നിയന്ത്രണംവിട്ട് പിക്അപ് വാൻ കനാലിലേക്ക് മറിഞ്ഞു

പുക്കാട്ടുപടി: വായനശാല റോഡിൽ ഷാപ്പുംപടിയിൽ നിയന്ത്രണംവിട്ട് പിക്അപ് വാൻ കനാലിലേക്ക് മറിഞ്ഞു. ആർക്കും പരിക്കില്ല. തിങ്കളാഴ്ച വൈകീട്ട് 6.45നാണ് അപകടം. ഷാപ്പുംപടി കനാൽ റോഡിൽനിന്നും വായനശാല റോഡിലേക്കുള്ള കയറ്റം കയറുന്നതിനിടെ നിയന്ത്രണം നഷ്ടപ്പെട്ട് കനാലിലേക്ക് മറിയുകയായിരുന്നു.

ഈ സമയം ഡ്രൈവർ വാഹനത്തിൽനിന്ന് ചാടി രക്ഷപ്പെട്ടു. റോഡിലേക്ക് ഇറക്കി കെട്ടിടങ്ങൾ നിർമിച്ചിരിക്കുന്നതിനാൽ ഈ ഭാഗത്ത് അപകടങ്ങൾ വർധിക്കുന്നതായി നാട്ടുകാർ പറഞ്ഞു.