മാലിന്യം ഒഴുക്കുന്നത്​​ തുടരുന്നു; നാശത്തിന്‍റെ വക്കിലേക്ക് തുമ്പിച്ചാൽ

കീ​ഴ്മാ​ട്: ജി​ല്ല​യി​ലെ വ​ലി​യ പ്ര​കൃ​തി​ദ​ത്ത ജ​ല​സം​ഭ​ര​ണി​ക​ളി​ൽ ഒ​ന്നാ​യ കീ​ഴ്മാ​ട് പ​ഞ്ചാ​യ​ത്തി​ലെ തു​മ്പി​ച്ചാ​ൽ ജ​ല​സം​ഭ​ര​ണി​യി​ലേ​ക്കു​ള്ള മാ​ലി​ന്യ​മൊ​ഴു​ക്ക് അ​റു​തി​യി​ല്ലാ​തെ തു​ട​രു​ന്നു. ഇ​തു​മൂ​ലം തു​മ്പി​ച്ചാ​ൽ നാ​ശ​ത്തി​ന്‍റെ വ​ക്കി​ലാ​ണ്. സ​മീ​പ​ത്തെ വ്യ​വ​സാ​യ മേ​ഖ​ല​യി​ൽ നി​ന്ന​ട​ക്കം രാ​സ മാ​ലി​ന്യം ഉ​ൾ​പ്പെ​ടെ ചാ​ലി​ലേ​ക്ക് ഒ​ഴു​കി​യെ​ത്തു​ന്നു​ണ്ട്. ഇ​തു​മൂ​ലം തു​മ്പി​ച്ചാ​ലി​ൽ പ​ല സ​മ​യ​ങ്ങ​ളി​ലും മ​ത്സ്യ​ങ്ങ​ൾ ച​ത്ത്​ പൊ​ങ്ങു​ന്ന​ത് പ​തി​വാ​ണ്. 2022 ഒ​ക്ടോ​ബ​റി​ൽ വ​ൻ​തോ​തി​ൽ മാ​ലി​ന്യം ഒ​ഴു​കി​യ​ത് മൂ​ലം തു​മ്പി​ച്ചാ​ലി​ലെ മു​ഴു​വ​ൻ മ​ത്സ്യ​ങ്ങ​ളും ച​ത്തു​പൊ​ങ്ങു​ക​യും പു​ല്ലും താ​മ​ര​യും അ​ട​ക്കം ക​രി​ഞ്ഞു​ണ​ങ്ങു​ക​യും ചെ​യ്തി​രു​ന്നു.

മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ലെ ഉ​ദ്യോ​ഗ​സ്ഥ​ർ അ​ട​ക്കം പ​രി​ശോ​ധി​ച്ചെ​ങ്കി​ലും ഒ​രു ന​ട​പ​ടി​യു​മു​ണ്ടാ​യി​ല്ല. തു​മ്പി​ച്ചാ​ലി​ൽ നി​ന്നു​ള്ള വെ​ള്ള​ത്തി​ൽ ക​യ്യും കാ​ലും ക​ഴു​കു​മ്പോ​ൾ പ​ല​പ്പോ​ഴും ശ​ക്ത​മാ​യ ചൊ​റി​ച്ചി​ലാ​ണ് അ​നു​ഭ​വ​പ്പെ​ടു​ന്ന​തെ​ന്ന് നാ​ട്ടു​കാ​രും ക​ർ​ഷ​ക​രും പ​റ​യു​ന്നു. നാ​ലാം മൈ​ൽ വ്യ​വ​സാ​യ മേ​ഖ​ല​ക​ളി​ൽ​നി​ന്നാ​ണ് മാ​ലി​ന്യം ഒ​ഴു​ക്കു​ന്ന​തെ​ന്നാ​ണ് പ്ര​ധാ​ന ആ​രോ​പ​ണം.

ഇ​ക്കാ​ര്യ​ങ്ങ​ൾ ക​ഴി​ഞ്ഞ ദി​വ​സം ന​ട​ന്ന ആ​റാം വാ​ർ​ഡ് ഗ്രാ​മ​സ​ഭ​യി​ൽ ക​ർ​ഷ​ക​രാ​യ കോ​ട്ടാ​യി ര​വീ​ന്ദ്ര​ൻ, മ​ര​ത്താം​കു​ടി സു​രേ​ന്ദ്ര​ൻ എ​ന്നി​വ​ർ ഉ​ന്ന​യി​ച്ചി​രു​ന്നു. തു​മ്പി​ച്ചാ​ലി​ലേ​ക്ക് മാ​ലി​ന്യ​മൊ​ഴു​ക്കു​ന്ന​ത് ത​ട​യു​ന്ന​തി​ന് അ​ടി​യ​ന്ത​ര ന​ട​പ​ടി ഉ​ണ്ടാ​വ​ണ​മെ​ന്ന് ആ​റാം വാ​ർ​ഡ് ഗ്രാ​മ​സ​ഭ ആ​വ​ശ്യ​പ്പെ​ട്ടു. മാ​ലി​ന്യ പ്ര​ശ്ന​വു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ൽ പ​ഞ്ചാ​യ​ത്ത് ഇ​ട​പെ​ട്ടി​ട്ടു​ണ്ടെ​ന്നും ഗ്രാ​മ​സ​ഭ​യി​ൽ നി​ന്ന് ഉ​യ​ർ​ന്ന് വ​ന്ന വി​ഷ​യ​ങ്ങ​ളി​ൽ അ​ടി​യ​ന്ത​ര ന​ട​പ​ടി ഉ​ണ്ടാ​വു​മെ​ന്നും പ​ഞ്ചാ​യ​ത്ത് പ്ര​സി​ഡ​ൻ​റ് സ​തി ലാ​ലു പ​റ​ഞ്ഞു.