പ​ച്ച​ക്ക​റി​ക​ൾ​ക്ക്​ തീ​വി​ല; 130 ക​ട​ന്ന്​ ത​ക്കാ​ളി

മൂ​വാ​റ്റു​പു​ഴ: ഒ​റ്റ ദി​വ​സം​കൊ​ണ്ട് ഇ​ര​ട്ടി വി​ല​യു​യ​ർ​ന്ന ത​ക്കാ​ളി​ക്ക് സെ​ഞ്ച്വ​റി അ​ടി​ച്ചു.130 രൂ​പ. ശ​നി​യാ​ഴ്ച 65 രൂ​പ​യാ​യി​രു​ന്നു ത​ക്കാ​ളി വി​ല. ഇ​താ​ണ് 130 രൂ​പ​യി​ലെ​ത്തി​യ​ത്. ഇ​ത് ഹോ​ൾ​സെ​യി​ൽ വി​ല​യാ​ണ്. ചി​ല്ല​റ​വി​ല 150ൽ ​എ​ത്തി.

ക​ഴി​ഞ്ഞ ഒ​രു മാ​സം മു​മ്പ് 10 രൂ​പ​ക്ക് ല​ഭി​ച്ച ത​ക്കാ​ളി​ക്കാ​ണ് തീ​വി​ല​യാ​യി​രി​ക്കു​ന്ന​ത്. വി​ല ഉ​യ​ർ​ന്ന​തോ​ടെ വി​ഭ​വ​ങ്ങ​ളി​ൽ​നി​ന്ന്​ ത​ക്കാ​ളി പു​റ​ത്താ​യി. പ​യ​ർ വി​ല ക​ഴി​ഞ്ഞ ദി​വ​സ​ങ്ങ​ളെ​ക്കാ​ൾ കു​റ​ഞ്ഞി​ട്ടു​ണ്ട്. ഇ​ത് ഒ​ഴി​ച്ച് മ​റ്റു പ​ച്ച​ക്ക​റി​ക​ൾ​ക്കും തീ​വി​ല​യാ​ണ്. പ​ച്ച​മു​ള​ക് വി​ല മൊ​ത്ത വി​പ​ണി​യി​ൽ 140ൽ ​എ​ത്തി.

ഈ ​ആ​ഴ്ച അ​വ​സാ​ന​ത്തോ​ടെ മു​ള​കു​വി​ല 200ൽ ​എ​ത്തു​മെ​ന്ന് വ്യാ​പാ​രി​ക​ൾ പ​റ​ഞ്ഞു. വെ​ളു​ത്തു​ള്ളി വി​ല​യും130 ൽ ​എ​ത്തി. ഭൂ​രി​ഭാ​ഗം പ​ച്ച​ക്ക​റി​ക​ള്‍ക്കും വി​ല ഇ​ര​ട്ടി​യാ​യി ഉ​യ​ർ​ന്ന​തോ​ടെ സാ​ധാ​ര​ണ​ക്കാ​ര​ന്റെ കീ​ശ​കീ​റു​ന്ന അ​വ​സ്ഥ​യാ​ണ്.

200 ക​ട​ന്നി​രി​ക്കു​ക​യാ​ണ് ഇ​ഞ്ചി​ക്ക്. വി​ള​വു കു​റ​ഞ്ഞ​തും ഇ​ത​ര സം​സ്ഥാ​ന​ങ്ങ​ളി​ൽ​നി​ന്നു​ള്ള ലോ​ഡ് വ​ര​വ്​ കു​റ​ഞ്ഞ​തു​മാ​ണ് നി​ല​വി​ലെ വി​ല​വ​ർ​ധ​ന​ക്ക്​ കാ​ര​ണം. സാ​ധാ​ര​ണ വ​രു​ന്ന​തി​ന്റെ പ​കു​തി ലോ​ഡ് മാ​ത്ര​മാ​ണ് ഇ​പ്പോ​ൾ കേ​ര​ള​ത്തി​ലേ​ക്കു വ​രു​ന്ന​ത്. സാ​ധാ​ര​ണ ദി​വ​സ​ങ്ങ​ളി​ൽ 85 ലോ​റി​ക​ളി​ലാ​യി 850 ട​ൺ ത​ക്കാ​ളി​യാ​ണു ദി​വ​സേ​ന കേ​ര​ള​ത്തി​ൽ എ​ത്താ​റു​ള്ള​ത് ഇ​പ്പോ​ൾ 30-35 ലോ​റി​ക​ൾ മാ​ത്ര​മാ​ണു വ​രു​ന്ന​ത്. പ​ഴം വി​പ​ണി​യി​ലും വ​ൻ വി​ല വ​ർ​ധ​ന​യാ​ണ് ഉ​ള്ള​ത്. ഏ​ത്ത​പ്പ​ഴ​ത്തി​നും ഞാ​ലി​പ്പൂ​വ​നും 65 രൂ​പ ക​ട​ന്നു.