Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightഭ​ഗ​വ​തി...

ഭ​ഗ​വ​തി ക്ഷേ​ത്ര​ത്തി​ലെ താ​ല​പ്പൊ​ലിക്ക് പള്ളുരുത്തി പൊലീസ് സ്​റ്റേഷനിൽ പറയെടുപ്പ് നടന്നു

text_fields
bookmark_border
ഭ​ഗ​വ​തി ക്ഷേ​ത്ര​ത്തി​ലെ താ​ല​പ്പൊ​ലിക്ക് പള്ളുരുത്തി പൊലീസ് സ്​റ്റേഷനിൽ പറയെടുപ്പ് നടന്നു
cancel
camera_alt

സ്റ്റേ​ഷ​ന്​ മു​ന്നി​ൽ ന​ട​ന്ന പ​റ​യെ​ടു​പ്പിൽ ഡെ​പ്യൂ​ട്ടി ക​മീ​ഷ​ണ​ർ പ​റ നി​റ​ക്കു​ന്നു

പ​ള്ളു​രു​ത്തി: അ​ഴ​കി​യ കാ​വ് ഭ​ഗ​വ​തി ക്ഷേ​ത്ര​ത്തി​ലെ താ​ല​പ്പൊ​ലി​യു​ടെ ഭാ​ഗ​മാ​യി പ​ള്ളു​രു​ത്തി പൊ​ലീ​സ് സ്റ്റേ​ഷ​നി​ൽ പ​റ​യെ​ടു​പ്പ് ന​ട​ന്നു. കാ​ല​ങ്ങ​ളാ​യി ന​ട​ന്നു വ​രു​ന്ന ആ​ചാ​ര​ത്തി​ന്‍റെ ഭാ​ഗ​മാ​യാ​ണ് പൊ​ലീ​സ് സ്റ്റേ​ഷ​ൻ പ​റ​യെ​ടു​പ്പ് ന​ട​​ന്ന​ത്.

രാ​ജ​ഭ​ര​ണ​കാ​ല​ത്ത് പ​ഴ​യ പൊ​ലീ​സ് സ്റ്റേ​ഷ​ൻ നി​ല​നി​ന്നി​രു​ന്ന കെ​ട്ടി​ടം രാ​ജ​ഭ​ര​ണ കാ​ര്യ​ങ്ങ​ൾ നി​യ​ന്ത്രി​ക്കു​ന്ന ക​ച്ചേ​രി​യാ​യി​രു​ന്നു. താ​ല​പ്പൊ​ലി​ക്ക് ക​ച്ചേ​രി​ക്ക് മു​ന്നി​ൽ പ്ര​ത്യേ​ക പ​റ വ​ഴി​പാ​ട് ജീ​വ​ന​ക്കാ​ർ ചേ​ർ​ന്ന് നി​റ​ച്ചു​ന​ൽ​കി​യി​രു​ന്നു. ക​ച്ചേ​രി കെ​ട്ടി​ടം പൊ​ലീ​സ് സ്റ്റേ​ഷ​നാ​യി മാ​റി​യെ​ങ്കി​ലും ക​ച്ചേ​രി​യി​ൽ തു​ട​ർ​ന്നു​വ​ന്ന പ​തി​വ്​ രീ​തി​ക​ളി​ൽ മാ​റ്റം വ​രു​ത്തി​യി​ല്ല. പൊ​ലീ​സ് ഉ​ദ്യോ​ഗ​സ്ഥ​ർ ചേ​ർ​ന്ന് പ​റ നി​റ​ച്ചു ന​ൽ​കാ​ൻ തു​ട​ങ്ങി.

സം​സ്ഥാ​ന ആ​ഭ്യ​ന്ത​ര വ​കു​പ്പ് ത​ന്നെ പ​റ വ​ഴി​പാ​ട് മു​ട​ക്കം കൂ​ടാ​തെ തു​ട​രാ​ൻ അ​നു​വാ​ദം ന​ൽ​കു​ക​യാ​യി​രു​ന്നു. ക്ഷേ​ത്ര​ത്തി​ൽ​നി​ന്നും ഭ​ഗ​വ​തി​യു​ടെ തി​ട​മ്പേ​റ്റി എ​ത്തി​യ ആ​ന ആ​ദ്യം ഏ​റ​ണാ​ട് വ​ന​ദു​ർ​ഗാ​ഭ​ഗ​വ​തി ക്ഷേ​ത്ര​ത്തി​ൽ പ​റ​യെ​ടു​പ്പ് ന​ട​ത്തി, കോ​ത​കു​ള​ങ്ങ​ര ശാ​സ്താ ക്ഷേ​ത്ര​ത്തി​ൽ ഇ​റ​ക്കി പൂ​ജ​യും നേ​ദ്യ​വും ന​ട​ന്നു. പി​ന്നീ​ട് വെ​ങ്കി​ടാ​ച​ല​പ​തി ക്ഷേ​ത്ര​ത്തി​ലും പ​റ​ന​ട​ന്നു. തു​ട​ർ​ന്നാ​ണ് സി.​ഐ ഓ​ഫി​സി​ന്​ മു​ന്നി​ൽ പ​റ വ​ഴി​പാ​ട് ന​ട​ന്ന​ത്. ട്രാ​ഫി​ക് സ്റ്റേ​ഷ​നി​ലും പ​റ​യെ​ടു​പ്പ്​ ന​ട​ത്തി. ഒ​ടു​വി​ലാ​ണ് പൊ​ലീ​സ് സ്റ്റേ​ഷ​ന്​ മു​ന്നി​ൽ പ​റ​യെ​ടു​പ്പ് ന​ട​ന്ന​ത്.

ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ വി.​യു കു​ര്യാ​ക്കോ​സ്, അ​സി.​ക​മീ​ഷ​ണ​ർ വി.​ജി. ര​വീ​ന്ദ്ര​നാ​ഥ്, സി.​ഐ. സി​ൽ​വ​സ്റ്റ​ർ, എ​സ്.​ഐ. ദീ​പു എ​ന്നി​വ​ർ നേ​തൃ​ത്വം ന​ൽ​കി. അ​വി​ൽ, മ​ല​ർ, ശ​ർ​ക്ക​ര, കു​രു​മു​ള​ക്, ചു​ക്ക്, എ​ള്ള്, ക​ൽ​ക്ക​ണ്ടം, മ​ഞ്ഞ​ൾ, ഉ​ണ​ക്ക​മു​ന്തി​രി,നെ​ല്ല്, ഉ​ണ​ക്ക​ല​രി, പ​ഴം, ക​രി​മ്പ് എ​ന്നീ വി​ഭ​വ​ങ്ങ​ൾ ഉ​പ​യോ​ഗി​ച്ചാ​യി​രു​ന്നു പ​റ നി​റ​ക്ക​ൽ ന​ട​ത്തി​യ​ത്.

Show Full Article
TAGS:police police station 
News Summary - parayeduppu at palluruthy police station
Next Story