ഓടക്കാലി-നാഗഞ്ചേരി റോഡ് ടെന്‍ഡര്‍ എടുക്കാന്‍ ആളില്ല

പെ​രു​മ്പാ​വൂ​ര്‍: ഓ​ട​ക്കാ​ലി-​നാ​ഗ​ഞ്ചേ​രി റോ​ഡ് ന​വീ​ക​ര​ണ​ത്തി​ന്റെ ടെ​ന്‍ഡ​ര്‍ ന​ട​പ​ടി​ക​ള്‍ തു​ട​ങ്ങി​യെ​ങ്കി​ലും ജോ​ലി ഏ​റ്റെ​ടു​ക്കാ​ന്‍ ക​രാ​റു​കാ​ര്‍ ത​യാ​റാ​കു​ന്നി​ല്ലെ​ന്ന്​ എം.​എ​ല്‍.​എ. മെ​റ്റ​ല്‍, എം​സാ​ന​ഡ്​ ഉ​ള്‍പ്പെ​ടെ​യു​ള്ള​വ​യു​ടെ അ​നി​യ​ന്ത്രി​ത വി​ല​ക്ക​യ​റ്റ​മാ​ണ് ക​രാ​റു​കാ​ര്‍ പി​ന്തി​രി​യാ​ന്‍ കാ​ര​ണം. ഈ ​മാ​സം 23വ​രെ​യാ​ണ് ടെ​ൻ​ഡ​ര്‍ സ​മ​ര്‍പ്പി​ക്കു​ന്ന​തി​നു​ള്ള അ​വ​സാ​ന തീ​യ​തി. 1.85 കി​ലോ​മീ​റ്റ​ര്‍ റോ​ഡ് 10 വ​ര്‍ഷം മു​മ്പാ​ണ് അ​വ​സാ​ന​മാ​യി ടാ​ര്‍ ചെ​യ്ത​ത്. നി​ത്യേ​ന നി​ര​വ​ധി ഭാ​ര​വാ​ഹ​ന​ങ്ങ​ള്‍ പോ​കു​ന്ന​തു​കൊ​ണ്ട് റോ​ഡ് പൂ​ര്‍ണ​മാ​യും ത​ക​ര്‍ന്ന നി​ല​യി​ലാ​ണ്. 75 ല​ക്ഷം രൂ​പ​യാ​ണ് പ​ദ്ധ​തി​ക്കാ​യി അ​നു​വ​ദി​ച്ച​ത്. പ്രീ ​മി​ക്‌​സ​ഡ് ക്ലോ​സ്ഡ് ഗ്രേ​ഡ​ഡ് രീ​തി​യി​ലാ​ണ് റോ​ഡ് ന​വീ​ക​രി​ക്കു​ന്ന​ത്. ബി.​എം ബി.​സി രീ​തി​യി​ല്‍ ഉ​ന്ന​ത നി​ല​വാ​ര​ത്തി​ല്‍ ടാ​റി​ങ് ന​ട​ത്തു​ന്ന​തി​നു​ള്ള തു​ക​യാ​യി​രു​ന്നു ആ​വ​ശ്യ​പ്പെ​ട്ട​ത്.

എ​ങ്കി​ലും ഫ​ണ്ടി​ന്റെ അ​പ​ര്യാ​പ്ത​ത മൂ​ലം പ്രീ ​മി​ക്‌​സ​ഡ് ക്ലോ​സ്ഡ് ഗ്രേ​ഡ​ഡ് രീ​തി​യി​ല്‍ റോ​ഡ് പു​ന​രു​ദ്ധാ​ര​ണ​ത്തി​നു​ള്ള തു​ക​യാ​ണ് അ​നു​വ​ദി​ക്ക​പ്പെ​ട്ട​തെ​ന്ന് എം.​എ​ല്‍.​എ പ​റ​ഞ്ഞു. ഭാ​ര​വാ​ഹ​ന​ങ്ങ​ള്‍ ക​ട​ന്നു​പോ​കു​ന്ന​തു​മൂ​ലം സാ​ധാ​ര​ണ 20 എം.​എം ചി​പ്പി​ങ് ക​ര്‍പ്പ​റ്റ് രീ​തി​യി​ല്‍ ടാ​റി​ങ് ന​ട​ത്തി​യാ​ല്‍ റോ​ഡ് നി​ല​നി​ല്‍ക്കി​ല്ല. ബി.​എം ബി.​സി നി​ല​വാ​ര​ത്തി​ല്‍ ടാ​ര്‍ ചെ​യ്യു​ക​യോ അ​ല്ലെ​ങ്കി​ല്‍ പൂ​ര്‍ണ​മാ​യും ടാ​റി​ങ്ങി​ന് തു​ക അ​നു​വ​ദി​ക്കു​ക​യോ ചെ​യ്യ​ണ​മെ​ന്ന് എം.​എ​ല്‍.​എ പൊ​തു​മ​രാ​മ​ത്ത് മ​ന്ത്രി​യോ​ട് ആ​വ​ശ്യ​പ്പെ​ട്ടു.