കെ.എസ്.ആർ.ടി.സി ജീവനക്കാർക്ക് ഐക്യദാർഢ്യം

തൊടുപുഴ: കെ.എസ്.ആർ.ടി.സി ജീവനക്കാർക്ക് ശമ്പളലഭ്യത ഉറപ്പുവരുത്തുക, പൊതുഗതാഗതം സംരക്ഷിക്കൽ സർക്കാർ ഉത്തരവാദിത്തം തുടങ്ങിയ മുദ്രാവാക്യങ്ങളുയർത്തി ജോയന്‍റ്​ കൗൺസിൽ ഐക്യദാർഢ്യദിനം ആചരിച്ചു. തൊടുപുഴ ഡിപ്പോയിലേക്ക് ജീവനക്കാരുടെ പ്രകടനത്തിന്​ ശേഷം നടന്ന ഐക്യദാർഢ്യ സദസ്സ് കൗൺസിൽ സംസ്ഥാന സെക്രട്ടേറിയറ്റംഗം ഡി. ബിനിൽ ഉദ്ഘാടനം ചെയ്തു. സംസ്ഥാന കൗൺസിൽ അംഗം ജി. രമേശ് അധ്യക്ഷത വഹിച്ചു. ജീവനക്കാർ ഐക്യദാർഢ്യ പ്രതിജ്ഞ എടുത്തു. ജില്ല വൈസ് പ്രസിഡന്‍റ്​ എ.കെ. സുഭാഷ് സംസ്ഥാന കമ്മിറ്റി അംഗം ജെ. ഹരിദാസ്, സംസ്ഥാന കൗൺസിൽ അംഗം ഒ.കെ. അനിൽകുമാർ, ജില്ല പ്രസിഡന്‍റ്​ ആർ. ബിജുമോൻ തുടങ്ങിയവർ സംസാരിച്ചു. കലക്ടറേറ്റ് സമുച്ചയത്തിൽ ജില്ല വൈസ് പ്രസിഡന്‍റ്​​ സുഭാഷ് ചന്ദ്രബോസും പീരുമേട് മിനി സിവിൽ സ്റ്റേഷനിൽ ജില്ല സെക്രട്ടറി വി.ആർ. ബീനാമോളും നെടുങ്കണ്ടം മിനി സിവിൽ സ്റ്റേഷനിൽ ജില്ല ജോയന്‍റ്​ സെക്രട്ടറി എസ്. സുകുമാരനും ദേവികുളം മിനി സിവിൽ സ്റ്റേഷനിൽ വനിത കമ്മിറ്റി ജില്ല ജോ. സെക്രട്ടറി ആൻസ് ജോണും രാജാക്കാട് ബസ്​സ്റ്റാൻഡ്​​ പരിസരത്ത് ജില്ല ജോ. സെക്രട്ടറി മനോജ് മോഹനനും കട്ടപ്പന മിനി സിവിൽ സ്റ്റേഷനിൽ സംസ്ഥാന കൗൺസിൽ അംഗം ആന്‍റണി ജോസഫും ഐക്യദാർഢ്യ സദസ്സ് ഉദ്ഘാടനം ചെയ്തു. FOTO - TDL JOINCOUNCLE ജോയന്‍റ്​ കൗൺസിൽ നേതൃത്വത്തിൽ തൊടുപുഴ കെ.എസ്.ആർ.ടി.സി ഡിപ്പോയിൽ നടത്തിയ ഐക്യദാർഢ്യ സദസ്സ് സംസ്ഥാന സെക്രട്ടേറിയറ്റംഗം ഡി. ബിനിൽ ഉദ്ഘാടനം ചെയ്യുന്നു മിനി ഹാൻഡ്​ബാൾ ലീഗ് തൊടുപുഴ: ജില്ല ഹാൻഡ്​ബാൾ അസോസിയേഷൻ ആഭിമുഖ്യത്തിൽ കെ. ശശിധരൻ മെമ്മോറിയൽ മിനി ഹാൻഡ്​ബാൾ ലീഗ് 29ന് കുമാരമംഗലം എം.കെ.എൻ.എം.എച്ച്​.എസ്​.എസ്​ ഗ്രൗണ്ടിൽ നടക്കുമെന്ന്​ സെക്രട്ടറി അൻവർ ഹുസൈൻ അറിയിച്ചു. 2007 ജനുവരി ഒന്നിന് ശേഷം ജനിച്ചവർക്ക്​ പകെടുക്കാം. ഫോൺ: 730 606 2090.