ഓടുന്നതിനിടെ കാറിന് തീപിടിച്ചു

മൂവാറ്റുപുഴ: കച്ചേരിത്താഴത്ത് ഓടിക്കൊണ്ടിരുന്ന കാർ കത്തിനശിച്ചു. ആളപായമില്ല.ഞായറാഴ്ച രാവിലെ ഒമ്പതരയോടെ മലപ്പുറം തിരൂർ സ്വദേശികൾ സഞ്ചരിച്ചിരുന്ന വാഹനമാണ് കത്തിനശിച്ചത്.

പുക ഉയരുന്നത് കണ്ട യാത്രക്കാരായ മൂവരും പുറത്തിറങ്ങിയ ഉടൻ വാഹനത്തിന് തീപിടിക്കുകയായിരുന്നു. വാഹനത്തിനുള്ളിലുണ്ടായിരുന്ന 10,000 രൂപയും സ്ഥലം ഇടപാടുമായി ബന്ധപ്പെട്ട രേഖകളും കത്തിനശിച്ചു.