നിരോധിത പുകയില ഉൽപന്നങ്ങൾ പിടികൂടി വിദ്യാർഥികൾ

മൂവാറ്റുപുഴ: കച്ചവട സ്ഥാപനത്തിൽനിന്ന് സംഘടിച്ചെത്തിയ വിദ്യാർഥികൾ നിരോധിത പുകയില ഉൽപന്നങ്ങൾ പിടിച്ചെടുത്തു.ചൊവ്വാഴ്ച രാത്രി എട്ടോടെയാണ് 15ഓളം വരുന്ന വിദ്യാർഥികൾ നെഹ്റു പാർക്കിനു സമീപം മൈനർ ബേക്കറിയിൽനിന്ന് പുകയില ഉൽപന്നങ്ങൾ പിടിച്ചെടുത്തത്. നഗരത്തിലെ ഒരു സ്കൂളിലെ വിദ്യാർഥികൾ ഇവിടെ നിന്ന് സ്ഥിരമായി ഹാൻസ് വാങ്ങി ഉപയോഗിച്ചിരുന്നു. ഇത് ശ്രദ്ധയിൽപെട്ടതോടെയാണ് സഹപാഠികൾ സംഘടിച്ചെത്തി കട പരിശോധിച്ചത്.പിടിച്ചെടുത്ത ഉൽപന്നങ്ങൾ പൊലീസിനെ വിളിച്ചുവരുത്തി കൈമാറി.