ചു​വ​പ്പു​കൊ​ടി കി​ട്ടി​യി​ട്ട് ഒ​ന്ന​ര​വ​ർ​ഷം; 'പാ​സ​ഞ്ച​ർ' ഓ​ട്ടം ഇ​ന്നും ലോ​ക്ഡൗ​ൺ ട്രാ​ക്കി​ൽ

കൊ​ച്ചി: ക​ര​യി​ലും വെ​ള്ള​ത്തി​ലും വാ​യു​വി​ലു​മു​ള്ള സ​ക​ല ഗ​താ​ഗ​ത സം​വി​ധാ​ന​ങ്ങ​ളും ലോ​ക്ഡൗ​ണി​നു ശേ​ഷം പു​ന​രാ​രം​ഭി​ച്ചെ​ങ്കി​ലും പാ​സ​ഞ്ച​ർ ട്രെ​യി​ൻ യാ​ത്ര​ക്കാ​രോ​ടു​മു​ള്ള റെ​യി​ൽ​വേ​യു​ടെ ക​ടും​പി​ടി​ത്ത​ത്തി​നു മാ​ത്രം അ​യ​വി​ല്ല.

കോ​വി​ഡ് ലോ​ക്ഡൗ​ണി​നെ തു​ട​ർ​ന്ന് 2020 മാ​ർ​ച്ച് 24 മു​ത​ൽ നി​ർ​ത്തി​വെ​ച്ച സ​ർ​വി​സു​ക​ള​ധി​ക​വും പി​ന്നീ​ട് പു​ന​രാ​രം​ഭി​ച്ച​പ്പോ​ൾ പാ​സ​ഞ്ച​ർ, മെ​മു സ​ർ​വി​സു​ക​ൾ, സീ​സ​ൺ ടി​ക്ക​റ്റ്, കൗ​ണ്ട​റി​ൽ​നി​ന്ന് ടി​ക്ക​റ്റെ​ടു​ക്ക​ൽ, അ​ൺ​റി​സ​ർ​വ​ഡ് കോ​ച്ച് തു​ട​ങ്ങി സാ​ധാ​ര​ണ​ക്കാ​രും നി​ത്യ​യാ​ത്രി​ക​രും ഏ​റെ ആ​ശ്ര​യി​ക്കു​ന്ന സേ​വ​ന​ങ്ങ​ൾ ഇ​ന്നും പു​ന​രാ​രം​ഭി​ച്ചി​ട്ടി​ല്ല.

ചി​ല​യി​ട​ങ്ങ​ളി​ൽ നാ​മ​മാ​ത്ര​മാ​യി മെ​മു സ​ർ​വി​സ് പു​ന​രാ​രം​ഭി​ച്ചെ​ങ്കി​ലും ജോ​ലി സ്ഥ​ല​ങ്ങ​ളി​ലേ​ക്കും തി​രി​ച്ചും യാ​ത്ര ചെ​യ്യു​ന്ന​വ​ർ​ക്ക് സൗ​ക​ര്യ​പ്ര​ദ​മാ​യ സ​മ​യ​ക്ര​മ​ത്തി​ല​ല്ല ഇ​വ​യി​ൽ പ​ല​തും ഓ​ടു​ന്ന​ത്. മാ​ത്ര​വു​മ​ല്ല, മെ​മു ട്രെ​യി​നു​ക​ളി​ൽ ഈ​ടാ​ക്കു​ന്ന​ത് എ​ക്സ്പ്ര​സ്​ ട്രെ​യി​നിെൻറ നി​ര​ക്കാ​ണ്. കോ​വി​ഡി​നു പി​ന്നാ​ലെ ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ലേ​ക്കു വീ​ണ നി​ത്യ​വൃ​ത്തി​ക്കാ​രാ​യ യാ​ത്ര​ക്കാ​രാ​ണ് ഇ​തു​മൂ​ലം ദു​രി​ത ഓ​ട്ട​മോ​ടു​ന്ന​ത്. മെ​മു സ്‌​പെ​ഷ​ൽ അ​നു​വ​ദി​ച്ച​പ്പോ​ൾ ഹാ​ൾ​ട്ട് സ്​​റ്റേ​ഷ​നു​ക​ൾ പൂ​ർ​ണ​മാ​യും അ​വ​ഗ​ണി​ക്ക​പ്പെ​ട്ടു.

പാ​സ​ഞ്ച​ർ ട്രെ​യി​നു​ക​ൾ മാ​ത്രം ഓ​ടു​ന്ന റൂ​ട്ടു​ക​ളി​ലു​ള്ള യാ​ത്ര​ക്കാ​രും വ​ലി​യ പ്ര​യാ​സ​ത്തി​ലാ​ണ്. ട്രെ​യി​നി​ല്ലാ​ത്ത​തി​നെ തു​ട​ർ​ന്ന് ഏ​റെ നേ​രം ബ​സി​ലി​രു​ന്നും വ​ൻ​തു​ക ടി​ക്ക​റ്റ് നി​ര​ക്കാ​യി ന​ൽ​കി​യും വേ​ണം ല​ക്ഷ്യ​സ്ഥാ​ന​ത്തെ​ത്താ​ൻ. നി​ത്യേ​ന ജോ​ലി സ്ഥ​ല​ത്തേ​ക്കു പോ​കു​ന്ന​വ​രാ​ണ് ഇ​തു​മൂ​ലം പെ​ട്ടു​പോ​യ​ത്.

ട്രെ​യി​ൻ സ​ർ​വി​സ് നി​ർ​ത്തി​വെ​ച്ച​തി​നൊ​പ്പം ത​ന്നെ സീ​സ​ൺ ടി​ക്ക​റ്റ് സം​വി​ധാ​ന​വും നി​ർ​ത്തി​വെ​ച്ചി​രു​ന്നു. ചു​രു​ങ്ങി​യ ചെ​ല​വി​ൽ എ​ല്ലാ ദി​വ​സ​വും യാ​ത്ര ചെ​യ്യാ​നു​ള്ള സൗ​ക​ര്യം നി​ർ​ത്തി​യ​തോ​ടെ നി​ത്യേ​ന റി​സ​ർ​വേ​ഷ​ൻ നി​ര​ക്കു ന​ൽ​കി യാ​ത്ര ചെ​യ്യു​ക​യാ​ണ് എ​ല്ലാ​വ​രും. തൊ​ഴി​ൽ പ്ര​തി​സ​ന്ധി​യും ശ​മ്പ​ള പ്ര​തി​സ​ന്ധി​യും അ​ല​ട്ടു​ന്ന​തി​നി​ട​ക്ക് ഭീ​മ​മാ​യ തു​ക മാ​സം​തോ​റും ട്രെ​യി​ൻ യാ​ത്ര​ക്കാ​യി മാ​ത്രം മു​ട​ക്കേ​ണ്ടി വ​രു​ന്ന​തും സാ​മ്പ​ത്തി​ക പ്ര​യാ​സം ഇ​ര​ട്ടി​യാ​ക്കു​ന്നു​ണ്ടെ​ന്ന് ഫ്ര​ണ്ട്സ് ഓ​ൺ റെ​യി​ൽ​സ് സെ​ക്ര​ട്ട​റി ജെ. ​ലി​യോ​ൺ​സ് പ​റ​ഞ്ഞു.

ട്രെ​യി​ൻ യാ​ത്ര​ക്കാ​രു​ടെ സം​ഘ​ട​ന​ക​ളും മ​റ്റും പ​ല​ത​വ​ണ വി​ഷ​യ​ത്തി​ൽ അ​ധി​കൃ​ത​ർ​ക്ക് പ​രാ​തി ന​ൽ​കി​യി​ട്ടും പ്ര​തി​ഷേ​ധം ന​ട​ത്തി​യി​ട്ടും ട്രെ​യി​ൻ സ​ർ​വി​സ് പൂ​ർ​ണ​മാ​യും പ​ഴ​യ​തോ​തി​ലാ​ക്കാ​നു​ള്ള ന​ട​പ​ടി​യൊ​ന്നു​മു​ണ്ടാ​യി​ട്ടി​ല്ല. ഇ​തേ​തു​ട​ർ​ന്ന് വി​വി​ധ ആ​വ​ശ്യ​ങ്ങ​ളു​ന്ന​യി​ച്ച് ജ​ന​പ്ര​തി​നി​ധി​ക​ൾ​ക്ക് ഫ്ര​ണ്ട്സ് ഓ​ൺ റെ​യി​ൽ​സിെൻറ നേ​തൃ​ത്വ​ത്തി​ൽ വീ​ണ്ടും നി​വേ​ദ​നം ന​ൽ​കി​യി​രി​ക്കു​ക​യാ​ണ്.