ക്രമക്കേട്​: ആരോപണം നിഷേധിച്ച്​ മർച്ചന്‍റ്​ അസോ.

കട്ടപ്പന: മർച്ചൻറ് അസോസിയേഷനിൽ സാമ്പത്തിക ക്രമക്കേട് നടന്നു​വെന്ന ആരോപണം അടിസ്ഥാനരഹിതമാണെന്ന് ഭാരവാഹികൾ. സംഘടനയുടെ ഭരണഘടന അനുസരിച്ച് എല്ലാ യൂനിറ്റ് കമ്മിറ്റികളിലും വാർഷിക കണക്കുകൾ ഓഡിറ്റിന് വിധേയമാകാറുണ്ട്. സബ് കമ്മിറ്റിയുടെ ഓഡിറ്റിങ്ങിന് മുമ്പുതന്നെ കോടികളുടെ അഴിമതിയുണ്ടെന്ന ആരോപണം വസ്തുതവിരുദ്ധമാണ്. സംഘടനക്കുള്ളിൽ അഭിപ്രായ പ്രകടനത്തിന്​ സ്വാതന്ത്ര്യം ഉണ്ടെന്നിരിക്കെ സംഘടനയെ അപമാനിക്കാൻ പരസ്യപ്രചാരണം നടത്തുന്നത് അപലപനീയമാണ്. ഇതിനെതിരെ സംഘടനതലത്തിലും നിയമപരമായും നടപടികളെടുക്കുമെന്ന് സബ് കമ്മിറ്റി ഓഡിറ്റേഴ്‌സ് സിബി കൊല്ലംകുടി, ലൂക്ക ജോസഫ്, വിൻസെന്‍റ്​ വി.കുര്യൻ എന്നിവർ പറഞ്ഞു.