ഇഴപൊട്ടിയ പട്ടുനൂൽ​ കമ്പനി: നാ​ട്ടു​കാ​ർ പ​ങ്കു​വെ​ക്കു​ന്ന​ത്​ പു​തു​പ്ര​തീ​ക്ഷ​ക​ൾ

പെ​രു​മ്പാ​വൂ​ർ: ട്രാ​വ​ൻ​കൂ​ർ റ​യോ​ൺ​സി​ന്‍റെ പ​ടി​ഞ്ഞാ​റ് ഭാ​ഗം ഒ​ന്ന​ര​ക്കി​ലോ​മീ​റ്റ​റോ​ളം പെ​രി​യാ​റാ​ണ്. ​റ​യോ​ൺ​സ്​ എ​രി​ഞ്ഞ​ട​ങ്ങു​മ്പോ​ൾ നാ​ടി​ന്​ ഗു​ണ​മാ​കു​ന്ന മ​റ്റൊ​രു സം​രം​ഭം ജ​ന്മ​മെ​ടു​ക്ക​ണ​മെ​ന്നാ​ണ്​ നാ​ട്ടു​കാ​രു​ടെ ആ​ഗ്ര​ഹം. സം​രം​ഭ​ക വ​ർ​ഷാ​ച​ര​ണം മ​റ​യാ​ക്കി എ​ന്തെ​ങ്കി​ലും ‘ലൊ​ട്ട്​ ലൊ​ടു​ക്ക്​’ വ്യ​വ​സാ​യ പ​ദ്ധ​തി​ക​ളു​മാ​യി വ​രു​ന്ന​വ​ർ​ക്കും സം​സ്ഥാ​ന​ത്തു​ട​നീ​ളം സ​ർ​ക്കാ​ർ ഭൂ​മി യ​ഥേ​ഷ്ടം പ​തി​ച്ചു​ന​ൽ​കു​ക​യാ​ണ്​ ഉ​ദ്യോ​ഗ​സ്ഥ​ർ. വ്യ​വ​സാ​യ​ങ്ങ​ള്‍ക്കാ​യി ഭൂ​മി വെ​ട്ടി​മു​റി​ക്കാ​തെ മ​റ്റ്​ ജ​നോ​പ​കാ​ര​പ്ര​ദ​മാ​യ സം​രം​ഭ​ങ്ങ​ള്‍ക്ക് പ്ര​യോ​ജ​ന​പ്പെ​ടു​ത്ത​ണ​മെ​ന്ന ആ​വ​ശ്യ​വും ഉ​യ​രു​ന്നു.

ലാ​ഭ​ക്കൊ​തി​യ​ന്മാ​രാ​യ വ്യ​വ​സാ​യി​ക​ള്‍ക്ക് ഭൂ​മി വി​ട്ടു​കൊ​ടു​ത്ത് മ​ലി​നീ​ക​ര​ണം ഉ​യ​ര്‍ത്തു​ന്ന സ്ഥാ​പ​ന​ങ്ങ​ള്‍ വ​രു​മെ​ന്ന വ​ർ​ത്ത​മാ​ന​ങ്ങ​ൾ പ്ര​ദേ​ശ​വാ​സി​ക​ളെ അ​ല​ട്ടു​ക​യാ​ണ്. ആ​ധു​നി​ക സൗ​ക​ര്യ​മു​ള്ള ആ​ശു​പ​ത്രി, വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍, ക​ളി​ക്ക​ള​ങ്ങ​ള്‍, സ്‌​പോ​ര്‍ട്‌​സ് പ​രി​ശീ​ല​ന കേ​ന്ദ്രം എ​ന്നി​വ നി​ര്‍മി​ക്ക​ണ​മെ​ന്നാ​ണ് ആ​വ​ശ്യം. ന​ഗ​ര​ത്തി​ല്‍ പ്ര​വ​ര്‍ത്തി​ക്കു​ന്ന ബോ​യ്‌​സ്, ഗേ​ള്‍സ് ഹ​യ​ര്‍ സെ​ക്ക​ന്‍ഡ​റി സ്‌​കൂ​ളു​ക​ള്‍ ഇ​വി​ടേ​ക്ക് മാ​റ്റി​സ്ഥാ​പി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം പ്ര​ദേ​ശ​വാ​സി​ക​ള്‍ ഉ​ന്ന​യി​ച്ചി​രു​ന്നു. ഇ.​എ​സ്.​ഐ കി​ട​ത്തി​ച്ചി​കി​ത്സ സൗ​ക​ര്യ​ങ്ങ​ളു​ള്ള ആ​ശു​പ​ത്രി​ക്ക് നി​യോ​ജ​ക​മ​ണ്ഡ​ല​ത്തി​ല്‍ സ്ഥ​ലം തേ​ടു​ന്നു​ണ്ട്. റ​യോ​ണ്‍സി​ന്റെ സ്ഥ​ലം അ​തി​ന് ഉ​പ​കാ​ര​പ്പെ​ടു​ത്ത​ണ​മെ​ന്ന അ​ഭി​പ്രാ​യ​വും ഉ​യ​ര്‍ന്നി​രു​ന്നു.

നൂ​ല്‍ ഉ​ൽ​പാ​ദ​ന​ത്തി​ന് സ​ള്‍ഫ​ര്‍ ഉ​ള്‍പ്പെ​ടെ രാ​സ വ​സ്തു​ക്ക​ള്‍ ഉ​പ​യോ​ഗി​ച്ചി​രു​ന്ന​തി​നാ​ൽ അ​തി​ന്റെ കെ​ടു​തി​ക​ള്‍ പ്ര​വ​ർ​ത്ത​നം നി​ല​ച്ച്​ 22 വ​ർ​ഷ​ത്തി​നു​ശേ​ഷ​വും ഇ​വി​ടെ​യു​ണ്ട്​. കു​ടി​വെ​ള്ള മ​ലി​നീ​ക​ര​ണ​മാ​യി​രു​ന്നു ക​മ്പ​നി പ്ര​വ​ർ​ത്തി​ച്ച​കാ​ല​ത്തെ പ്ര​ധാ​ന വി​ഷ​യം. ഇ​തി​ന് പ​രി​ഹാ​ര​മാ​യി റ​യോ​ണ്‍സ് മാ​നേ​ജ്‌​മെ​ന്റ് ആ​ദ്യ​കാ​ല​ങ്ങ​ളി​ല്‍ പെ​രി​യാ​റി​ല്‍നി​ന്ന് വെ​ള്ളം പ​മ്പു​ചെ​യ്ത് ക്വാ​ര്‍ട്ടേ​ഴ്‌​സി​ന് സ​മീ​പ​ത്ത് ടാ​ങ്ക് നി​ര്‍മി​ച്ച് ശു​ചീ​ക​രി​ച്ച്​ ന​ല്‍കി​യി​രു​ന്നു. പ്ര​ദേ​ശ​വാ​സി​ക​ള്‍ക്ക് തൊ​ഴി​ല്‍ ന​ല്‍കു​ന്ന​തി​ലും മാ​നേ​ജ്​​മെ​ന്റ് മു​ന്‍ഗ​ണ​ന ന​ല്‍കി​യി​രു​ന്നു. നി​ല​വി​ല്‍ ഏ​ക്ക​ര്‍ ക​ണ​ക്കി​നു​ള്ള സ്ഥ​ലം ഒ​ന്നി​ല​ധി​കം സ്ഥാ​പ​ന​ങ്ങ​ളാ​ണ് ല​ക്ഷ്യ​മി​ടു​ന്ന​ത്. ഇ​വി​ടെ എ​ന്തെ​ല്ലാം ക​മ്പ​നി​ക​ളാ​ണ് വ​രാ​നി​രി​ക്കു​ന്ന​തെ​ന്ന് ഊ​ഹി​ക്കാ​ന്‍പോ​ലു​മാ​കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ്ര​തി​ക​ര​ണം.നാ​ട്ടു​കാ​ർ പ​ങ്കു​വെ​ക്കു​ന്ന​ത്​ പു​തു​പ്ര​തീ​ക്ഷ​ക​ൾ

വ​രു​മോ പ​രി​സ്ഥി​തി സൗ​ഹൃ​ദ പ​ദ്ധ​തി​ക​ള്‍...

വി​നോ​ദ സ​ഞ്ചാ​രി​ക​ളെ ആ​ക​ര്‍ഷി​ക്കു​ന്ന പ​ദ്ധ​തി​ക​ള്‍ ആ​വി​ഷ്‌​ക​രി​ച്ചാ​ല്‍ വ​ലി​യ നേ​ട്ട​മാ​കു​മെ​ന്ന് മാ​ത്ര​മ​ല്ല, പ്ര​കൃ​തി സം​ര​ക്ഷ​ണ ഭാ​ഗ​മാ​യും അ​ത് മാ​റു​മെ​ന്ന് ചൂ​ണ്ടി​ക്കാ​ണി​ക്ക​പ്പെ​ടു​ന്നു. ക​മ്പ​നി വ​ക സ്ഥ​ലം പെ​രി​യാ​റി​ന്റെ തീ​ര​ത്താ​യ​തി​നാ​ൽ ടൂ​റി​സ​ത്തി​ന് ഉ​പ​ക​രി​ക്കു​മെ​ന്നാ​ണ് ഭൂ​രി​പ​ക്ഷ അ​ഭി​പ്രാ​യം. പ്ര​ധാ​ന ടൂ​റി​സ്റ്റ് കേ​ന്ദ്ര​ങ്ങ​ളാ​യ കോ​ട​നാ​ട്, പാ​ണി​യേ​ലി​പോ​ര് തു​ട​ങ്ങി​യ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ള്‍ തൊ​ട്ട​ടു​ത്താ​യ​തി​നാ​ല്‍ ഒ​ന്ന​ര​ക്കി​ലോ​മീ​റ്റ​ര്‍ പെ​രി​യാ​റി​ന്റെ വ​ശ​ത്ത്​ വ്യാ​പി​ച്ചു​കി​ട​ക്കു​ന്ന ഭൂ​മി​യി​ല്‍ ഔ​ഷ​ധ​ത്തോ​ട്ട​ങ്ങ​ളും ഉ​ദ്യാ​ന​ങ്ങ​ളും ഒ​രു​ക്കാം. ബോ​ട്ടി​ങ്, വെ​ള്ള​ച്ചാ​ട്ടം ഉ​ള്‍പ്പെ​ടെ ആ​ക​ര്‍ഷ​ക പ​ദ്ധ​തി​ക​ള്‍ ന​ട​പ്പാ​ക്കി​യാ​ല്‍ വി​നോ​ദ​സ​ഞ്ചാ​രി​ക​ളെ ആ​ക​ര്‍ഷി​ക്കാ​നാ​കും.

72 ഏ​ക്ക​ര്‍ വ​രു​ന്ന പ്ര​കൃ​തി​ര​മ​ണീ​യ സ്ഥ​ല​ത്ത് ഇ​ത്ത​ര​മൊ​രു പ​ദ്ധ​തി​വ​ഴി സ​ര്‍ക്കാ​റി​ന് വ​രു​മാ​ന​വും കു​റേ പേ​ര്‍ക്ക് തൊ​ഴി​ല​വ​സ​ര​വും ഉ​ണ്ടാ​കും. വ​ൻ വൃ​ക്ഷ​ങ്ങ​ൾ വ​ള​ർ​ന്ന്​ വ​ന​സ​മാ​ന​മാ​ണ്​ ഇ​പ്പോ​ൾ ക​മ്പ​നി വ​ള​പ്പ്. ഈ ​സ്വാ​ഭാ​വി​ക ജൈ​വ പ്ര​കൃ​തി​യെ ഇ​ക്കോ പാ​ര്‍ക്കാ​യി മാ​റ്റാ​മെ​ന്നും വ​യോ​ജ​ന കേ​ന്ദ്രം, ചെ​റി​യ വ്യാ​പാ​ര​കേ​ന്ദ്ര​ങ്ങ​ള്‍, ഔ​ഷ​ധ​സ​സ്യ​ങ്ങ​ളു​ടെ​യും ശ​ല​ഭ​ങ്ങ​ളു​ടെ​യും ഉ​ദ്യാ​നം എ​ന്നി​വ​ക്കും സ്ഥ​ലം അ​നു​യോ​ജ്യ​മാ​ണെ​ന്നു​മാ​ണ് വി​ദ​ഗ്ധാ​ഭി​പ്രാ​യം.

മ​റ്റ് സം​സ്ഥാ​ന​ങ്ങ​ളി​ല്‍നി​ന്ന് കോ​ടി​ക്ക​ണ​ക്കി​ന് പൂ​ക്ക​ളാ​ണ് വി​ദേ​ശ രാ​ജ്യ​ങ്ങ​ളി​ലേ​ക്ക് ക​യ​റ്റി അ​യ​ക്കു​ന്ന​ത്. റ​യോ​ണ്‍സി​ന്റെ സ്ഥ​ല​ത്തെ ജ​ല​സേ​ച​ന സൗ​ക​ര്യം ക​ണ​ക്കി​ലെ​ടു​ത്താ​ല്‍ പൂ​കൃ​ഷി​ക്ക് അ​നു​യോ​ജ്യ​മാ​ണ്. ആ​വ​ശ്യ​ത്തി​ല​ധി​കം ശു​ദ്ധ​ജ​ലം ല​ഭി​ക്കു​ന്ന പെ​രി​യാ​റി​ന് തീ​ര​ത്താ​ണ് പെ​രു​മ്പാ​വൂ​ര്‍ ന​ഗ​ര​സ​ഭ​യും തൊ​ട്ട​ടു​ത്ത പ​ഞ്ചാ​യ​ത്തു​ക​ളും. ഇ​വി​ട​ങ്ങ​ളി​ലെ​ല്ലാം ശു​ദ്ധ​ജ​ല വി​ത​ര​ണം താ​റു​മാ​റാ​ണ്. പ്ര​ശ്‌​ന​പ​രി​ഹാ​ര​ത്തി​ന്​ സ്ഥ​ല​ത്തി​ന്റെ ഒ​രു​ഭാ​ഗം ശു​ദ്ധ​ജ​ല പ്ലാ​ന്റ് നി​ര്‍മി​ക്കാ​ൻ പ്ര​യോ​ജ​ന​പ്പെ​ടു​ത്താ​മെ​ന്ന നി​ർ​ദേ​ശ​വു​മു​ണ്ട്.

ക്രി​ക്ക​റ്റ് സ്റ്റേ​ഡി​യ​ത്തി​നും അ​നു​യോ​ജ്യം

കേ​ര​ള ക്രി​ക്ക​റ്റ് അ​സോ. ജി​ല്ല​യി​ല്‍ സ്റ്റേ​ഡി​യ​ത്തി​ന്​ സ്ഥ​ലം തി​ര​യു​ക​യാ​ണി​പ്പോ​ള്‍. നെ​ടു​മ്പാ​ശ്ശേ​രി​യി​ല്‍ 30 ഏ​ക്ക​ര്‍ പാ​ട​ശേ​ഖ​രം നോ​ക്കി​യെ​ന്നാ​ണ് വി​വ​രം. തു​ട​ര്‍ ന​ട​പ​ടി​യാ​യി​ട്ടി​ല്ല. എ​യ​ര്‍പോ​ര്‍ട്ടി​ന്റെ സ​മീ​പ​മെ​ന്ന മു​ന്‍ഗ​ണ​ന​യി​ലാ​ണ് നെ​ടു​മ്പാ​ശ്ശേ​രി തെ​ര​ഞ്ഞെ​ടു​ത്തി​രി​ക്കു​ന്ന​ത്. ട്രാ​വ​ന്‍കൂ​ര്‍ റ​യോ​ണ്‍സ് ഭൂ​മി​യും എ​യ​ര്‍പ്പോ​ര്‍ട്ടും ത​മ്മി​ല്‍ 10 കി​ലോ​മീ​റ്റ​ര്‍ മാ​ത്ര​മാ​ണ് ദൂ​രം. എ​ന്തു​കൊ​ണ്ട് ഈ ​ഭൂ​മി സ്‌​റ്റേ​ഡി​യ​ത്തി​ന് പ്ര​യോ​ജ​ന​പ്പെ​ടു​ത്തി​ക്കൂ​ടാ​യെ​ന്ന ചോ​ദ്യം ഉ​യ​ര്‍ന്നു​ക​ഴി​ഞ്ഞു. റ​യോ​ണ്‍സ് വ​ള​പ്പി​ല്‍ ത​ന്നെ കെ.​എ​സ്.​ഇ.​ബി​യു​ടെ സ​ബ് സ്റ്റേ​ഷ​ന്‍ പ്ര​വ​ര്‍ത്തി​ക്കു​ന്നു. ശു​ദ്ധ​ജ​ല​മാ​ക​ട്ടെ യ​ഥേ​ഷ്ടം. ഭൂ​രി​ഭാ​ഗം മ​ര​ങ്ങ​ളും വൃ​ക്ഷ​ങ്ങ​ളും നി​ല​നി​ര്‍ത്തി സ്റ്റേ​ഡി​യം നി​ര്‍മി​ക്കാ​നാ​കും. നി​ക​ത്ത​ലോ മ​ണ്ണ് നീ​ക്കം​ചെ​യ്യ​ലോ വേ​ണ്ട. ജി​ല്ല​യെ പ്ര​തി​നി​ധീ​ക​രി​ക്കു​ന്ന മ​ന്ത്രി​യും ഭ​ര​ണ-​പ്ര​തി​പ​ക്ഷ എം.​എ​ല്‍.​എ​മാ​രും ഇ​ക്കാ​ര്യ​ത്തി​ല്‍ ഇ​ട​പെ​ട​ല്‍ ന​ട​ത്തി​യാ​ലേ പ്ര​തീ​ക്ഷ​യു​ള്ളൂ.

(അ​വ​സാ​നി​ച്ചു)

ത​യാ​റാ​ക്കി​യ​ത്​: യു.​യു. മു​ഹ​മ്മ​ദ്കു​ഞ്ഞ്