പെരുമ്പൻകുത്തിൽ കാട്ടാനക്കൂട്ടമിറങ്ങി; ഒരാൾക്ക്​ പരിക്ക്​, വ്യാപക കൃഷിനാശം

അടിമാലി: മാങ്കുളം പെരുമ്പൻകുത്തിൽ കാട്ടാനക്കൂട്ടമിറങ്ങി വ്യാപകമായി കൃഷി നശിപ്പിച്ചു. ആനയെ തുരത്താൻ ശ്രമിക്കുന്നതിനിടെ വീണ് ഒരാൾക്ക് പരിക്കേറ്റു. വരിക്കയിൽ സൈജുവിനാണ് പരിക്കേറ്റത്. ഞായറാഴ്ച പുലർച്ചയാണ് സംഭവം. അഞ്ച്​ ഏക്കറിലേറെ സ്ഥലത്തെ കൃഷിയും കാട്ടാനകൾ നശിപ്പിച്ചു. ആഴ്ചകളായി പെരുമ്പൻകുത്തിൽ കാട്ടാനകൾ നിലയുറപ്പിച്ചിരിക്കുകയാണ്. വനപാലകർ ഉൾപ്പെടെ നാട്ടുകാർ കാവലിരുന്നിട്ടും കാട്ടാനകൾ ഒഴിഞ്ഞുപോകുന്നില്ല. തുരത്തിയോടിക്കാൻ ശ്രമിക്കുന്നതിനിടെ കാട്ടാന ഓടിച്ചവർക്കെതിരെ തിരിയുകയായിരുന്നു. ഈ സമയം രക്ഷപ്പെടാൻ ശ്രമിക്കുന്നതിനിടെയാണ് വീണ് പരിക്കേറ്റത്​. Idl adi 1 ana ചിത്രം - കാട്ടാന നശിപ്പിച്ച കൃഷി