സ്കൂൾ വാഹന പരിശോധന തുടരുന്നു

മൂന്നാർ: വിദ്യാലയങ്ങൾ തുറക്കുന്നതിന്​ മു​ന്നോടിയായി മോട്ടോർ വാഹന വകുപ്പ്​ അധികൃതർ മൂന്നാറിലെ വിവിധ സ്‌കൂളുകളിലെ 25 ഓളം വാഹനങ്ങളുടെ കാര്യക്ഷമത പരിശോധിച്ചു. ആറു വാഹനങ്ങള്‍ക്ക് മാനദണ്ഡങ്ങള്‍ അനുസരിച്ചുള്ള കാര്യക്ഷമത ഇല്ലെന്ന് കണ്ടെത്തിയെന്ന്​ മോട്ടാര്‍ വെഹിക്കിൾ ഇന്‍സ്‌പെക്ടര്‍ ഫ്രാന്‍സിസ് അറിയിച്ചു. വണ്ടിപ്പെരിയാർ ആർ.ടി.ഒ ഓഫിസ്​ പരിധിയിലെ സ്കൂൾ വാഹനങ്ങൾ കാര്യക്ഷമത പരിശോധനക്ക്​ 26 മുതൽ 31 വരെ പീരുമേട് ടെസ്റ്റിങ് ഗ്രൗണ്ടിൽ ഹാജരാക്കണമെന്ന്​ മോട്ടോർ വാഹന വകുപ്പ് അധികൃതർ അറിയിച്ചു.