഹോത്സവവുമായി ബന്ധപ്പെട്ട്​ കേന്ദ്ര സാമ്പത്തിക വകുപ്പിന്‍റെ നിർദേശ പ്രകാരം ജില്ലയിലെ ലീഡ് ബാങ്കായ യൂനിയൻ ബാങ്ക് ഓഫ് ഇന്ത്യ നേതൃത്വത്തിൽ ജില്ലയിലെ പൊതുമേഖല ബാങ്കുകളും പങ്കെടുത്ത വായ്പ വിതരണ മേളയും ജനസമ്പർക്ക പരിപാടിയും നടന്നു. മുനിസിപ്പൽ ചെയർമാൻ സനീഷ് ജോർജ് ഉദ്​ഘാടനം ചെയ്തു. ഡെപ്യൂട്ടി കലക്ടർ (ആർ.ആർ) ജോളി ജോസഫ് അധ്യക്ഷത വഹിച്ചു. സ്റ്റേറ്റ് ബാങ്ക് ഓഫ് ഇന്ത്യ തൊടുപുഴ റീജനൽ ഓഫിസ്​ മേധാവി കൂടിയായ അസിസ്റ്റന്‍റ്​ ജനറൽ മാനേജർ ജെന്നിഫർ പട്രീഷ്യ ലൂയിസ്​ മുഖ്യപ്രഭാഷണം നടത്തി. ഉദ്​ഘാടന യോഗത്തിൽ 6.59 കോടി വരുന്ന 55 വായ്പാനുമതി പത്രങ്ങൾ വായ്പ ഉപഭോക്താക്കൾക്ക്​ കൈമാറി. യൂനിയൻ ബാങ്ക് ഓഫ് ഇന്ത്യ റീജനൽ ഹെഡ്​ നരസിംഹകുമാർ സ്വാഗതം പറഞ്ഞു. ജില്ല വ്യവസായ കേന്ദ്രം അസിസ്റ്റന്‍റ്​ വ്യവസായ ഓഫിസർ വി.ആർ. വിനു, ഖാദി ഗ്രാമവ്യവസായ ബോർഡ്​ അസി. രജിസ്ട്രർ സാബു എബ്രഹാം എന്നിവർ സംസാരിച്ചു. ലീഡ് ബാങ്ക്​ മാനേജർ ജി. രാജഗോപാലൻ നന്ദി പറഞ്ഞു. ഡിജിറ്റൽ ബാങ്കിങ്, ആർ.ബി.ഐ, ഓംബുഡ്സ്മാൻ സ്കീം എന്നിവയെക്കുറിച്ച്​ ക്ലാസും നടന്നു. റേഷന്‍ അരിയില്‍ വണ്ട്​; കടയുടെ പ്രവര്‍ത്തനം നിര്‍ത്തി നെടുങ്കണ്ടം: റേഷന്‍ അരിയില്‍ വണ്ടുകളെ കണ്ടെത്തിയ സംഭവത്തില്‍ റേഷന്‍ കടയുടെ പ്രവര്‍ത്തനം താൽക്കാലികമായി നിര്‍ത്തിവെപ്പിച്ചു. ഗുണനിലവാര പരിശോധനക്ക്​ ശേഷം സ്ഥാപനം വീണ്ടും പ്രവര്‍ത്തനം ആരംഭിക്കും. സംഭവത്തില്‍ സപ്ലൈകോക്കെതിരെ ആരോപണങ്ങളുമായി റേഷന്‍ വ്യാപാരികള്‍ രംഗത്തെത്തി. കഴിഞ്ഞ ദിവസം നെടുങ്കണ്ടം കിഴക്കേ കവലയിലെ റേഷന്‍ കടയിൽ​ സൂക്ഷിച്ചിരുന്ന അരിയിലാണ്​ വണ്ടുകളെയും ചെറുപ്രാണികളെയും കണ്ടത്. റേഷന്‍ വാങ്ങിയ ഉപഭോക്താക്കള്‍ ഇവ തിരികെ എത്തിക്കുകയായിരുന്നു. ഗോതമ്പ് ചാക്കില്‍നിന്ന്​ അരിയിലേക്ക്​ വണ്ട് എത്തുകയായിരുന്നു എന്നാണ്​ സപ്ലൈകോ അധികൃതര്‍ നല്‍കിയ വിശദീകരണം. അതേസമയം, പഴകിയ റേഷന്‍ സാധനങ്ങളാണ്, സപ്ലൈകോ വിതരണം ചെയ്തതെന്നാണ് റേഷന്‍ വ്യാപാരികളുടെ ആരോപണം പരിപാടികൾ ഇന്ന്​ തൊടുപുഴ ഉത്രം റെസിഡൻസി ഓഡിറ്റോറിയം: മുസ്​ലിം ലീഗ്​ ജില്ല പ്രവർത്തക സംഗമം -സാദിഖലി ശിഹാബ്​ തങ്ങൾ -ഉച്ച. 2.30 മുട്ടം തോട്ടുങ്കര: ശിശുസൗഹൃദ അംഗൻവാടി ഉദ്​ഘാനം ഡീൻ കുര്യാക്കോസ്​ എം.പി -വൈകു. 4.00 കലക്ടറേറ്റ്​: ജീവനക്കാർക്ക്​ പച്ചക്കറിത്തൈ​ വിതരണം കലക്ടർ ഷീബ ജോർജ്​ -രാവിലെ 10.30