മത്സ്യസംഭരണ വിപണന കേന്ദ്രത്തിനെതിരെ പ്രതിഷേധമുയരുന്നു

പെ​രു​മ്പാ​വൂ​ര്‍: പോ​ഞ്ഞാ​ശേ​രി നാ​യ​രു​ക​വ​ല​യി​ല്‍ പു​തി​യ​താ​യി പ്ര​വ​ര്‍ത്ത​നം തു​ട​ങ്ങു​ന്ന മ​ത്സ്യ​സം​ഭ​ര​ണ വി​ത​ര​ണ കേ​ന്ദ്ര​ത്തി​നെ​തി​രെ പ്ര​തി​ഷേ​ധ​മു​യ​രു​ന്നു. ദി​നം​പ്ര​തി ക​ണ്ടെ​യി​ന​റു​ക​ളി​ല്‍ എ​ത്തു​ന്ന മ​ത്സ്യ​ങ്ങ​ള്‍ കേ​ടാ​കാ​തെ ഇ​ടു​ന്ന രാ​സ​പ​ദാ​ര്‍ഥ​ങ്ങ​ള്‍ പ്ര​ദേ​ശ​ത്തെ വാ​യു​വും ജ​ല​വും മ​ലി​നീ​ക​രി​ക്കു​മെ​ന്നാ​ണ് ആ​ശ​ങ്ക. നൂ​റ്റ​മ്പ​തോ​ളം കു​ടും​ബ​ങ്ങ​ള്‍ തി​ങ്ങി​പ്പാ​ര്‍ക്കു​ന്ന ഇ​വി​ടെ മ​ത്സ്യ സം​ഭ​ര​ണ​ശാ​ല​ക്ക് വേ​ണ്ടി അ​ന​ധി​കൃ​ത​മാ​യി​ട്ടാ​ണ് കെ​ട്ടി​ട​ങ്ങ​ള്‍ നി​ര്‍മി​ച്ചി​രി​ക്കു​ന്ന​തെ​ന്ന് നാ​ട്ടു​കാ​ര്‍ ആ​രോ​പി​ക്കു​ന്നു.

വെ​ങ്ങോ​ല ഗ്രാ​മ​പ​ഞ്ചാ​യ​ത്തി​ലെ ഒ​ന്ന്, 20 വാ​ര്‍ഡു​ക​ളി​ലെ ജ​ന​ങ്ങ​ളെ നേ​രി​ട്ടും ഇ​തി​ലെ ഒ​ഴു​കു​ന്ന ക​നാ​ല്‍ വെ​ള്ള​ത്തെ ആ​ശ്ര​യി​ക്കു​ന്ന കു​ന്ന​ത്തു​നാ​ട്, ആ​ലു​വ, പ​റ​വൂ​ര്‍ താ​ലൂ​ക്കു​ക​ളി​ലു​ള്ള​വ​രെ പ​രോ​ക്ഷ​മാ​യും മ​ത്സ്യ​സം​ഭ​ര​ണ ശാ​ല​യു​ടെ പ്ര​വ​ര്‍ത്ത​ന​ങ്ങ​ള്‍ ദോ​ഷ​ക​ര​മാ​യി ബാ​ധി​ക്കു​മെ​ന്ന് ചൂ​ണ്ടി​കാ​ണി​ക്ക​പ്പെ​ടു​ന്നു. മ​ലി​നീ​ക​ര​ണ നി​യ​ന്ത്ര​ണ ബോ​ര്‍ഡി​നെ തെ​റ്റി​ദ്ധ​രി​പ്പി​ച്ചാ​ണ് സം​ഭ​ര​ണ​ശാ​ല​ക്ക് അ​നു​മ​തി നേ​ടി​യെ​ടു​ത്ത​തെ​ന്ന് ചൂ​ണ്ടി​ക്കാ​ട്ടി പ്ര​ദേ​ശ​വാ​സി​ക​ള്‍ പ​ഞ്ചാ​യ​ത്ത് അ​ധി​കൃ​ത​ര്‍ക്ക് പ​രാ​തി ന​ല്‍കി​യി​ട്ടു​ണ്ട്. മ​ത്സ്യ​സം​ഭ​ര​ണ വി​പ​ണ​ന കേ​ന്ദ്രം ഇ​വി​ടെ നി​ന്ന് മാ​റ്റി സ്ഥാ​പി​ക്കാ​ന്‍ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് ജി​ല്ലാ ക​ല​ക്ട​ര്‍, മു​ഖ്യ​മ​ന്ത്രി തു​ട​ങ്ങി​യ​വ​ര്‍ക്ക് പ​രാ​തി ന​ല്‍കാ​നും സ​മ​ര​പ​രി​പാ​ടി​ക​ള്‍ സം​ഘ​ടി​പ്പി​ക്കാ​നു​മാ​ണ് തീ​രു​മാ​നം.