റോഡ് പണി പൂർത്തീകരിച്ചില്ല:ഉദ്യോഗസ്ഥരെയും കോൺട്രാക്ടറെയും നാട്ടുകാർ തടഞ്ഞു​

കോതമംഗലം: റോഡ് പണി പൂർത്തിയാക്കാത്തതിൽ പ്രതിഷേധിച്ച്​ ഉദ്യോഗസ്ഥരെയും കോൺട്രാക്ടറെയും നാട്ടുകാർ തടഞ്ഞു. കോട്ടപ്പടി -ഊരംകുഴി റോഡി​െൻറ നിർമാണപ്രവർത്തനങ്ങൾ ഇഴയുന്നതാണ് പ്രതിഷേധത്തിന്​ വഴി​െവച്ചത്. ബി.എം, ബി.സി നിലവാരത്തിൽ റോഡ് പുനർനിർമിക്കാനുള്ള പ്രവർത്തനങ്ങൾ ആരംഭിച്ചിട്ട് രണ്ടുവർഷമായി. 21 കോടി രൂപ അനുവദിച്ച് തുടങ്ങിയ നിർമാണപ്രവൃത്തി പാതിപോലും പിന്നിട്ടിട്ടില്ല.

കിഴ​േക്ക ഇരുമലപ്പടി മുതൽ തുരങ്കം വരെ നാല് കി.മീ. മാത്രമാണിപ്പോൾ പൂർത്തിയായത്. തുരങ്കം മുതൽ കോട്ടപ്പടി ഹൈസ്കൂൾ ജങ്​ഷൻ വരെയുള്ള പ്രവർത്തനം പാതിവഴിയിലാണ്. നിർമാണം പൂർത്തിയായ ഭാഗത്തി​െൻറ പരിശോധനക്ക്​ എത്തിയതായിരുന്നു ഉദ്യോഗസ്ഥരും കോൺട്രാക്ടറും. ആനവാതിൽപ്പടിയിൽ പഞ്ചായത്ത്​ അംഗങ്ങളുടെ നേതൃത്വത്തിൽ ഇവരെ തടയുകയായിരുന്നു.

ഉദ്യോഗസ്ഥരും കോൺട്രാക്ടറും പരസ്പരം കുറ്റപ്പെടുത്തൽ നടത്തിയതോടെ പ്രതിഷേധം കനത്തു. തുടർന്ന് പൊതുമരാത്ത് എൻജിനീയർ സ്ഥലത്തെത്തി ഈ മാസം 28ന് കോൺട്രാക്ടറുടെയും ഉദ്യോഗസ്ഥരുടെയും പൊതുപ്രവർത്തകരുടെയും സാന്നിധ്യത്തിൽ ചർച്ചകൾ നടത്തി പണി പുനരാരംഭിക്കാമെന്ന് ഉറപ്പുനൽകിയതോടെ പ്രതിഷേധങ്ങൾ അവസാനിക്കുകയായിരുന്നു.