പണി മുടക്കി റോ റോ; സേ​തു സാ​ഗ​ർ-2 വെ​സ​ലാ​ണ്​ ത​ക​രാ​റി​ലാ​യ​ത്​

ഫോ​ർ​ട്ട്​​കൊ​ച്ചി: വൈ​പ്പി​ൻ - ഫോ​ർ​ട്ട്കൊ​ച്ചി ക​ര​ക​ളെ ബ​ന്ധി​പ്പി​ച്ച് അ​ഴി​മു​ഖ​ത്ത് സ​ർ​വി​സ് ന​ട​ത്തു​ന്ന ര​ണ്ട് റോ ​റോ വെ​സ​ലു​ക​ളി​ൽ ഒ​ന്ന് ത​ക​രാ​റി​ലാ​യ​തോ​ടെ യാ​ത്ര​ക്കാ​ർ ദു​രി​ത​ത്തി​ലാ​യി. സേ​തു സാ​ഗ​ർ - 2 എ​ന്ന വെ​സ​ലാ​ണ് ചൊ​വ്വാ​ഴ്ച ഉ​ച്ച​യോ​ടെ ത​ക​രാ​റി​ലാ​യ​ത്. പ്ര​ധാ​ന എ​ൻ​ജി​ന്റെ സോ​ളി​നോ​യി​ഡ് ക​ത്തി പോ​യ​താ​ണ് സ​ർ​വി​സ് നി​ർ​ത്തി വെ​ക്കാ​ൻ കാ​ര​ണ​മാ​യി അ​ധി​കൃ​ത​ർ പ​റ​യു​ന്ന​ത്.

ത​ക​രാ​റി​ലാ​യ വെ​സ​ൽ അ​റ്റ​കു​റ്റ പ​ണി​ക​ൾ​ക്കാ​യി മാ​റ്റി. ഇ​തോ​ടെ സേ​തു സാ​ഗ​ർ ഒ​ന്ന് റോ ​റോ വെ​സ​ൽ മാ​ത്ര​മാ​ണ് മേ​ഖ​ല​യി​ൽ സ​ർ​വി​സ് ന​ട​ത്തു​ന്ന​ത്. ഇ​രു​ച​ക്ര വാ​ഹ​ന​ങ്ങ​ള​ട​ക്കം നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് മ​റു​ക​ര ക​ട​ക്കാ​ൻ ഇ​രു ക​ര​ക​ളി​ലു​മാ​യി മ​ണി​ക്കൂ​റു​ക​ൾ കാ​ത്തു​കി​ട​ന്ന​ത്.

നേ​ര​ത്തേ വാ​ഹ​ന​ങ്ങ​ളി​ല​ല്ലാ​തെ​യു​ള്ള യാ​ത്ര​ക്കാ​ർ​ക്ക് മ​റു​ക​ര ക​ട​ക്കാ​ൻ ഫോ​ർ​ട്ട്ക്യൂ​ൺ എ​ന്ന ബോ​ട്ടു​ണ്ടാ​യി​രു​ന്നു. എ​ന്നാ​ൽ ഫി​റ്റ്ന​സ് കാ​ലാ​വ​ധി ക​ഴി​ഞ്ഞ​തി​ന്റെ പേ​രി​ൽ ഇ​പ്പോ​ൾ ഈ ​ബോ​ട്ട് തു​രു​മ്പെ​ടു​ത്ത് ന​ശി​ക്കു​ന്ന അ​വ​സ്ഥ​യാ​ണ്. നി​ല​വി​ൽ സ​ർ​വി​സ് നി​ർ​ത്തി വെ​ച്ച റോ ​റോ​യു​ടെ ത​ക​രാ​ർ പ​രി​ഹ​രി​ക്കു​ന്ന​തി​ന് ഇ​നി​യും സ​മ​യ​മെ​ടു​ക്കു​മെ​ന്നാ​ണ് അ​റി​യു​ന്ന​ത്.