ആലുവയും എറണാകുളവുമായി കിരീടപ്പോര്...

പെ​രു​മ്പാ​വൂ​ര്‍: ക​ലോ​ത്സ​വ വേ​ദി​യി​ലെ അ​ര​ങ്ങേ​റ്റം ആ​ഘോ​ഷ​മാ​ക്കി ഇ​രു​ള​നൃ​ത്ത​വും പ​ണി​യ​നൃ​ത്ത​വും, മ​നോ​ഹ​ര​മാ​യി തി​രു​വാ​തി​ര​ക്ക​ളി, ആ​വേ​ശം അ​ല​ത​ല്ലി​യ കോ​ൽ​ക്ക​ളി വേ​ദി, ഇ​ശ​ലൊ​ഴു​കി​യ വ​ട്ട​പ്പാ​ട്ട് മ​ത്സ​രം... അ​ക്ഷ​രാ​ർ​ഥ​ത്തി​ൽ ക​ല​യു​ടെ പെ​രു​ന്നാ​ളാ​യി​രു​ന്നു ബു​ധ​നാ​ഴ്ച കു​റു​പ്പം​പ​ടി​യി​ൽ. മ​ത്സ​ര​ങ്ങ​ൾ രാ​വേ​റെ നീ​ണ്ടി​ട്ടും നാ​ടൊ​ന്നാ​കെ ക​ല​യി​ല​ലി​ഞ്ഞി​രി​ക്കു​ക​യാ​ണ്. റ​വ​ന്യൂ ജി​ല്ല ക​ലോ​ത്സ​വ​ത്തി​ന്‍റെ മൂ​ന്നാം​ദി​നം പി​ന്നി​ടു​മ്പോ​ൾ ക​ലാ​കി​രീ​ട​ത്തി​നാ​യി ആ​ലു​വ, എ​റ​ണാ​കു​ളം ഉ​പ​ജി​ല്ല​ക​ളു​ടെ പോ​ര്. ഇ​രു ഉ​പ​ജി​ല്ല​ക്കും 602 പോ​യ​ൻ​റ് വീ​ത​മാ​ണു​ള്ള​ത്.

569 പോ​യ​ന്‍റോ​ടെ പെ​രു​മ്പാ​വൂ​രാണ്​ തൊട്ടുപിന്നിൽ. നോ​ര്‍ത്ത് പ​റ​വൂ​ര്‍ (556), മ​ട്ടാ​ഞ്ചേ​രി (534) ഉ​പ​ജി​ല്ല​ക​ൾ യ​ഥാ​ക്ര​മം മൂന്നും നാലും സ്ഥാ​ന​ത്തും. സ്കൂ​ളു​ക​ളി​ൽ കൂ​ടു​ത​ൽ പോ​യ​ൻ​റു​മാ​യി (209) ആ​ലു​വ വി​ദ്യാ​ധി​രാ​ജ വി​ദ്യാ​ഭ​വ​ൻ മു​ന്നേ​റു​ക​യാ​ണ്. നി​ല​വി​ലെ ചാ​മ്പ്യ​ന്‍മാ​രാ​യ എ​റ​ണാ​കു​ളം സെൻറ് തെ​രേ​സാ​സ് സ്‌​കൂ​ള്‍ 163 പോ​യ​ൻ​റ് നേ​ടി വീ​ണ്ടും ര​ണ്ടാം സ്ഥാ​ന​ത്തേ​ക്കെ​ത്തി​യി​ട്ടു​ണ്ട്. എ​ട​വ​ന​ക്കാ​ട് ഹി​ദാ​യ​ത്തു​ല്‍ ഇ​സ്‌​ലാം എ​ച്ച്.​എ​സ്.​എ​സാ​ണ് മൂ​ന്നാം സ്ഥാ​ന​ത്ത് (157). അ​റ​ബി​ക് ക​ലോ​ത്സ​വം യു.​പി വി​ഭാ​ഗ​ത്തി​ല്‍ കോ​ല​ഞ്ചേ​രി, ആ​ലു​വ, മൂ​വാ​റ്റു​പു​ഴ ഉ​പ​ജി​ല്ല​ക​ള്‍ 45 പോ​യ​ൻ​റു​മാ​യി ഒ​ന്നാം​സ്ഥാ​നം പ​ങ്കി​ടു​ന്നു. ഹൈ​സ്‌​കൂ​ള്‍ വി​ഭാ​ഗ​ത്തി​ല്‍ 70 പോ​യ​ൻ​റു​മാ​യി പെ​രു​മ്പാ​വൂ​രാ​ണ് മു​ന്നി​ൽ. സം​സ്‌​കൃ​തോ​ത്സ​വം ഹൈ​സ്‌​കൂ​ള്‍ വി​ഭാ​ഗ​ത്തി​ല്‍ ആ​ലു​വ ഉ​പ​ജി​ല്ല​യാ​ണ് മു​ന്നി​ല്‍ (68). യു.​പി വി​ഭാ​ഗ​ത്തി​ല്‍ 65 പോ​യ​ന്‍റു​മാ​യി എ​റ​ണാ​കു​ളം, നോ​ര്‍ത്ത് പ​റ​വൂ​ര്‍, പെ​രു​മ്പാ​വൂ​ര്‍ ഉ​പ​ജി​ല്ല​ക​ള്‍ ഒ​ന്നാം​സ്ഥാ​നം പ​ങ്കി​ടു​ന്നു.

അ​റ​ബി​ക് ക​ലോ​ത്സ​വ​വും സം​സ്കൃ​തോ​ത്സ​വ​വും വ്യാ​ഴാ​ഴ്ച സ​മാ​പി​ക്കും. ച​വി​ട്ടു​നാ​ട​കം, സം​ഘ​നൃ​ത്തം, നാ​ടോ​ടി​നൃ​ത്തം തു​ട​ങ്ങി​യ ക​ള​ർ​ഫു​ൾ മ​ത്സ​ര​ങ്ങ​ൾ​ക്ക് വ്യാ​ഴാ​ഴ്ച ക​ലോ​ത്സ​വ ന​ഗ​രി സാ​ക്ഷ്യം വ​ഹി​ക്കും. ഹ​യ​ര്‍ സെ​ക്ക​ൻ​ഡ​റി ഭ​ര​ത​നാ​ട്യ മ​ത്സ​ര​ത്തി​നു​മു​മ്പ് വി​ധി​ക​ര്‍ത്താ​ക്ക​ളെ മാ​റ്റ​ണ​മെ​ന്ന്​ ആ​വ​ശ്യ​പ്പെ​ട്ട് ഏ​താ​നും പ​രി​ശീ​ല​ക​ര്‍ രം​ഗ​ത്തു​വ​ന്ന​ത് മ​ത്സ​രം വൈ​കാ​നി​ട​യാ​ക്കി. മ​ത്സ​ര​ഫ​ല​ങ്ങ​ളു​മാ​യി ബ​ന്ധ​പ്പെ​ട്ട് ഇ​തു​വ​രെ 36 മ​ത്സ​രാ​ര്‍ഥി​ക​ള്‍ അ​പ്പീ​ല്‍ ന​ല്‍കി​യി​ട്ടു​ണ്ട്.