ഭീ​തി പ​ര​ത്തി മേ​ത്ത​ല​യി​ൽ വീ​ണ്ടും കു​റു​ക്ക​ന്റെ ആ​ക്ര​മ​ണം; പ​ത്തി​ല​ധി​കം പേ​ർ​ക്ക് ക​ടി​യേ​റ്റു

മേ​ത്ത​ല: ഭീ​തി​പ​ര​ത്തി മേ​ത്ത​ല​യി​ൽ കു​റു​ക്ക​ന്റെ ആ​ക്ര​മ​ണം. കു​റു​ക്ക​ന്റെ ക​ടി​യേ​റ്റ് സ്കൂ​ൾ വി​ദ്യാ​ർ​ഥി​യ​ട​ക്കം പ​ത്തി​ല​ധി​കം പേ​ർ​ക്ക് പ​രി​ക്ക്.

മു​റി​വേ​റ്റ​വ​ർ കൊ​ടു​ങ്ങ​ല്ലൂ​ർ താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും ചി​കി​ത്സ തേ​ടി.

മേ​ത്ത​ല ക​ടു​ക്ക​ചു​വ​ട് ഭാ​ഗ​ത്താ​ണ് ചൊ​വ്വാ​ഴ്ച വൈ​കീ​ട്ടോ​ടെ കു​റു​ക്ക​ന്റെ ആ​ക്ര​മ​ണം ഉ​ണ്ടാ​യ​ത്.

സ്കൂ​ൾ വി​ട്ടു​വ​ന്ന ആ​റാം ക്ലാ​സു​കാ​രി​ക്കും കു​റു​ക്ക​ന്റെ ക​ടി​യേ​റ്റി​ട്ടു​ണ്ട്. തൃ​ക്കു​ല​ശേ​ഖ​ര​പു​ര​ത്ത് മു​ര​ളീ​ധ​ര​ൻ (67), മ​ക​ൾ കൃ​ഷ്ണ​പ്രി​യ (11), മു​രി​ക്കും​ത​റ ശു​ഭ​യു​ടെ മ​ക​ൾ ശ്രീ​ദേ​വി (27), കൈ​മ​പ​റ​മ്പി​ൽ പ്രി​യ ല​ക്ഷ്മി (42), ഈ​ശ്വ​ര​മം​ഗ​ല​ത്ത് വി​ജീ​ഷ് (40), താ​ല​പ്പു​ള്ളി വി​ഷ്ണു തു​ട​ങ്ങി​യ​വ​ർ​ക്കാ​ണ് ക​ടി​യേ​റ്റ​ത്. ഈ ​പ്ര​ദേ​ശ​ത്ത് ആ​ൾ താ​മ​സ​മി​ല്ലാ​ത്ത ഏ​ക്ക​റി​ല​ധി​കം സ്ഥ​ലം കാ​ടു​പി​ടി​ച്ചു കി​ട​ക്കു​ന്നു​ണ്ട്. ഇ​വി​ടെ​യാ​ണ് കു​റു​ക്ക​ന്റെ താ​വ​ള​മെ​ന്ന് പ​റ​യു​ന്നു.

കു​റു​ക്ക​ന്മാ​ർ ഇ​വി​ടെ പെ​റ്റു​പെ​രു​കി​യ​താ​യി നാ​ട്ടു​കാ​ർ സം​ശ​യി​ക്കു​ന്നു. വീ​ടി​ന​ക​ത്തും ക​യ​റി ക​ടി​ച്ച​താ​യി പ​റ​യു​ന്നു. ക​ഴി​ഞ്ഞ​മാ​സം സ​മീ​പ പ്ര​ദേ​ശ​മാ​യ വ​യ​ല​മ്പ​ത്ത് വെ​ള്ളാ​ശ്ശേ​രി മു​കു​ന്ദ​ന്‍റെ ഭാ​ര്യ പ്രേ​മ​ക്ക് ക​ടി​യേ​റ്റി​രു​ന്നു. ഇ​വ​ർ വീ​ട്ടു​മു​റ്റ​ത്ത് തു​ണി​ക​ൾ അ​ല​ക്കി വി​രി​ക്കു​ന്ന​തി​നി​ട​യി​ലാ​ണ് കു​റു​ക്ക​ന്‍റെ ആ​ക്ര​മ​ണം ഉ​ണ്ടാ​യ​ത്.

പ്രേ​മ​യു​ടെ വ​ല​തു​കാ​ലി​ലെ തു​ട​യി​ൽ സാ​ര​മാ​യി പ​രി​ക്കേ​റ്റി​രു​ന്നു. വ​യ​ല​മ്പം തെ​ക്ക് ഭാ​ഗ​ത്ത് ജ​ന​വാ​സ കേ​ന്ദ്ര​ത്തി​ൽ കു​റു​ക്ക​ന്മാ​രു​ടെ ശ​ല്യം ഏ​റു​ന്ന​താ​യി പ​രാ​തി​യു​ണ്ട്.