മൂവാറ്റുപുഴയിൽ പൈപ്പ് പൊട്ടി ജല വിതരണം മുടങ്ങിയിട്ട് മൂന്നു ദിവസം

മൂ​വാ​റ്റു​പു​ഴ: കാ​ല് മാ​റി ന​ട​ത്തി​യ ശ​സ്ത്ര​ക്രി​യ പോ​ലെ പൈ​പ്പ് പൊ​ട്ടി​യ​ത് ക​ണ്ടെ​ത്താ​നു​ള്ള ജ​ല അ​തോ​റി​റ്റി​യു​ടെ കു​ഴി എ​ടു​ക്ക​ൽ മാ​മാ​ങ്കം മൂ​ലം പൈ​പ്പ് പൊ​ട്ടാ​ത്ത മേ​ഖ​ല​ക​ളി​ലും കു​ടി​വെ​ള്ളം മു​ട​ങ്ങി. ന​ഗ​ര​ത്തി​ൽ പൈ​പ്പ് പൊ​ട്ടി കു​ടി​വെ​ള്ളം മു​ട​ങ്ങി മൂ​ന്നു ദി​വ​സം പി​ന്നി​ടു​മ്പോ​ഴാ​ണി​ത്. ശ​നി​യാ​ഴ്ച രാ​ത്രി കാ​വും​പ​ടി റോ​ഡി​ൽ പൈ​പ്പ് പൊ​ട്ടി ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ കു​ടി​വെ​ള്ള വി​ത​ര​ണം മു​ട​ങ്ങി​യി​രു​ന്നു.

ല​ക്ഷ​ക്ക​ണ​ക്കി​ന്​ ലി​റ്റ​ർ ശു​ദ്ധ​ജ​ലം റോ​ഡി​ലൂ​ടെ ഒ​ഴു​കി​യ​തോ​ടെ ജ​ല​വി​ത​ര​ണം നി​ർ​ത്തി​വെ​ച്ചു. അ​റ്റ​കു​റ്റ​പ്പ​ണി​ക​ൾ ന​ട​ത്തു​ന്ന ക​രാ​റു​കാ​ർ കു​ടി​ശ്ശി​ക ല​ഭി​ക്കാ​നു​ള്ള​തി​നാ​ൽ അ​ടി​യ​ന്ത​ര ജോ​ലി​ക​ൾ ചെ​യ്യാ​നാ​യി രൂ​പ​വ​ത്​​ക​രി​ച്ച ബ്ലൂ ​ബ്രി​ഗേ​ഡാ​ണ് അ​റ്റ​കു​റ്റ​പ്പ​ണി​ക​ൾ ന​ട​ത്തു​ന്ന​ത്. എ​ന്നാ​ൽ ഇ​വ​ർ തി​ങ്ക​ളാ​ഴ്ച ആ​ദ്യം ജോ​ലി ആ​രം​ഭി​ച്ച​ത് പൈ​പ്പ് പൊ​ട്ടി​യ സ്ഥ​ല​ത്താ​യി​രു​ന്നി​ല്ല. മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് പു​തു​താ​യി ടാ​ർ ചെ​യ്ത റോ​ഡ് കു​ഴി​ച്ച് പ​രി​ശോ​ധ​ന ന​ട​ത്തി​യ​പ്പോ​ഴാ​ണ് പൈ​പ്പ് പൊ​ട്ടി​യ​ത് അ​വി​ടെ അ​ല്ലെ​ന്നു മ​ന​സ്സി​ലാ​യ​ത്. ഇ​തോ​ടെ കു​ഴി മൂ​ടി.

ജ​ല സം​ഭ​ര​ണി​യി​ൽ നി​ന്ന് ജ​ല അ​തോ​റി​റ്റി​യു​ടെ വെ​ള്ളൂ​ർ​ക്കു​ന്ന​ത്തെ ജ​ല​സം​ഭ​ര​ണി​യി​ലേ​ക്കു​ള്ള ടാ​ങ്കി​ലേ​ക്ക് വെ​ള്ളം കൊ​ണ്ടു​പോ​കു​ന്ന പൈ​പ്പാ​ണ് പൊ​ട്ടി​യ​തെ​ന്ന് ക​രു​തി​യാ​ണ് ആ​ദ്യം ഇ​വ​ർ റോ​ഡ് കു​ഴി​ച്ച് പ​രി​ശോ​ധ​ന ന​ട​ത്തി​യ​ത്. ഇ​തു​മൂ​ലം വാ​ഴ​പ്പി​ള്ളി, പേ​ഴ​യ്ക്കാ​പ്പി​ള്ളി, ക​ടാ​തി എ​ന്നി​വി​ട​ങ്ങ​ളി​ലേ​ക്കു​ള്ള ശു​ദ്ധ​ജ​ല​വി​ത​ര​ണം തി​ങ്ക​ളാ​ഴ്ച​യും ത​ട​സ്സ​പ്പെ​ട്ടു. തെ​റ്റ് മ​ന​സ്സി​ലാ​യ​തോ​ടെ​യാ​ണ് റോ​ഡി​ന്റെ മ​റു​വ​ശ​ത്തു​ള്ള കി​ഴ​ക്കേ​ക്ക​ര ലൈ​നി​ൽ അ​റ്റ​കു​റ്റ​പ്പ​ണി​ക​ൾ ന​ട​ത്താ​ൻ തീ​രു​മാ​നി​ച്ച​ത്. പൈ​പ്പ് പൊ​ട്ടി​യ​ത് എ​വി​ടെ നി​ന്നാ​ണെ​ന്നു ക​ണ്ടെ​ത്താ​ൻ വ​ലി​യ കു​ഴി കു​ഴി​ക്കേ​ണ്ടി വ​ന്നു. അ​റ്റ​കു​റ്റ​പ്പ​ണി​ക​ൾ രാ​ത്രി വൈ​കി​യും തീ​ർ​ന്നി​ട്ടി​ല്ല. ചൊ​വ്വാ​ഴ്ച​യും കു​ടി​വെ​ള്ളം മു​ട​ങ്ങാ​നാ​ണ്​ സാ​ധ്യ​ത.