പേട്ട-പനങ്കുറ്റി പാലം അടച്ചിട്ടിട്ട് മാസങ്ങള്‍ ഗതാഗതക്കുരുക്കില്‍ ജനം

തൃ​പ്പൂ​ണി​ത്തു​റ: കൊ​ട്ടി​ഗ്​​ഘോ​ഷി​ച്ച് ഉ​ദ്ഘാ​ട​നം ചെ​യ്ത പേ​ട്ട-​പ​ന​ങ്കു​റ്റി പാ​ലം അ​ട​ച്ചി​ട്ടി​ട്ട് മാ​സ​ങ്ങ​ളാ​കു​ന്നു. ഇ​തു​മൂ​ലം പേ​ട്ട ജ​ങ്ഷ​നി​ല്‍നി​ന്ന​്​ തൃ​പ്പൂ​ണി​ത്തു​റ​വ​രെ ഭാ​ഗ​ങ്ങ​ളി​ല്‍ ഗ​താ​ഗ​ത​ക്കു​രു​ക്ക് രൂ​ക്ഷം.

2021 ഫെ​ബ്രു​വ​രി 15നാ​ണ്​ പാ​ലം ജ​ന​ങ്ങ​ള്‍ക്കാ​യി തു​റ​ന്ന​ത്. തെ​ര​ഞ്ഞെ​ടു​പ്പി​നു മു​ന്നേ​യു​ള്ള സ​ര്‍ക്കാ​റി​െൻറ വി​വി​ധ പ​ദ്ധ​തി​ക​ളു​ടെ ഉ​ദ്ഘാ​ട​ന​ത്തോ​ട​നു​ബ​ന്ധി​ച്ചു ത​ന്നെ​യാ​യി​രു​ന്നു പേ​ട്ട-​പ​ന​ങ്കു​റ്റി പാ​ല​വും തു​റ​ന്നു​കൊ​ടു​ത്ത​ത്. കൊ​ച്ചി മെ​ട്രോ​യു​ടെ ഭാ​ഗ​മാ​യി കെ.​എം.​ആ​ര്‍.​എ​ല്ലി​നാ​യി​രു​ന്നു നി​ര്‍മാ​ണ​ച്ചു​മ​ത​ല. ഈ ​പാ​ലം വ​ന്ന​തോ​ടെ പ​ഴ​യ പാ​ല​ത്തി​ലൂ​ടെ​യും പു​തി​യ പാ​ല​ത്തി​ലൂ​ടെ​യു​മാ​യി ഗ​താ​ഗ​തം നാ​ലു​വ​രി​യാ​കു​മെ​ന്നാ​യി​രു​ന്നു പ്ര​ഖ്യാ​പ​നം. ഉ​ദ്ഘാ​ട​നം ക​ഴി​ഞ്ഞ് ര​ണ്ടു​മാ​സ​ത്തോ​ളം മാ​ത്ര​മാ​യി​രു​ന്നു ഈ ​പാ​ല​ത്തി​ലൂ​ടെ സ​ഞ്ച​രി​ക്കാ​നാ​യ​ത്.

മെ​ട്രോ നി​ര്‍മാ​ണ​വു​മാ​യി ബ​ന്ധ​പ്പെ​ട്ട് പാ​ലം അ​ട​ച്ചി​ട്ടു. ഇ​തു​വ​രെ തു​റ​ന്നു ന​ല്‍കാ​ത്ത​തു മൂ​ലം യാ​ത്ര​ക്കാ​ര്‍ ദു​രി​ത​ത്തി​ലാ​ണ്. പൂ​ര്‍ണാ​ന​ദി​ക്കു കു​റു​കെ ദേ​ശീ​യ​പാ​ത​യി​ല്‍ കു​പ്പി​ക്ക​ഴു​ത്തു​പോ​ലു​ള്ള പ​ഴ​യ പാ​ല​ത്തി​ലൂ​ടെ​യാ​ണ് വാ​ഹ​ന​ങ്ങ​ള്‍ സ​ഞ്ച​രി​ക്കു​ന്ന​ത്. നി​ല​വി​ലെ പാ​ല​ത്തി​ന് വീ​തി കു​റ​വാ​യ​തി​നാ​ലും മെ​ട്രോ നി​ര്‍മാ​ണ​ത്തി​െൻറ ഭാ​ഗ​മാ​യി ഒ​രു ഭാ​ഗം കെ​ട്ടി​യ​ട​ച്ച​തി​നാ​ലും ഗ​താ​ഗ​ത​ക്കു​രു​ക്കും രൂ​ക്ഷ​മാ​ണ്. മെ​ട്രോ നി​ര്‍മാ​ണ​ത്തി​െൻറ ഭാ​ഗ​മാ​യി പു​തി​യ പാ​ല​ത്തി​ലെ കാ​ല്‍ന​ട​ക്കാ​ര്‍ക്കു​ള്ള ന​ട​പ്പാ​ത മി​ക്ക ഭാ​ഗ​ങ്ങ​ളി​ലും ത​ക​ര്‍ത്ത നി​ല​യി​ലാ​ണ്. നി​ര്‍മാ​ണ​ത്തി​നാ​യി വ​രു​ന്ന വാ​ഹ​ന​ങ്ങ​ളു​ടെ സൗ​ക​ര്യ​ത്തി​നാ​യാ​ണ് ന​ട​പ്പാ​ത പൊ​ളി​ച്ച​ത്.

വീ​ണ്ടും പാ​ലം തു​റ​ന്നു ന​ല്‍ക​ണ​മെ​ങ്കി​ല്‍ ല​ക്ഷ​ക്ക​ണ​ക്കി​ന് രൂ​പ​യു​ടെ അ​റ്റ​കു​റ്റ​പ്പ​ണി ന​ട​ത്തേ​ണ്ട​താ​യി വ​രും. ലോ​ക്ഡൗ​ണ്‍ പി​ന്‍വ​ലി​ച്ച് ജ​ന​ജീ​വി​തം സാ​ധാ​ര​ണ​ഗ​തി​യി​ലാ​യ​തോ​ടെ ഗ​താ​ഗ​ത​ക്കു​രു​ക്കി​ല്‍ പൊ​റു​തി​മു​ട്ടു​ക​യാ​ണ് യാ​ത്ര​ക്കാ​ര്‍.