കാലുകള്‍ കൂട്ടിക്കെട്ടി ഡാമിൽ തള്ളിയ നായെ അഗ്​നിരക്ഷസേന രക്ഷിച്ചു

കാലുകള്‍ കൂട്ടിക്കെട്ടി ഡാമിൽ തള്ളിയ നായെ രക്ഷിച്ചു മൂന്നാർ: കാലുകള്‍ കൂട്ടിക്കെട്ടി ചാക്കിലാക്കി ഡാമിൽ തള്ളിയ നായെ നാട്ടുകാരും അഗ്​നിരക്ഷാ സേനാംഗങ്ങളും ചേര്‍ന്ന് സാഹസികമായി രക്ഷപ്പെടുത്തി. പഴയ മൂന്നാറിലെ ഹെഡ് വര്‍ക്‌സ് ഡാമിലേക്കാണ്​ തള്ളിയത്​. കഴിഞ്ഞ ദിവസം ഡാമിനോട്​ ചേര്‍ന്ന്​ കേബിള്‍ വലിക്കുന്ന ജോലിയില്‍ ഏര്‍പ്പെട്ടിരുന്നവരാണ് കരച്ചില്‍ കേട്ടത്. നാട്ടുകാർക്ക് ഡാമിലേക്ക് ഇറങ്ങാന്‍ കഴിയാത്തതിനാല്‍ മൂന്നാറിലെ അഗ്​നിരക്ഷാ സേനയെ വിവരമറിയിച്ചു. സ്ഥലത്തെത്തിയ സേനാംഗങ്ങള്‍ കയറുകെട്ടി ഡാമിൽ ഇറങ്ങി രക്ഷിച്ചു. കടുത്ത തണുപ്പില്‍ ശ്വാസം കിട്ടാതെ വിഷമിച്ച നായ്​ അവശ നിലയിലായിരുന്നു. നായോട് കൊടും ക്രൂരത കാട്ടിയവരെ കണ്ടെത്തി നടപടി സ്വീകരിക്കുമെന്ന് പഞ്ചായത്ത് അധികൃതര്‍ പറഞ്ഞു. ചിത്രം 1 നായെ അഗ്​നിരക്ഷാ സേനാംഗങ്ങള്‍ രക്ഷപ്പെടുത്തുന്നു