ഉദ്യോഗസ്ഥ അലംഭാവം; നഗരസഭയില്‍ സേവനങ്ങള്‍ മെല്ലെപ്പോക്കിൽ

പെ​രു​മ്പാ​വൂ​ര്‍: ഉ​ദ്യോ​ഗ​സ്ഥ അ​ലം​ഭാ​വം മൂ​ലം ന​ഗ​ര​സ​ഭ​യി​ല്‍നി​ന്ന് അ​വ​ശ്യ​സേ​വ​ന​ങ്ങ​ള്‍ ല​ഭി​ക്കു​ന്നി​ല്ലെ​ന്നും ദൈം​ദി​ന കാ​ര്യ​ങ്ങ​ള്‍ ന​ട​ക്കു​ന്നി​ല്ലെ​ന്നും ആ​ക്ഷേ​പ​മു​യ​രു​ന്നു. കെ​ട്ടി​ട നി​ര്‍മാ​ണാ​നു​മ​തി, ലൈ​സ​ന്‍സ് തു​ട​ങ്ങി​യ കാ​ര്യ​ങ്ങ​ള്‍ക്ക് അ​പേ​ക്ഷ സ​മ​ര്‍പ്പി​ച്ചാ​ല്‍ ന​ട​പ​ടി​ക​ള്‍ വൈ​കു​ന്നു​വെ​ന്ന പ​രാ​തി വ്യാ​പ​ക​മാ​ണ്. ഇ​തി​നി​ടെ പ​ല​പ്പോ​ഴും ഉ​ദ്യോ​ഗ​സ്ഥ​ര്‍ ലീ​വെ​ടു​ക്കു​ന്ന​തും പ്ര​തി​സ​ന്ധി​യാ​ണ്. വെ​ള്ളി​യാ​ഴ്ച ക​ല​ക്ട​റേ​റ്റി​ല്‍ ന​ട​ന്ന മീ​റ്റി​ങ്ങി​ന്റെ പേ​രി​ല്‍ പ​ല​രും സീ​റ്റി​ലു​ണ്ടാ​യി​ല്ല.

അ​ടു​ത്ത മാ​സം എ​ട്ടു​പേ​ര്‍ ന​ഗ​ര​സ​ഭ​യി​ല്‍നി​ന്ന് സ്ഥ​ല​മാ​റ്റം കി​ട്ടി പോ​കു​ക​യാ​ണ്. ഇ​വ​ര്‍ കൈ​കാ​ര്യം ചെ​യ്യു​ന്ന വി​ഭാ​ഗ​ങ്ങ​ളി​ല്‍ ഇ​പ്പോ​ള്‍ മു​ത​ല്‍ മെ​ല്ലെ​പ്പോ​ക്കാ​ണ്. പ്ലാ​നി​ങ് സെ​ക്ഷ​ന്‍, എ​ൻ​ജി​നീ​യ​റി​ങ്, അ​ക്കൗ​ണ്ട്, ഹെ​ല്‍ത്ത്, റ​വ​ന്യൂ തു​ട​ങ്ങി​യ വി​ഭാ​ഗ​ങ്ങ​ളി​ല്‍നി​ന്നു​ള്ള പ്ര​ധാ​ന ഉ​ദ്യോ​ഗ​സ്ഥ​ര്‍ക്കാ​ണ് സ്ഥ​ലം മാ​റ്റം.

ഉ​ത്ത​ര​വി​റ​ങ്ങി​യ​തോ​ടെ പ്ര​ധാ​ന​പ്പെ​ട്ട ഈ ​വി​ഭാ​ഗ​ങ്ങ​ളു​ടെ പ്ര​വ​ര്‍ത്ത​നം സ്തം​ഭ​നാ​വ​സ്ഥ​യി​ലാ​ണെ​ന്നാ​ണ് ആ​ക്ഷേ​പം. ദി​നം​പ്ര​തി നി​ര​വ​ധി ആ​ളു​ക​ളാ​ണ് വി​വി​ധ ആ​വ​ശ്യ​ങ്ങ​ള്‍ക്ക് ന​ഗ​ര​സ​ഭ​യി​ലെ​ത്തു​ന്ന​ത്.

ന​ട​ക്കാ​തെ വ​രു​മ്പോ​ള്‍ അ​ത​ത് വാ​ര്‍ഡ് കൗ​ണ്‍സി​ല​ര്‍മാ​രെ സ​മീ​പി​ക്കു​ന്നു​ണ്ടെ​ങ്കി​ലും അ​വ​രും നി​സ്സ​ഹാ​യ​രാ​യി മാ​റു​ക​യാ​ണ്. ഉ​ദ്യോ​ഗ​സ്ഥ​രി​ലെ കെ​ടു​കാ​ര്യ​സ്ഥ​ത കൗ​സി​ല​ര്‍മാ​രി​ലും അ​മ​ര്‍ഷ​ത്തി​നി​ട​യാ​യി​ട്ടു​ണ്ട്. കൗ​ണ്‍സി​ല്‍ യോ​ഗ​ങ്ങ​ളി​ല്‍പോ​ലും ഈ ​വി​ഷ​യം ച​ര്‍ച്ച​യാ​യി​ട്ടു​ണ്ടെ​ന്നാ​ണ് വി​വ​രം. മ​ഴ​ക്കാ​ല​മാ​യ​തോ​ടെ വാ​ര്‍ഡു​ക​ളി​ല്‍ ശു​ചീ​ക​ര​ണം ന​ട​ത്തേ​ണ്ട​തു​ണ്ട്.

തൊ​ട്ട​ടു​ത്ത പ​ഞ്ചാ​യ​ത്തു​ക​ളി​ല്‍ ഡെ​ങ്കി​പ്പ​നി​യും പ​ക​ര്‍ച്ച​പ്പ​നി​യും വ്യാ​പ​ക​മാ​യ​തോ​ടെ ആ​ശ​ങ്ക​യി​ലാ​ണ് ജ​നം. വെ​ള്ളി, ശ​നി ദി​വ​സ​ങ്ങ​ളി​ല്‍ ഡെ​ങ്കി​പ്പ​നി ബാ​ധി​ച്ച് സ​മീ​പ പ​ഞ്ചാ​യ​ത്തു​ക​ളി​ല്‍ ര​ണ്ടു​പേ​ര്‍ മ​രി​ച്ച​തോ​ടെ ആ​ശ​ങ്ക വ​ര്‍ധി​ച്ചു. കൊ​തു​ക് ന​ശീ​ക​ര​ണ​വും ശു​ചീ​ക​ര​ണ പ്ര​വ​ര്‍ത്ത​ന​ങ്ങ​ളും 27 വാ​ര്‍ഡു​ക​ളി​ലും കൃ​ത്യ​മാ​യി ന​ട​ക്ക​ണ​മെ​ങ്കി​ല്‍ ഉ​ദ്യോ​ഗ​സ്ഥ ഇ​ട​പെ​ട​ല്‍ അ​നി​വാ​ര്യ​മാ​ണ്.