Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightഎയർടെൽ, ജിയോ...

എയർടെൽ, ജിയോ കമ്പനികൾക്ക്​ പോസ്​റ്റ്​ ഇടാൻ മുൻകൂർ അനുമതി; കോർപറേഷനിൽ വിവാദം

text_fields
bookmark_border
എയർടെൽ, ജിയോ കമ്പനികൾക്ക്​ പോസ്​റ്റ്​ ഇടാൻ മുൻകൂർ അനുമതി; കോർപറേഷനിൽ വിവാദം
cancel

കൊച്ചി: എയർടെൽ, ജിയോ കമ്പനികൾക്ക്​ നഗരത്തിൽ കേബിൾ ഇടാൻ മുൻകൂർ അനുമതി നൽകിയതിനെച്ചൊല്ലി ​നഗരസഭ കൗൺസിലിൽ വിവാദം. 15 കോടി രൂപ വാങ്ങി മുൻകൂർ അനുമതി നൽകിയതിൽ അഴിമതി ആരോപിച്ച്​ ​ പ്രതിപക്ഷ അംഗം ആൻറണി പൈനുംതറയും ദീപ്​തി മേരി വർഗീസും രംഗത്തെത്തി. ഇരുകമ്പനിയും പോസ്​റ്റ്​ വാടകയിനത്തിൽ കോർപറേഷനിലേക്ക്​ കോടികൾ നൽകാനുള്ളപ്പോൾ ധനകാര്യ കമ്മിറ്റിയുടെ അനുമതിയില്ലാതെ കേബിൾ ഇടാൻ സമ്മതം നൽകിയത്​ ചട്ടങ്ങൾ പാലിക്കാതെയാണെന്ന്​ അവർ പറഞ്ഞു. ഇതേതുടർന്ന്​ ധനകാര്യ​ കമ്മിറ്റിയുടെ അനുമതിക്ക്​ വിടാൻ കൗൺസിൽ തീരുമാനിച്ചു.

പള്ളുരുത്തി മേഖലയിലെ 12 മുതൽ 21വരെ ഡിവിഷനുകളിൽ എയർടെല്ലിന്​ 544 ​​പോസ്​റ്റ്​ ഇടാനാണ്​ അനുമതി നൽകിയത്​. വൈറ്റില മേഖലയിലെ 53, 49, 57, 52 ഡിവിഷനുകളിൽ 862 പോസ്​റ്റിന്​​ ജിയോ അനുമതി നേടി. എയർടെല്ലിന്​ വൈറ്റിലയിൽതന്നെ 11 ഡിവിഷനിൽ 2616 പോസ്​റ്റ്​ ഇടാനും അനുമതി നൽകിയിട്ടുണ്ട്​. ഫോർട്ട്​കൊച്ചി മേഖല ഓഫിസ്​, ഇടപ്പള്ളി മേഖല ഓഫിസ്​ എന്നിവയുടെ പരിധിയിൽ വിവിധ റോഡുകളിൽ ഒാപ്​ടിക്കൽ ഫൈബർ വലിച്ച്​ പോസ്​റ്റ്​ സ്ഥാപിക്കാനും ഓവർഹെഡ്​ കേബിൾ വലിക്കാനും ഇരുകമ്പനിക്കും റോഡ്​ മുറിക്കാനും മുൻകൂർ അനുമതി നൽകി.

ഒരു പോളിന്​ 579, 500 എന്നിങ്ങനെ വ്യത്യസ്​ത വാർഷിക വാടകയാണ്​ ഈടാക്കുന്നത്​. റോഡ്​ പുനരുദ്ധാരണ ഫീസ്​ ഈടാക്കി റോഡ്​ മുറിക്കാനുള്ള അനുമതി നഗരാസൂത്രണകാര്യ സ്ഥിരം സമിതിയുടെ ഫെബ്രുവരി 26ലെ യോഗത്തിൽ ശിപാർശ ചെയ്​തിട്ടുണ്ടെന്നും പ്രതിപക്ഷ നേതാവ്​ ഉൾപ്പെടുന്ന മാർച്ച്​ 18ലെ സ്​റ്റിയറിങ്​ കമ്മിറ്റിയിൽ ചർച്ച ചെയ്​ത്​ വ്യവസ്ഥക​േളാടെയാണ്​​ അനുമതി നൽകിയതെന്നും മേയർ എം. അനിൽകുമാർ പറഞ്ഞു.കോവിഡ്​ ലോക്​ഡൗൺ കാലത്ത്​ കാന ശുചീകരണത്തിനും ശമ്പളം നൽകാനും ഒക്കെ ഉപയോഗപ്പെടുത്തിയത്​ ഇരുകമ്പനിയിൽനിന്ന്​ ഇൗടാക്കിയ പണമാണ്​. ആറുമാസം നഗരസഭ പ്രവർത്തനങ്ങൾ മുന്നോട്ടുപോയത് ഇതിലൂടെയാണ്​. ത​െൻറ കൈകൾ ശുദ്ധമാണ്​. അഴിമതിയാരോപണത്തിൽ ഏത്​ അന്വേഷണവും നടത്താം. മേയർ പദവി വി​ട്ടൊഴിയേണ്ടി വരുമെന്ന ഭയപ്പെടുത്തൽ വേണ്ടെന്നും അദ്ദേഹം പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:jioAIRTEL
News Summary - Prior permission to Airtel and Jio to post; Controversy in the corporation
Next Story