ഫോർട്ട്​കൊച്ചി ആർ.ഡി ഓഫിസ് കസേരയിൽ ഹാജരായി പാമ്പ് 'സർ'

മ​ട്ടാ​ഞ്ചേ​രി: ഫോ​ർ​ട്ട്കൊ​ച്ചി ആ​ർ.​ഡി ഓ​ഫി​സി​ൽ സ​ന്ദ​ർ​ശ​ക​ർ​ക്ക് ഇ​രി​ക്കാ​നി​ട്ടി​രു​ന്ന ക​സേ​ര​യി​ൽ പാ​മ്പി​നെ ക​ണ്ടെ​ത്തി. ചൊ​വ്വാ​ഴ്ച ഉ​ച്ച തി​രി​ഞ്ഞ് ആ​ർ.​ഡി ഓ​ഫി​സി​ൽ എ​ത്തി​യ യു​വ​തി​യാ​ണ് സ​ന്ദ​ർ​ശ​ക​ർ​ക്ക് ഇ​രി​ക്കാ​നി​ട്ടി​രു​ന്ന പ്ലാ​സ്റ്റി​ക്ക് ക​സേ​ര​യു​ടെ കു​ഴി​യു​ള്ള ഭാ​ഗ​ത്ത് ചു​രു​ണ്ടു​കൂ​ടി കി​ട​ക്കു​ന്ന വെ​ള്ളി​വ​ര​യ​ൻ പാ​മ്പി​നെ ക​ണ്ട​ത്.

യു​വ​തി ബ​ഹ​ളം വെ​ച്ച​തോ​ടെ ജീ​വ​ന​ക്കാ​രും പ​രി​ഭ്രാ​ന്ത​രാ​യി. തു​ട​ർ​ന്ന് പാ​മ്പ് പി​ടി​ത്ത വി​ദ​ഗ്​ധൻ ദി​നേ​ശ് പൈ ​എ​ത്തി പാ​മ്പി​നെ പി​ടി​കൂ​ടി. ഇ​തോ​ടെ​യാ​ണ് ജീ​വ​ന​ക്കാ​ർ​ക്ക് ആ​ശ്വാ​സ​മാ​യ​ത്. ഒ​രേ കെ​ട്ടി​ട​ത്തി​ൽ ത​ന്നെ മു​ക​ളി​ലും താ​ഴെ​യു​മാ​യാ​ണ് കൊ​ച്ചി താ​ലൂ​ക്ക് ഓ​ഫി​സും ആ​ർ.​ഡി ഓ​ഫി​സും പ്ര​വ​ർ​ത്തി​ക്കു​ന്ന​ത്.

നേ​ര​ത്തേ താ​ഴെ​യു​ള്ള താ​ലൂ​ക്ക് ഓ​ഫി​സി​ൽ അ​ണ​ലി ഉ​ൾ​പ്പെ​ടെ​യു​ള്ള പാ​മ്പു​ക​ളെ ക​ണ്ടെ​ത്തി​യി​രു​ന്നു. വ​ർ​ഷ​ങ്ങ​ൾ​ക്ക് മു​മ്പ് അ​ന്ന​ത്തെ ഒ​രു ഡെ​പ്യൂ​ട്ടി ത​ഹ​സി​ൽ​ദാ​ർ ഓ​ഫി​സി​ലെ​ത്തി ക​സേ​ര​യി​ൽ ഇ​രി​ക്കും മു​മ്പ് ട​വ​ൽ കു​ട​ഞ്ഞ​പ്പോ​ൾ അ​തി​ൽ നി​ന്ന് അ​ണ​ലി​യെ ക​ണ്ടെ​ത്തി​യ സം​ഭ​വ​വും ഉ​ണ്ടാ​യി​ട്ടു​ണ്ട്. അ​ന്ന് ഭാ​ഗ്യം കൊ​ണ്ടാ​ണ് ആ ​ഉ​ദ്യോ​ഗ​സ്ഥ​ൻ പാ​മ്പി​ന്റെ ക​ടി​യേ​ൽ​ക്കാ​തെ ര​ക്ഷ​പ്പെ​ട്ട​ത്.

ഓ​ഫി​സി​ലെ​ത്തു​ന്ന പൊ​തു​ജ​നം ഉ​പ​യോ​ഗി​ക്കു​ന്ന ശു​ചി​മു​റി​യി​ലെ ബ​ക്ക​റ്റി​ൽ മ​ല​മ്പാ​മ്പി​നെ​യും ക​ഴി​ഞ്ഞ ദി​വ​സം ക​ണ്ടെ​ത്തി​യി​രു​ന്നു. ഓ​ഫി​സ് ജീ​വ​ന​ക്കാ​ർ കൈ ​ക​ഴു​കു​ന്ന ഭാ​ഗ​ത്തും ടൈ​പ്പി​സ്റ്റ് റൂ​മി​ലും അ​ണ​ലി​യെ ക​ണ്ടെ​ത്തി​യി​രു​ന്നു.

പാ​മ്പു​ക​ളെ സ്ഥി​ര​മാ​യി കാ​ണാ​ൻ തു​ട​ങ്ങി​യ​തോ​ടെ ജീ​വ​ന​ക്കാ​രും വി​വി​ധ ആ​വ​ശ്യ​ങ്ങ​ൾ​ക്ക് ഓ​ഫി​സി​ൽ എ​ത്തു​ന്ന​വ​രും ഭീ​തി​യി​ലാ​ണ്. ഓ​ഫി​സ് കെ​ട്ടി​ട​ത്തി​ന്റെ പു​റ​ക് വ​ശം കാ​ടു പി​ടി​ച്ച് കി​ട​ക്കു​ക​യാ​ണ് .ഇ​വി​ടെ പു​തി​യ ആ​ർ.​ഡി ഓ​ഫി​സ് നി​ർ​മി​ക്കാ​ൻ പ​ദ്ധ​തി​യു​ണ്ടാ​യി​രു​ന്നെ​ങ്കി​ലും ചു​വ​പ്പു​നാ​ട​യി​ൽ കു​ടു​ങ്ങി​യ നി​ല​യി​ലാ​ണ്.