വനിത ഡോക്ടറോട് മോശമായി പെരുമാറിയ മൂന്നുപേർ അറസ്​റ്റിൽ

മട്ടാഞ്ചേരി: കരുവേലിപ്പടി സർക്കാർ ആശുപത്രിയിൽ അത്യാഹിത വിഭാഗത്തിൽ രാത്രി ഡ്യൂട്ടിയിലുണ്ടായിരുന്ന വനിത ഡോക്ടറോട് മോശമായി പെരുമാറിയ മൂന്ന് പേരെ തോപ്പുംപടി പൊലീസ് അറസ്​റ്റ്​ ചെയ്തു. തോപ്പുംപടി ചെമ്മീൻസ് വാറു വൈദ്യൻ റോഡിൽ വഞ്ചി പുരക്കൽ വി.ഡബ്ല്യു ജിൻസൻ, ബീച്ച് റോഡിൽ മിഷൈൽ ക്ലീറ്റസ്, മൂലങ്കുഴി ചക്കാലക്കൽ ജിബിൻ ജോസഫ് എന്നിവരെയാണ് പൊലീസ് അറസ്​റ്റ്​ ചെയ്തത്.വ്യാഴാഴ്ച പുലർച്ച ഒരു മണിയോടെയാണ് സംഭവം. ഡോക്ടർ ഗായത്രി മോഹൻ, നഴ്സ് റാണി എന്നിവരെയാണ് ഇവർ അസഭ്യം പറയുകയും ആശുപത്രിയിൽ ഭീകരാന്തരീക്ഷം സൃഷ്​ടിക്കുകയും ചെയ്തത്. സംഘത്തിലെ ഒരാളുടെ കണ്ണി​െൻറ പുരികത്തിനേറ്റ പരിക്ക് ചികിത്സിക്കാൻ എത്തിയതാണ് മൂവർ സംഘം. ചികിത്സയുടെ ഭാഗമായി പുരികം വടിക്കണമെന്ന് വനിത ഡോക്ടർ ആവശ്യപ്പെട്ടതാണ് സംഘത്തെ പ്രകോപിപ്പിച്ചതെന്നാണ് പറയുന്നത്.

പുരികം വടിക്കാൻ കഴിയില്ലെന്ന് പറഞ്ഞ സംഘത്തിലെ ഒരാൾ ​ൈകയിൽ കരുതിയിരുന്ന ആയുധമെടുത്തു സ്വയം കൈമുറിക്കുകയും മുറിവ് ചികിത്സിക്കണമെന്നും ആവശ്യപ്പെട്ടു.

എന്നാൽ, ഡോക്ടർ ഇതിനെ എതിർത്തു. ഇതിനെ തുടർന്ന് സംഘം ആശുപത്രി വളപ്പിൽ രോഗിയുമായി പോകാൻ കിടന്ന ആംബുലൻസിൽ കല്ല് കൊണ്ടിടിക്കുകയും പ്രവർത്തനം തടസ്സപ്പെടുത്തുകയും ആശുപത്രിയിൽ ഭീകരാന്തരീക്ഷം സൃഷ്​ടിക്കുകയും ചെയ്തു.

ഇതേ തുടർന്ന് എറണാകുളം ജനറൽ ആശുപത്രിയിലേക്ക് കൊണ്ട് പോകേണ്ട രോഗിയെ മുൻസീറ്റിലിരുത്തി കൊണ്ട് പോകേണ്ടതായും വന്നു. സംഘം മദ്യലഹരിയിലായിരുന്നുവെന്നും പറയുന്നു. ആശുപത്രി സൂപ്രണ്ടി​െൻറ പരാതിയെ തുടർന്ന് സിറ്റി പൊലീസ് കമീഷണറുടെ നിർദേശ പ്രകാരം മട്ടാഞ്ചേരി അസി.പൊലീസ് കമീഷണർ ജി.ഡി വിജയകുമാറി​െൻറ നേതൃത്വത്തിൽ സീനിയർ സിവിൽ പൊലീസ് ഓഫിസർമാരായ ഉമേഷ്,ശ്രീനാഥ് എന്നിവർ ചേർന്നാണ് പ്രതികളെ അറസ്​റ്റ്​ ചെയ്തത്.