ആൽപ്പാറ ഹൈസ്കൂളിന്‍റെ സംരക്ഷണഭിത്തിയിൽ വിള്ളൽ

ചെറുതോണി: കഞ്ഞിക്കുഴി ആൽപ്പാറ ഗവ. ഹൈസ്കൂളിന്‍റെ സംരക്ഷണഭിത്തി രണ്ടുദിവസമായി പെയ്ത കനത്തമഴയിൽ വിള്ളൽ. രണ്ടാഴ്ചമുമ്പ് പെയ്തമഴയിൽ ഈ സംരക്ഷണഭിത്തി ഇടിഞ്ഞത് വിവാദമായിരുന്നു. അശാസ്ത്രീയ രീതിയിലാണ് ഭിത്തി കെട്ടിയതെന്നും അഴിമതിയുണ്ടെന്നും ആരോപിച്ച് പ്രതിഷേധവുമായി രക്ഷാകർത്താക്കളും നാട്ടുകാരും രംഗത്തെത്തിയിരുന്നു. ഇതിന്​ പിന്നാലെയാണ്​ കഞ്ഞിക്കുഴി ഗവ. ഹൈസ്കൂളിൽ ജില്ല പഞ്ചായത്ത് നിർമിച്ച സംരക്ഷണഭിത്തിയുടെ അടിയിലായി വിള്ളൽ വീണത്​. അടിത്തറ കെട്ടാതെയാണ് സ്കൂളിന്‍റെ സംരക്ഷണഭിത്തി നിർമിച്ചിതെന്നും​ ആ​ക്ഷേപമുണ്ട്​. ജില്ല പഞ്ചായത്ത് 15 ലക്ഷം രൂപ സ്കൂളിന്‍റെ പ്രാഥമിക സൗകര്യം വർധിപ്പിക്കുവാൻ അനുവദിച്ച തുകയിൽനിന്നുമാണ് ഈ സംരക്ഷണഭിത്തികൂടി നിർമിച്ചത്. ​TDL MATHIL THAKARNNU മഴയിൽ തകർന്ന സംരക്ഷണഭിത്തിയുടെ അടിഭാഗത്തെ വിള്ളൽ