ഗിന്നസിൽ കയറാൻ ലോകത്തിലെ ഏറ്റവും വലിയ അത്തർ കുപ്പിയും ചന്ദനത്തിരിയും

മ​ട്ടാ​ഞ്ചേ​രി: സു​ഗ​ന്ധ​വ്യ​ജ്ഞ​ന​ങ്ങ​ളു​ടെ കേ​ന്ദ്ര​മാ​യ മ​ട്ടാ​ഞ്ചേ​രി സു​ഗ​ന്ധ​ദ്ര​വ്യ​ങ്ങ​ളു​ടെ കൂ​ടെ ഹ​ബ്ബാ​യി മാ​റു​ന്നു. ലോ​ക​ത്തി​ലെ ഏ​റ്റ​വും വ​ലി​യ ച​ന്ദ​ന​ത്തി​രി, ഏ​റ്റ​വു വ​ലി​യ അ​ത്ത​ർ കു​പ്പി എ​ന്നി​വ ഗി​ന്ന​സ് ബു​ക്കി​ൽ ഇ​ടം പി​ടി​ക്കാ​ൻ ഇ​വി​ടെ ത​യാ​റാ​ക്കി​യി​രി​ക്ക​യാ​ണ്. പൈ​തൃ​ക ടൂ​റി​സം കേ​ന്ദ്ര​മാ​യ മ​ട്ടാ​ഞ്ചേ​രി​യി​ലെ ജൂ​ത​ത്തെ​രു​വി​ൽ ഐ.​ആ​ർ.​എ​സ് പെ‍ർ​ഫ്യൂം എ​ന്ന സ്ഥാ​പ​ന​ത്തി​ലാ​ണ് കൊ​ച്ചി​യി​ലെ​ത്തു​ന്ന സ​ഞ്ചാ​രി​ക​ൾ​ക്ക് വി​സ്മ​യം തീ​ർ​ത്ത് ഇ​വ ര​ണ്ടും പ്ര​ദ​ർ​ശി​പ്പി​ച്ചി​രി​ക്കു​ന്ന​ത്.

കൈ ​കൊ​ണ്ട് നി​ർ​മി​ച്ച 412 കി​ലോ ഭാ​ര​മു​ള്ള ച​ന്ദ​ന​ത്തി​രി​ക്ക് 69 അ​ടി​യാ​ണ് നീ​ളം. ച​ന്ദ​ന​പ്പൊ​ടി, ച​ന്ദ​ന​ത്തൈ​ലം തു​ട​ങ്ങി പ്ര​കൃ​തി ദ​ത്ത​മാ​യ ഉ​ൽ​പ്പ​ന്ന​ങ്ങ​ളാ​ൽ ര​ണ്ടു മാ​സം കൊ​ണ്ടാ​ണ് ഇ​ത് നി​ർ​മി​ച്ചി​രി​ക്കു​ന്ന​ത്. ക​ത്തി​ത്തീ​രാ​ൻ ഒ​രു മാ​സ​മെ​ടു​ക്കും. ലോ​ക​ത്തി​ലെ ഏ​റ്റ​വും വ​ലി​യ അ​ത്ത​ർ കു​പ്പി​യാ​ണ് മ​റ്റൊ​ന്ന്.

10 അ​ടി ഉ​യ​ര​മു​ള്ള കു​പ്പി​യി​ൽ 3600 ലി​റ്റ​ർ അ​ത്ത​റാ​ണ് നി​റ​ച്ചി​രി​ക്കു​ന്ന​ത്. സ്ഥാ​പ​ന​ത്തി​ന്‍റെ സീ​ലിം​ഗി​ൽ ഒ​രു ലി​റ്റ​ർ അ​ത്ത​ർ നി​റ​ക്കാ​വു​ന്ന 9780 കു​പ്പി​ക​ൾ അ​ല​ങ്കാ​ര​മാ​യി തൂ​ക്കി​യി​ട്ടി​രി​ക്കു​ക​യാ​ണ്. അ​തി​നു താ​ഴെ​യാ​ണ് കെ​ട്ടു​ക​ളാ​ക്കി 4000 കി​ലോ ച​ന്ദ​ന​ത്തി​രി​ക​ളും തൂ​ക്കി പ്ര​ദ​ർ​ശി​പ്പി​ച്ചി​ട്ടു​ണ്ട്. നി​ര​വ​ധി സ​ഞ്ചാ​രി​ക​ളാ​ണ് ഇ​ത് കാ​ണാ​നെ​ത്തു​ന്ന​ത്.