അപകട സൂചന ലൈറ്റ് മിഴിയടച്ചു

മുട്ടം: തൊടുപുഴ- പുളിയന്മല സംസ്ഥാനപാതയിലെ സൂചന ലൈറ്റ് മിഴിയടച്ചു. മ്രാലയിലെ കൊടുംവളവിന് മുന്നിൽ സ്ഥാപിച്ച സോളാറിൽ പ്രവർത്തിക്കുന്ന ലൈറ്റ് തകരാറിലായിട്ട്​ മാസങ്ങളായി. വഴിയറിയാതെ എത്തുന്നവർ ഇവിടെ അപകടത്തിൽപെടാൻ സാധ്യത ഏറെയാണ്. ആഴ്ചകൾക്ക് മുന്നെ ഈ വളവിൽ നിയന്ത്രണംവിട്ട കാർ എതിർവശത്തെ മതിലിലിടിച്ച് തകർന്നിരുന്നു. മീറ്ററുകളോളം ദൂരത്തിൽ നേരായ ദിശയിൽ കിടക്കുന്ന റോഡിൽ കൊടുംവളവ് വരുന്നതിനാൽ അപകടസാധ്യത കൂടുതലാണ്. എത്രയും വേഗം സൂചന ലൈറ്റ് പ്രവർത്തനക്ഷമമാക്കണമെന്നാണ് വാഹനയാത്രികർ ആവശ്യപ്പെടുന്നത്. tdl mltm2 തൊടുപുഴ-പുളിയന്മല സംസ്ഥാനപാതയിലെ തകരാറിലായ സൂചന ലൈറ്റ്