തദ്ദേശ ഉപതെരഞ്ഞെടുപ്പ്​ തൃപ്പൂണിത്തുറയില്‍ താളംതെറ്റി ഇടതും വലതും

തൃ​പ്പൂ​ണി​ത്തു​റ: ത​ദ്ദേ​ശ ഉ​പ​തെ​ര​ഞ്ഞെ​ടു​പ്പി​ല്‍ സം​സ്ഥാ​ന​ത​ല​ത്തി​ല്‍ നേ​ട്ടം കൈ​വ​രി​ക്കാ​നാ​യെ​ങ്കി​ലും തൃ​പ്പൂ​ണി​ത്തു​റ ന​ഗ​ര​സ​ഭ​യി​ലെ ര​ണ്ടു സി​റ്റി​ങ് സീ​റ്റു​ക​ള്‍ ന​ഷ്ട​മാ​യ​തി​ന്റെ ഞെ​ട്ട​ലി​ലാ​ണ് എ​ല്‍.​ഡി.​എ​ഫ്. തൃ​ക്കാ​ക്ക​ര ഉ​പ​തെ​ര​ഞ്ഞെ​ടു​പ്പി​നെ​യും ഇ​ത് ബാ​ധി​ക്കു​മോ എ​ന്ന ആ​ശ​ങ്ക​യും മ​റ​ച്ചു​വെ​ക്കാ​നാ​കി​ല്ല. തൃ​പ്പൂ​ണി​ത്തു​റ​യി​ലെ ര​ണ്ടു വാ​ര്‍ഡു​ക​ളി​ലും വോ​ട്ടു​വി​ഹി​തം ഉ​യ​ര്‍ത്താ​ന്‍ ബി.​ജെ.​പി​ക്ക്​ സാ​ധി​ച്ച​ത് പ്ര​ദേ​ശ​ത്ത് സ്വാ​ധീ​നം വ​ര്‍ധി​ക്കു​ന്ന​തി​ന്റെ തെ​ളി​വാ​ണെ​ന്നാ​ണ് പാ​ർ​ട്ടി പ്ര​വ​ര്‍ത്ത​ക​ര്‍ പ​റ​യു​ന്ന​ത്. അ​തേ​സ​മ​യം 11 ാം വാ​ര്‍ഡ് നേ​ര​ത്തേ എ​ന്‍.​ഡി.​എ​യു​ടെ സി​റ്റി​ങ് സീ​റ്റാ​യി​രു​ന്നു. അ​ന്നും വ​ള്ളി ര​വി ത​ന്നെ​യാ​യി​രു​ന്നു തെ​ര​ഞ്ഞെ​ടു​ക്ക​പ്പെ​ട്ടി​രു​ന്ന​ത്. ക​ഴി​ഞ്ഞ തെ​ര​ഞ്ഞെ​ടു​പ്പി​ല്‍ വ​ള്ളി ര​വി​യി​ല്‍നി​ന്ന് എ​ല്‍.​ഡി.​എ​ഫി​ന്റെ കെ.​ടി. സൈ​ഗാ​ള്‍ പി​ടി​ച്ചെ​ടു​ക്കു​ക​യാ​യി​രു​ന്നു. സൈ​ഗാ​ളി​ന്റെ മ​ര​ണ​ത്തോ​ടെ​യാ​ണ് ഉ​പ​തെ​ര​ഞ്ഞെ​ടു​പ്പ് ന​ട​ന്ന​തും വ​ള്ളി ര​വി​ക്കു​ത​ന്നെ സീ​റ്റ് വീ​ണ്ടെ​ടു​ക്കാ​നാ​യ​തും.

49 അം​ഗ ന​ഗ​ര​സ​ഭ​യി​ല്‍ കേ​വ​ല ഭൂ​രി​പ​ക്ഷ​ത്തി​ന് 25 അം​ഗ​ങ്ങ​ളു​ടെ പി​ന്തു​ണ വേ​ണം എ​ന്നി​രി​ക്കെ​യാ​ണ് ര​ണ്ട് സി​റ്റി​ങ് സീ​റ്റു​ക​ള്‍ കൂ​ടി എ​ല്‍.​ഡി.​എ​ഫി​ന് ന​ഷ്ട​മാ​യ​ത്. കേ​വ​ല ഭൂ​രി​പ​ക്ഷം സാ​ധ്യ​മാ​ക​ണ​മെ​ങ്കി​ല്‍ ബി.​ജെ.​പി.​യു​ടെ പി​ന്തു​ണ നേ​ടു​ക​യോ യു.​ഡി.​എ​ഫ് പി​ന്തു​ണ​ക്കു​ക​യോ വേ​ണം. എ​ന്നാ​ല്‍, ബി.​ജെ.​പി.​യു​മാ​യി ചേ​ര്‍ന്ന് പ്ര​വ​ര്‍ത്തി​ക്കാ​ന്‍ കോ​ണ്‍ഗ്ര​സ് ത​യാ​റാ​കാ​ത്ത​തി​നാ​ല്‍ അ​വി​ശ്വാ​സ​പ്ര​മേ​യ സാ​ധ്യ​ത ഇ​ല്ലെ​ന്ന​ത് എ​ല്‍.​ഡി.​എ​ഫി​ന് ആ​ശ്വാ​സ​മാ​കും. 11 ാം വാ​ര്‍ഡി​ല്‍ ഇ​ള​മ​ന​ത്തോ​പ്പി​ല്‍ ക​ഴി​ഞ്ഞ ത​വ​ണ യു.​ഡി.​എ​ഫ്. നേ​ടി​യ​ത് 144 വോ​ട്ടാ​യി​രു​ന്നു. എ​ന്നാ​ല്‍, ഇ​ത്ത​വ​ണ 70 വോ​ട്ടാ​യി ചു​രു​ങ്ങി.

അ​തേ​സ​മ​യം ക​ഴി​ഞ്ഞ ത​വ​ണ എ​ല്‍.​ഡി.​എ​ഫി​ന് ല​ഭി​ച്ച​തി​നേ​ക്കാ​ള്‍ 44 വോ​ട്ടാ​ണ് ഇ​ത്ത​വ​ണ അ​ധി​ക​മാ​യി ല​ഭി​ച്ച​ത്. എ​ന്നി​ട്ടും എ​ല്‍.​ഡി.​എ​ഫ് സ്ഥാ​നാ​ര്‍ഥി ജ​യി​ക്കാ​തി​രു​ന്ന​ത് കോ​ണ്‍ഗ്ര​സി​ന്റെ വോ​ട്ടു​ക​ള്‍ ബി.​ജെ.​പി​ക്കു മ​റി​ച്ച​തു​കൊ​ണ്ടാ​ണെ​ന്നാ​ണ് എ​ല്‍.​ഡി.​എ​ഫി​ന്റെ വാ​ദം. അ​തേ​സ​മ​യം വ​രാ​നി​രി​ക്കു​ന്ന പ​ല പ​ദ്ധ​തി​ക​ളി​ലും എ​തി​ര്‍പ്പു​ക​ളു​ടെ ഘോ​ഷ​യാ​ത്ര​ത​ന്നെ നേ​രി​ടേ​ണ്ടി വ​രു​മെ​ന്ന​തും എ​ല്‍.​ഡി.​എ​ഫി​നെ സം​ബ​ന്ധി​ച്ചി​ട​ത്തോ​ളം ആ​ശ​ങ്ക​ക്ക്​ വ​ഴി​യൊ​രു​ക്കു​ന്ന​താ​ണ്.