സിലിണ്ടർ ചോർന്നത് പരിഭ്രാന്തി പരത്തി

മുട്ടം: പാചകവാതകം ചോർന്നത് പരിഭ്രാന്തി പരത്തി. മുട്ടം കാക്കൊമ്പ് സ്വദേശി തയ്യിൽ തോമസിന്‍റെ വീട്ടിലെ സിലിണ്ടറാണ്​ ചോർന്നത്​. വ്യാഴാഴ്ച ഉച്ചക്ക് ഒന്നോടെയാണ് സംഭവം. ചോർച്ച മനസ്സിലാക്കിയതോടെ വീട്ടുകാർ ഗ്യാസ് ഏജൻസിയിലും അഗ്നിരക്ഷ സേനയിലും അറിയിക്കുകയായിരുന്നു. ഉടൻ തൊടുപുഴയിൽനിന്ന്​ അഗ്നിരക്ഷ ജീവനക്കാർ എത്തി വിടിനുള്ളിലിരുന്ന സിലിണ്ടർ സുരക്ഷിതമായി പുറത്തിറക്കി.