ന​ഴ്സി​ങ്​ ഓ​ഫി​സ​റെ ആ​ക്ര​മി​ച്ച​തി​ൽ പ്ര​തി​ഷേ​ധം; ആശുപത്രി ജീവനക്കാർ ഒ.പി ബഹിഷ്‌കരിച്ചു

തൃ​പ്പൂ​ണി​ത്തു​റ: മ​ദ്യ​ല​ഹ​രി​യി​ൽ വ​നി​ത സി.​പി.​ഒ​യെ ആ​ക്ര​മി​ച്ച പ്ര​തി​യെ വൈ​ദ്യ​പ​രി​ശോ​ധ​ന​ക്ക്​ താ​ലൂ​ക്ക്​ ആ​ശു​പ​ത്രി​യി​ലെ​ത്തി​ച്ച​പ്പോ​ൾ ന​ഴ്സി​ങ്​ ഓ​ഫി​സ​റെ ആ​ക്ര​മി​ച്ച സം​ഭ​വ​ത്തി​ൽ പ്ര​തി​ഷേ​ധി​ച്ച് ബു​ധ​നാ​ഴ്ച രാ​വി​ലെ 10.30 മു​ത​ൽ 11 വ​രെ ആ​ശു​പ​ത്രി ജീ​വ​ന​ക്കാ​ർ ഒ.​പി ബ​ഹി​ഷ്‌​ക​രി​ച്ചു.

24 മ​ണി​ക്കൂ​റും എ​യ്ഡ് പോ​സ്റ്റ് പ്ര​വ​ർ​ത്ത​നം ആ​രം​ഭി​ക്കു​ക, ആ​ശു​പ​ത്രി ജീ​വ​ന​ക്കാ​രു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കു​ക, ആ​ശു​പ​ത്രി​ക്കും ഉ​പ​ക​ര​ണ​ങ്ങ​ൾ​ക്കും സു​ര​ക്ഷ​യൊ​രു​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ചാ​യി​രു​ന്നു സ​മ​രം. പൊ​ലീ​സി​ന്‍റെ ഗു​രു​ത​ര അ​നാ​സ്ഥ​യാ​ണ് പ്ര​തി ന​ഴ്സി​ങ്​ ഓ​ഫി​സ​റെ അ​ക്ര​മി​ക്കാ​ൻ കാ​ര​ണ​മെ​ന്നും ഇ​ത്ത​ര​ത്തി​ൽ കു​ഴ​പ്പ​ക്കാ​ര​നാ​യ പ്ര​തി​യാ​ണെ​ന്ന് പൊ​ലീ​സ് ഒ​രു​സൂ​ച​ന പോ​ലും ന​ൽ​കി​യി​ല്ലെ​ന്നും സ​മ​ര​ക്കാ​ർ ആ​രോ​പി​ച്ചു. ത​ല​നാ​രി​ഴ​ക്കാ​ണ് ഒ​രു ന​ഴ്സി​ന്‍റെ ജീ​വ​ൻ ര​ക്ഷ​പ്പെ​ട്ട​ത്.

മൂ​ന്നു​ത​വ​ണ ആ​ശു​പ​ത്രി​യി​ൽ പൊ​ലീ​സ് എ​യ്ഡ് പോ​സ്റ്റ് സേ​വ​നം ആ​വ​ശ്യ​പ്പെ​ട്ട് ക​ത്ത് ന​ൽ​കി​യി​രു​ന്നെ​ങ്കി​ലും ന​ട​പ​ടി​യു​ണ്ടാ​യി​ല്ല. ഈ ​സ​മ​രം സൂ​ച​ന മാ​ത്ര​മാ​ണെ​ന്നും ഇ​നി​യും ന​ട​പ​ടി​യു​ണ്ടാ​യി​ല്ലെ​ങ്കി​ൽ ശ​ക്ത​മാ​യ സ​മ​ര​പ​രി​പാ​ടി​ക​ൾ ആ​രം​ഭി​ക്കു​മെ​ന്നും ക​ഴി​ഞ്ഞ ദി​വ​സം സൂ​പ്ര​ണ്ടി​ന്‍റെ കാ​ബി​ൻ സാ​മൂ​ഹി​ക​വി​രു​ദ്ധ​ർ ത​ക​ർ​ക്കു​ന്ന​തി​ന്‍റെ ഡി​ജി​റ്റ​ൽ തെ​ളി​വു​ക​ൾ സ​ഹി​തം പൊ​ലീ​സി​ന് ന​ൽ​കി​യി​ട്ടും പ്ര​തി​യെ അ​റ​സ്റ്റ് ചെ​യ്തി​ല്ലെ​ന്നും സ​മ​ര​ക്കാ​ർ പ​റ​ഞ്ഞു.

15 മി​നി​റ്റോ​ളം ന​ഗ​ര​ത്തി​ൽ അ​ക്ര​മാ​സ​ക്ത​നാ​യ പ്ര​തി​യെ ത​ട​യാ​ൻ ആ​രും ത​യാ​റാ​യി​ല്ല. ഇ​യാ​ൾ ഭീ​ക​രാ​ന്ത​രീ​ക്ഷം സൃ​ഷ്ടി​ച്ച് പൊ​ലീ​സു​കാ​രി​യെ ആ​ക്ര​മി​ക്കു​ന്ന​ത് ആ​ളു​ക​ൾ നോ​ക്കി​നി​ൽ​ക്കു​ക​യാ​യി​രു​ന്നു.

ആ​ശു​പ​ത്രി സൂ​പ്ര​ണ്ട് ഡോ. ​പി. സു​മ, ലേ ​സെ​ക്ര​ട്ട​റി സു​നി​ൽ കു​മാ​ർ, ആ​ർ.​എം.​ഒ ഡോ. ​പി. പൂ​ർ​ണി​മ, ഡോ. ​ക​ണ്ണ​ൻ ടി. ​രാ​ജ്, എ​ൻ.​ജി.​ഒ യൂ​നി​യ​ൻ ഭാ​ര​വാ​ഹി സ​ഞ്ജു മോ​ഹ​ൻ, കെ.​ജി.​എ​ൻ.​എ ജി​ല്ല സെ​ക്ര​ട്ട​റി സ്‌​മി​ത ബ​ക്ക​ർ തു​ട​ങ്ങി​യ​വ​ർ സം​സാ​രി​ച്ചു.

അ​തേ​സ​മ​യം, പൊ​ലീ​സു​കാ​രി​യെ​യും ന​ഴ്സി​നെ​യും ആ​ക്ര​മി​ച്ച കേ​സി​ൽ പ്ര​തി​യാ​യ കു​രീ​ക്കാ​ട് പാ​ത്ര​യി​ൽ പി.​എ​സ്. മാ​ധ​വ​നെ (64) കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു‌. ജാ​മ്യം ല​ഭി​ക്കാ​ത്ത വ​കു​പ്പു​ക​ൾ ചു​മ​ത്തി​യാ​ണ് കേ​സെ​ടു​ത്തി​ട്ടു​ള്ള​ത്.