ഗതാഗത നിയമലംഘനം: കാമറകൾ എത്തിയിട്ടും സോഫ്​റ്റ്​വെയർ സജ്ജമായില്ല

മു​ട്ടം: മോ​ട്ടോ​ര്‍ വാ​ഹ​ന നി​യ​മ​ലം​ഘ​ന​ങ്ങ​ള്‍ ക​ണ്ടെ​ത്തി ത​ട​യാ​ൻ സ്ഥാ​പി​ച്ച ആ​ര്‍ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍സ് കാ​മ​റ​ക​ൾ ജി​ല്ല​യി​ൽ പ്ര​വ​ർ​ത്തി​ച്ചു തു​ട​ങ്ങി​യി​ല്ല. കാ​മ​റ​ക​ളെ നി​യ​ന്ത്രി​ക്കേ​ണ്ട സോ​ഫ്റ്റ് വെ​യ​ർ പൂ​ർ​ണ​സ​ജ്ജ​മാ​കാ​ത്ത​തി​നാ​ലാ​ണ് പി​ഴ​യീ​ടാ​ക്ക​ൽ ആ​രം​ഭി​ക്കാ​ത്ത​ത്. സ​ർ​ക്കാ​ർ ഏ​ജ​ൻ​സി​യാ​യ കെ​ൽ​ട്രോ​ണി​നെ​യാ​ണ് പ​ദ്ധ​തി​യു​ടെ ചു​മ​ത​ല ഏ​ൽ​പി​ച്ചി​രി​ക്കു​ന്ന​ത്.

വാ​ഹ​ന​ങ്ങ​ളു​ടെ വി​വ​ര​ങ്ങ​ൾ സോ​ഫ്റ്റ് വെ​യ​റി​ലേ​ക്ക് അ​പ്​​ലോ​ഡ് ചെ​യ്ത് പൂ​ർ​ത്തി​യാ​യാ​ൽ ഉ​ട​ൻ പി​ഴ​യീ​ടാ​ക്കി​ത്തു​ട​ങ്ങു​മെ​ന്ന് എ​ൻ​ഫോ​ഴ്​​സ്​​മെൻറ് ആ​ർ.​ടി.​ഒ പി.​എ. ന​സീ​ർ പ​റ​ഞ്ഞു. കാ​മ​റ​ക​ൾ സ​ജ്ജ​മാ​ക്കാ​ൻ സ​ർ​ക്കാ​ർ ന​ൽ​കി​യി​രു​ന്ന കാ​ലാ​വ​ധി ക​ഴി​ഞ്ഞ​തി​നാ​ൽ അ​പ്​​ലോ​ഡി​ങ് പ്ര​വൃ​ത്തി ദ്രു​ത​ഗ​തി​യി​ൽ ന​ട​ന്നു​വ​രു​ക​യാ​ണ്. ഗ​താ​ഗ​ത നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി പി​ഴ​യി​ടു​ന്ന​തി​ന് നി​ർ​മി​ത​ബു​ദ്ധി (ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്-​എ.​ഐ) ഉ​പ​യോ​ഗി​ച്ച് പ്ര​വ​ർ​ത്തി​ക്കു​ന്ന 38 കാ​മ​റ​ക​ളാ​ണ് ജി​ല്ല​യി​ലു​ട​നീ​ളം സ്ഥാ​പി​ച്ചി​ട്ടു​ള്ള​ത്.

അ​മി​ത വേ​ഗ​ത്തി​ലു​ള്ള സ​ഞ്ചാ​രം മാ​ത്ര​മാ​ണ് പ​ഴ​യ കാ​മ​റ​ക​ള്‍ ഒ​പ്പി​യെ​ടു​ത്തി​രു​ന്ന​ത്. എ​ന്നാ​ൽ, എ.​ഐ കാ​മ​റ​ക​ൾ ഹെ​ല്‍മ​റ്റ്, ഇ​രു​ച​ക്ര വാ​ഹ​ന​ത്തി​ലെ ട്രി​പ്പി​ൾ യാ​ത്ര, സീ​റ്റ് ബെ​ല്‍റ്റ് ധ​രി​ക്കാ​തെ വാ​ഹ​ന​മോ​ടി​ക്ക​ല്‍, വാ​ഹ​ന​മോ​ടി​ക്കു​മ്പോ​ള്‍ മൊ​ബൈ​ലി​ല്‍ സം​സാ​രി​ക്ക​ല്‍ തു​ട​ങ്ങി​യ​വ​യും പി​ടി​കൂ​ടും. ഈ​മാ​സം അ​വ​സാ​ന​ത്തോ​ടെ പി​ഴ​യീ​ടാ​ക്ക​ൽ ആ​രം​ഭി​ക്കാ​നാ​കു​മെ​ന്ന പ്ര​തീ​ക്ഷ​യി​ലാ​ണ് മോ​ട്ടോ​ർ വാ​ഹ​ന വ​കു​പ്പ്.