വീ​ട്ട​മ്മ​യെ കു​ത്തി​വീ​ഴ്ത്തി പ​ണ​വും സ്വ​ര്‍ണ​വു​മാ​യി ക​ട​ന്ന യു​വാ​വ്​ പി​ടി​യി​ൽ

മൂ​വാ​റ്റു​പു​ഴ: ത​ല​ക്ക​റ​ക്കം അ​ഭി​ന​യി​ച്ച്​ വെ​ള്ളം ചോ​ദി​ച്ചെ​ത്തി​യ ശേ​ഷം വീ​ട്ട​മ്മ​യെ കു​ത്തി​വീ​ഴ്ത്തി പ​ണ​വും സ്വ​ര്‍ണാ​ഭ​ര​ണ​ങ്ങ​ളു​മാ​യി ക​ട​ന്ന പ്ര​തി​യെ ക​ല്ലൂ​ര്‍ക്കാ​ട് പൊ​ലീ​സ് പി​ന്തു​ട​ർ​ന്ന് പി​ടി​കൂ​ടി. വെ​ള്ളി​യാ​ഴ്ച രാ​വി​ലെ ക​ല്ലൂ​ർ​ക്കാ​ട് ത​ഴു​വം​കു​ന്നി​ലാ​ണ് വെ​ള്ളം ചോ​ദി​ച്ചെ​ത്തി​യ യു​വാ​വ് വീ​ട്ട​മ്മ​യെ ആ​ക്ര​മി​ച്ച​ശേ​ഷം പ​ണ​വും സ്വ​ർ​ണാ​ഭ​ര​ണ​ങ്ങ​ളു​മാ​യി ക​ട​ന്ന​ത്. സം​ഭ​വ​വു​മാ​യി ബ​ന്ധ​പ്പെ​ട്ട്​ കോ​ട്ട​യം മ​രി​യ​ത്തു​രു​ത്ത് ശ​ര​വ​ണ​വി​ലാ​സ​ത്തി​ല്‍ ഗി​രീ​ഷി​നെ​യാ​ണ് (35) പൊ​ലീ​സ് പി​ടി​കൂ​ടി​യ​ത്. വെ​ള്ളി​യാ​ഴ്ച രാ​വി​ലെ പ​ത്ത​ര​യോ​ടെ​യാ​ണ് സം​ഭ​വ​ങ്ങ​ളു​ടെ തു​ട​ക്കം. ത​ഴു​വ​ന്‍കു​ന്ന് ഭാ​ഗ​ത്ത്​ താ​മ​സി​ക്കു​ന്ന ജ്വ​ല്ല​റി​യു​ട​മ​യു​ടെ വീ​ട്ടി​ല്‍ എ​ത്തി​യ പ്ര​തി മെ​ഡി​ക്ക​ല്‍ റെ​പ്പാ​ണെ​ന്നും പ്ര​ഷ​ര്‍ കൂ​ടി​യ​തി​നാ​ല്‍ അ​ല്‍പം വെ​ള്ളം വേ​ണ​മെ​ന്നും വീ​ട്ട​മ്മ​യോ​ട് ആ​വ​ശ്യ​പ്പെ​ടു​ക​യാ​യി​രു​ന്നു.

മാ​ന്യ​മാ​യ വേ​ഷം ധ​രി​ച്ചെ​ത്തി​യ യു​വാ​വി​നെ​ക്ക​ണ്ട് വീ​ട്ട​മ്മ​ക്ക്​ സം​ശ​യം തോ​ന്നി​യി​ല്ല. അ​ക​ത്തേ​ക്കു​പോ​യ വീ​ട്ട​മ്മ​യെ പി​ന്തു​ട​ര്‍ന്നെ​ത്തി​യ യു​വാ​വ് ക​ത്തി​കൊ​ണ്ട് കു​ത്തി​വീ​ഴ്ത്തി ഭീ​ഷ​ണി​പ്പെ​ടു​ത്തി മ​റ്റൊ​രു മു​റി​യി​ലി​ട്ട​ട​ച്ച് വീ​ട്ടി​ലു​ണ്ടാ​യ സ്വ​ര്‍ണ​വും പ​ണ​വു​മാ​യി ക​ട​ന്നു​ക​ള​ഞ്ഞു. അ​ല്‍പ​സ​മ​യം ക​ഴി​ഞ്ഞ് മു​റി​യി​ല്‍നി​ന്ന് പു​റ​ത്തെ​ത്തി​യ വീ​ട്ട​മ്മ ക​ല്ലൂ​ര്‍ക്കാ​ട് സി.​ഐ കെ.​ജെ. പീ​റ്റ​റി​നെ വി​വ​ര​മ​റി​യി​ക്കു​ക​യാ​യി​രു​ന്നു.

സ്ഥ​ല​ത്തെ​ത്തി​യ സി.​ഐ വീ​ട്ട​മ്മ​യെ ആ​ശു​പ​ത്രി​യി​ലെ​ത്തി​ച്ചു. തു​ട​ര്‍ന്ന് ന​ട​ത്തി​യ അ​ന്വേ​ഷ​ണ​ത്തി​ല്‍ ചു​വ​ന്ന കാ​റി​ല്‍ ഒ​റ്റ​ക്കാ​ണ് മോ​ഷ്​​ടാ​വ് സ്ഥ​ല​ത്തെ​ത്തി​യ​തെ​ന്ന് വി​വ​രം ല​ഭി​ച്ചു.

ജി​ല്ല​യി​ലേ​ക്ക് മു​ഴു​വ​ന്‍ സ​ന്ദേ​ശ​മ​യ​ച്ച​തി​നെ​ത്തു​ട​ര്‍ന്ന് പോ​ത്താ​നി​ക്കാ​ട് ഭാ​ഗ​ത്തേ​ക്ക് കാ​ര്‍ പോ​യെ​ന്ന​റി​ഞ്ഞ് എ​സ്.​ഐ നോ​ബി​ള്‍ മാ​നു​വ​ലി​െൻറ നേ​തൃ​ത്വ​ത്തി​ല്‍ മ​റ്റൊ​രു സം​ഘം കാ​റി​നെ പി​ന്തു​ട​ര്‍ന്നു. തു​ട​ര്‍ന്ന് സി​നി​മ ചെ​യ്‌​സി​നെ വെ​ല്ലു​ന്ന രീ​തി​യി​ല്‍ കാ​ര്‍ പി​ന്തു​ട​ര്‍ന്ന് മ​ണി​ക്കൂ​റു​ക​ള്‍ക്ക​കം സാ​ഹ​സി​ക​മാ​യി പി​ടി​കൂ​ടു​ക​യാ​യി​രു​ന്നു.

എ​സ്.​എ​ച്ച്.​ഒ​മാ​രാ​യ കെ.​ജെ. പീ​റ്റ​ര്‍, നോ​ബി​ള്‍ മാ​നു​വ​ല്‍, എ​സ്.​ഐ​മാ​രാ​യ ടി.​എം. സൂ​ഫി, രാ​ജു, എ.​എ​സ്.​ഐ സ​ജി, എ​സ്.​സി.​പി.​ഒ​മാ​രാ​യ ജീ​മോ​ന്‍ ജോ​ര്‍ജ്, ബി​നോ​യി പൗ​ലോ​സ്, ര​തീ​ശ​ന്‍ എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്. മ​ണി​ക്കൂ​റു​ക​ള്‍ക്ക​കം പ്ര​തി​യെ പി​ടി​കൂ​ടി​യ പൊ​ലീ​സ് സം​ഘ​ത്തെ ജി​ല്ല പൊ​ലീ​സ് മേ​ധാ​വി കെ. ​കാ​ര്‍ത്തി​ക്ക് അ​ഭി​ന​ന്ദി​ച്ചു.