നീലീശ്വരത്ത് മൊബൈൽ ഷോപ് കുത്തിത്തുറന്ന് മോഷണം

മലയാറ്റൂർ: നീലീശ്വരം ജങ്ഷനിൽ രാത്രി മൊബൈൽ ഷോപ് കുത്തിത്തുറന്ന് മോഷണം. കഴിഞ്ഞ ദിവസമാണ് രണ്ട് ബൈക്കിലെത്തിയ അഞ്ചുപേർ മോഷണം നടത്തിയത്.

മോഷ്ടാക്കളുടെ സി.സി ടി.വി ദൃശ്യങ്ങൾ പൊലീസിന് ലഭിച്ചു. പുത്തേൻ ബിൽഡിങ്ങിൽ പ്രവർത്തിക്കുന്ന ഡിജിപ്ലസ് കടയിലാണ് മോഷണം നടന്നത്. കോടനാട് സ്വദേശി കണ്ടന്താനത്ത് വീട്ടിൽ കെ.എസ്. സുമിത്തിന്‍റേതാണ് സ്ഥാപനം. 10,000 രൂപയും മൊബൈൽ ഫോണുകളും മോഷണം പോയി. കടയുടെ താഴ് പൊളിച്ച് ഗ്ലാസ് തകർത്താണ് മോഷ്ടാക്കൾ അകത്തുകയറിയത്. വിരലടയാള വിദഗ്ധർ സ്ഥലത്തെത്തി പരിശോധിച്ചു.