കുടിവെള്ളവും യാത്രാസൗകര്യവുമില്ല; കൊച്ചി ദുരിതമയം

മ​ട്ടാ​ഞ്ചേ​രി: മൂ​ന്നാ​ഴ്ച​യാ​യി തു​ട​രു​ന്ന ജ​ല​ക്ഷാ​മ​ത്തി​നൊ​പ്പം ഹാ​ർ​ബ​ർ പാ​ല​ത്തി​ൽ ബാ​രി​യ​ർ ഘ​ടി​പ്പി​ക്കു​ന്ന​തി​ന്‍റെ പേ​രി​ൽ 50 ദി​വ​സം പാ​ലം പൂ​ട്ടി​യി​ടു​ക​യും ചെ​യ്ത​തോ​ടെ ക​ഴി​ഞ്ഞ ഏ​ഴ് ദി​വ​സ​ങ്ങ​ളാ​യി കൊ​ച്ചി നി​വാ​സി​ക​ൾ ദു​രി​ത​ക്ക​യ​ത്തി​ൽ. കൊ​ച്ചി മേ​ഖ​ല​യി​ലെ ജ​ന​ങ്ങ​ളെ അ​ധി​കാ​രി​ക​ൾ ബ​ന്ദി​ക​ളാ​ക്കു​ക​യാ​ണെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്നു.

നാ​ലു​ചു​റ്റും വെ​ള്ള​ത്താ​ൽ ചു​റ്റ​പ്പെ​ട്ട് കി​ട​ക്കു​ന്ന പ​ശ്ചി​മ​കൊ​ച്ചി​യു​ടെ പ്ര​ധാ​ന ക​വാ​ട​ങ്ങ​ളി​ൽ ഒ​ന്നാ​ണ് ഹാ​ർ​ബ​ർ പാ​ലം. ഒ​രു ത​ര​ത്തി​ലു​ള്ള മു​ന്ന​റി​യി​പ്പു​ക​ളോ മു​ൻ​ക​രു​ത​ൽ ന​ട​പ​ടി​ക​ളോ ഇ​ല്ലാ​തെ​യാ​ണ് 50 ദി​വ​സം പാ​ലം അ​ട​ച്ചി​ട്ട​ത്. വി​ദ്യാ​ർ​ഥി​ക​ൾ​ക്ക് പ​രീ​ക്ഷ തു​ട​ങ്ങു​ന്ന വേ​ള​യി​ൽ പാ​ലം അ​ട​ച്ച​ത് തെ​റ്റാ​യ ന​ട​പ​ടി​യാ​ണെ​ന്ന് സി.​എം.​പി ജി​ല്ല സെ​ക്ര​ട്ട​റി പി. ​രാ​ജേ​ഷ് ആ​രോ​പി​ച്ചു. നാ​മ​മാ​ത്ര തൊ​ഴി​ലാ​ളി​ക​ളെ മാ​ത്രം ജോ​ലി​ക്ക് നി​യോ​ഗി​ച്ച് പാ​ലം നി​ർ​മാ​ണം നീ​ട്ടി​ക്കൊ​ണ്ടു​പോ​യി ജ​ന​ങ്ങ​ളെ ക​ഷ്ട​പ്പെ​ടു​ത്തു​ക​യാ​ണെ​ന്ന് മു​സ്​​ലിം​ലീ​ഗ് മ​ണ്ഡ​ലം സെ​ക്ര​ട്ട​റി നി​യാ​സ്​ പ​റ​ഞ്ഞു.

പൊ​തു​മ​രാ​മ​ത്ത് വ​കു​പ്പി​ന്‍റെ വ​ക പാ​ലം അ​ട​ച്ച​പ്പോ​ൾ മ​റ്റൊ​രു യാ​ത്ര സൗ​ക​ര്യ​മാ​യ റോ-​റോ സ​ർ​വി​സ് കാ​ര്യ​ക്ഷ​മ​മാ​ക്കാ​തെ​യാ​ണ് ന​ഗ​ര​സ​ഭ​യു​ടെ നീ​ക്കം. കൊ​ച്ചി​യെ വൈ​പ്പി​ൻ മേ​ഖ​ല​യു​മാ​യി ബ​ന്ധി​പ്പി​ക്കു​ന്ന റോ-​റോ മാ​സ​ങ്ങ​ളാ​യി മു​ട​ന്തു​ക​യാ​ണ്. ഒ​രു വെ​സ​ൽ ത​ക​രാ​റി​ലാ​യി​ട്ട് മൂ​ന്നു മാ​സ​മാ​യി. ത​ക​രാ​ർ പ​രി​ഹ​രി​ച്ച് സ​ർ​വി​സ് പു​ന​രാ​രം​ഭി​ക്കാ​നു​ള്ള യാ​തൊ​രു നീ​ക്ക​വും സ്വീ​ക​രി​ക്കാ​തെ നീ​ട്ടി​ക്കൊ​ണ്ടു​പോ​കു​ക​യാ​ണ് ന​ഗ​ര​സ​ഭ. എ​റ​ണാ​കു​ളം ഭാ​ഗ​ത്തേ​ക്ക് റോ-​റോ വ​ഴി ക​ട​ന്നു​പോ​കാ​ൻ ക​ഴി​യു​മെ​ന്നി​രി​ക്കെ ഇ​വി​ടെ​യും ജ​ന​ങ്ങ​ളു​ടെ യാ​ത്രാ ത​ട​സ്സം സൃ​ഷ്ടി​ക്കു​ക​യാ​ണ് ന​ഗ​ര​സ​ഭ ഫ​ല​ത്തി​ൽ ചെ​യ്തു​വ​രു​ന്ന​ത്.

മ​ട്ടാ​ഞ്ചേ​രി​യി​ൽ​നി​ന്ന്​ എ​റ​ണാ​കു​ള​ത്തേ​ക്കു​ള്ള ബോ​ട്ട് സ​ർ​വി​സ് നി​ല​ച്ചി​ട്ട് നാ​ല​ു വ​ർ​ഷം പി​ന്നി​ട്ടു. രാ​ജ്യ​ത്തെ ആ​ദ്യ പാ​സ​ഞ്ച​ർ ബോ​ട്ട് സ​ർ​വി​സ് തു​ട​ങ്ങി​യ ജെ​ട്ടി​ക്കാ​ണ് ഈ ​ഗ​തി​കേ​ട്. ജെ​ട്ടി​യു​ടെ പു​ന​ർ​നി​ർ​മാ​ണ​വും തു​ട​ങ്ങി​യി​ട​ത്തു ത​ന്നെ. മ​ട്ടാ​ഞ്ചേ​രി വാ​ട്ട​ർ മെ​ട്രോ ജെ​ട്ടി നി​ർ​മാ​ണം ഏ​ഴ് കോ​ടി വാ​ങ്ങി ക​രാ​റു​കാ​ര​ൻ മു​ങ്ങി​യ​തോ​ടെ ത്രി​ശ​ങ്കു​വി​ലാ​ണ്.

ഇ​തി​നു പു​റ​മെ പ​ല​യി​ട​ങ്ങ​ളി​ലും ബ​സ് റൂ​ട്ടി​ൽ ക​ല​ങ്കു​ക​ൾ പൊ​ളി​ച്ച​ത് മ​റ്റൊ​രു യാ​ത്രാ​ദു​രി​ത​മാ​ണ്. ക​രു​വേ​ലി​പ്പ​ടി ആ​ശു​പ​ത്രി​യോ​ട് ചേ​ർ​ന്നു​ള്ള ക​ലു​ങ്ക് പൊ​ളി​ച്ച് നി​ർ​മാ​ണം ആ​രം​ഭി​ച്ചി​ട്ട് മാ​സം ഒ​ന്ന​ര പി​ന്നി​ട്ടു. ഇ​തു​വ​രെ പ​കു​തി ഭാ​ഗം മാ​ത്ര​മാ​ണ്​ പൂ​ർ​ത്തി​യാ​യ​ത്. ഇ​വി​ടെ​യും വാ​ഹ​ന​ങ്ങ​ൾ കാ​ത്തു​കെ​ട്ടി​ക്കി​ട​ക്കു​ന്ന അ​വ​സ്ഥ​യാ​ണ്.

ഫോ​ർ​ട്ട്​​കൊ​ച്ചി, മ​ട്ടാ​ഞ്ചേ​രി മേ​ഖ​ല​ക​ളി​ൽ പ​ല​യി​ട​ത്തും കാ​ന​ക​ൾ​ക്ക് മു​ക​ളി​ൽ സ്ലാ​ബി​ടു​ന്ന ജോ​ലി​ക​ൾ ന​ട​ന്നു​വ​രു​ക​യാ​ണ്. ചെ​റു​റോ​ഡു​ക​ളി​ൽ ഈ ​പ്ര​വ​ർ​ത്തി​യും യാ​ത്രാ​ത​ട​സ്സം സൃ​ഷ്ടി​ക്കു​ന്നു​ണ്ട്. ചു​രു​ക്ക​ത്തി​ൽ കു​ടി​വെ​ള്ള​മി​ല്ലാ​തെ, സ​ഞ്ചാ​ര​സൗ​ക​ര്യ​മി​ല്ലാ​തെ കൊ​ച്ചി നി​വാ​സി​ക​ളെ ബ​ന്ദി​യാ​ക്കി​യി​രി​ക്ക​യാ​ണ് അ​ധി​കൃ​ത​ർ. ഇ​വ​ക്കെ​തി​രെ ശ​ക്ത​മാ​യി പ്ര​തി​ക​രി​ക്കു​ന്ന​തി​നു​ള്ള ജ​ന​പ്ര​തി​നി​ധി​ക​ളു​ടെ അ​ഭാ​വ​വും ശ്ര​ദ്ധേ​യ​മാ​ണ്.