തൃ​ക്കാ​ക്ക​ര നഗരസഭ സ്റ്റോപ് മെമ്മോ നൽകിയിട്ടും കെട്ടിട നിർമാണം തകൃതി

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ സ​ഭ​യു​ടെ സ്റ്റോ​പ് മെ​മ്മോ​ക്ക് പു​ല്ലു​വി​ല. വാ​ഴ​ക്കാ​ല​യി​ൽ സ്വ​കാ​ര്യ ജ്വ​ല്ല​റി​യു​ടെ നി​ർ​മാ​ണം എ​ല്ലാ ച​ട്ട​വും കാ​റ്റി​ൽ പ​റ​ത്തി​യെ​ന്ന് പ​രാ​തി. ന​ഗ​ര​സ​ഭ​യി​ൽ​നി​ന്ന്​ നി​യ​മാ​നു​സൃ​ത​മാ​യ അ​നു​മ​തി വാ​ങ്ങാ​തെ വാ​ഴ​ക്കാ​ല​യി​ലെ ജ്വ​ല്ല​റി നി​ല​വി​ലു​ള്ള കെ​ട്ടി​ട​ത്തോ​ട്​ ചേ​ർ​ത്ത് അ​ന​ധി​കൃ​ത കൂ​ട്ടി​ച്ചേ​ർ​ക്ക​ലു​ക​ൾ ന​ട​ത്തു​ന്ന​താ​യി ഉ​ദ്യോ​ഗ​സ്ഥ​രു​ടെ പ​രി​ശോ​ധ​ന​യി​ലും ബോ​ധ്യ​പ്പെ​ടു​ക​യും ചെ​യ്തു. തു​ട​ർ​ന്ന് നി​ർ​മാ​ണ​ങ്ങ​ൾ നി​ർ​ത്തി​വെ​ക്കാ​ൻ സ്റ്റോ​പ് മെ​മ്മോ​യും ന​ഗ​ര​സ​ഭ ന​ൽ​കി​യെ​ങ്കി​ലും നി​ർ​മാ​ണം തു​ട​രു​ക​യാ​ണ്. ക​ഴി​ഞ്ഞ ആ​റു​മാ​സ​മാ​യി ന​ട​പ​ടി സ്വീ​ക​രി​ക്കു​മെ​ന്ന് നോ​ട്ടീ​സ് ന​ൽ​കു​ന്ന​ത​ല്ലാ​തെ നി​ർ​മാ​ണ​ത്തി​ലെ ച​ട്ട​ലം​ഘ​നം ക​ണ്ടെ​ത്തി​യി​ട്ടും ന​ഗ​ര​സ​ഭ ഉ​ദ്യോ​ഗ​സ്ഥ​ർ ഒ​രു ന​ട​പ​ടി​യും ഇ​തു​വ​രെ സ്വീ​ക​രി​ച്ചി​ട്ടി​ല്ല.

ഉ​ന്ന​ത ഇ​ട​പെ​ട​ലു​ക​ളെ തു​ട​ർ​ന്ന് ഉ​ദ്യോ​ഗ​സ്ഥ​ർ അ​ന​ധി​കൃ​ത നി​ർ​മാ​ണം പൊ​ളി​ച്ചു​നീ​ക്കാ​നും ത​യാ​റാ​കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി. അ​ന​ധി​കൃ​ത നി​ർ​മാ​ണം ന​ട​ക്കു​ന്ന​താ​യി ന​ഗ​ര​സ​ഭ ഓ​വ​ർ​സി​യ​റു​ടെ ക​ണ്ടെ​ത്ത​ലി​ന്‍റെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ന​ഗ​ര​സ​ഭ സെ​ക്ര​ട്ട​റി 15 ദി​വ​സ​ത്തി​ന​കം പൊ​ളി​ച്ചു​മാ​റ്റ​ണ​മെ​ന്ന് ഉ​ത്ത​ര​വ് ജ​നു​വ​രി 20ന് ​ജ്വ​ല്ല​റി ഉ​ട​മ​ക്ക് ന​ഗ​ര​സ​ഭ ന​ൽ​കി​യെ​ങ്കി​ലും നി​ർ​മാ​ണം പു​രോ​ഗ​മി​ക്കു​ക​യാ​ണ്. കൂ​ടാ​തെ കെ​ട്ടി​ട ഉ​ട​മ​ക്ക് ന​ഗ​ര​സ​ഭ ഹി​യ​റി​ങ് നോ​ട്ടീ​സ് ന​ൽ​കി. ഫെ​ബ്രു​വ​രി 23ന് ​ഹി​യ​റി​ങ്ങി​ന് ഹാ​ജ​രാ​യ കെ​ട്ടി​ട ഉ​ട​മ ത​ന്‍റെ അ​റി​വി​ല്ലാ​യ്മ​കൊ​ണ്ട് നി​യ​മാ​നു​സൃ​ത​മ​ല്ലാ​തെ നി​ർ​മാ​ണം ന​ട​ത്തി​യി​ട്ടു​ണ്ടെ​ങ്കി​ൽ അ​തി​ന്‍റെ ഫീ​സ് റ​ഗു​ലൈ​സേ​ഷ​ൻ ന​ട​ത്ത​ണ​മെ​ന്ന വി​ചി​ത്ര മ​റു​പ​ടി​യാ​ണ് മു​നി​സി​പ്പ​ൽ എ​ൻ​ജി​നീ​യ​ർ​ക്ക് ന​ൽ​കി​യ​ത്.