നാട്ടുകാരുടെ പ്രതിഷേധം ഫലം കണ്ടു; ചാലിക്കടവ് പാലത്തിന്റെ അപ്രോച്ച് റോഡ് 10 മീറ്റർ വീതിയിൽ നിർമിക്കും

മൂ​വാ​റ്റു​പു​ഴ: ചാ​ലി​ക്ക​ട​വ് പാ​ല​ത്തി​ന്റെ അ​പ്രോ​ച്ച് റോ​ഡ് 10 മീ​റ്റ​ർ വീ​തി​യി​ൽ നി​ർ​മി​ക്കും. മൂ​വാ​റ്റു​പു​ഴ-​തേ​നി പാ​ത​യി​ലെ ചാ​ലി​ക്ക​ട​വ് പാ​ല​ത്തി​ന്റെ അ​പ്രോ​ച്ച് റോ​ഡി​ലെ ഡി.​പി.​ആ​റി​ൽ മാ​റ്റം​വ​രു​ത്തി സ​ർ​ക്കാ​ർ ഉ​ത്ത​ര​വാ​യ​താ​യി ഡോ. ​മാ​ത്യു കു​ഴ​ൽ​നാ​ട​ൻ എം.​എ​ൽ.​എ അ​റി​യി​ച്ചു. പ്രോ​ജ​ക്ട്​​ റി​പ്പോ​ർ​ട്ട് ത​യാ​റാ​ക്കി​യ​പ്പോ​ൾ 7.5 മീ​റ്റ​ർ മാ​ത്ര​മാ​ണ് വീ​തി ഉ​ണ്ടാ​യി​രു​ന്ന​ത്. ഇ​തി​ന്റെ അ​ടി​സ്ഥാ​ന​ത്തി​ൽ നി​ർ​മാ​ണം തു​ട​ങ്ങി. നി​ല​വി​ലു​ണ്ടാ​യി​രു​ന്ന റോ​ഡി​നേ​ക്കാ​ൾ വീ​തി കു​റ​ച്ച് നി​ർ​മാ​ണം തു​ട​ങ്ങി​യ​തോ​ടെ നാ​ട്ടു​കാ​ർ പ്ര​തി​ഷേ​ധ​വു​മാ​യി രം​ഗ​ത്തു​വ​ന്നു.

തു​ട​ർ​ന്ന് എം.​എ​ൽ.​എ​യും ജ​ന​പ്ര​തി​നി​ധി​ക​ളും സ്ഥ​ലം സ​ന്ദ​ർ​ശി​ച്ചു. വി​ഷ​യം എം.​എ​ൽ.​എ ഉ​ന്ന​ത ഉ​ദ്യോ​ഗ​സ്ഥ​രു​ടെ ശ്ര​ദ്ധ​യി​ൽ​പെ​ടു​ത്തു​ക​യും വീ​തി കു​റ​ഞ്ഞ റോ​ഡി​ന്റെ നി​ർ​മാ​ണം നി​ർ​ത്തി​വെ​ക്കാ​ൻ നി​ർ​ദേ​ശം ന​ൽ​കു​ക​യും ചെ​യ്തു. തു​ട​ർ​ന്ന് ഡി.​പി.​ആ​റി​ലെ 7.5 മീ​റ്റ​ർ വീ​തി ഭേ​ദ​ഗ​തി ചെ​യ്ത് ല​ഭ്യ​മാ​യ മു​ഴു​വ​ൻ സ്ഥ​ല​ങ്ങ​ളും റോ​ഡി​നാ​യി ഉ​പ​യോ​ഗി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് എം.​എ​ൽ.​എ ക​ത്ത് ന​ൽ​കി. ഇ​തി​ന്റെ അ​ടി​സ്ഥാ​ന​ത്തി​ലാ​ണ് സ​ർ​ക്കാ​ർ അ​നു​മ​തി ന​ൽ​കി​യ​ത്. എം.​എ​ൽ.​എ​യു​ടെ നേ​തൃ​ത്വ​ത്തി​ൽ സ​ർ​വ​ക​ക്ഷി യോ​ഗം പൊ​തു​മ​രാ​മ​ത്ത് മ​ന്ത്രി മു​ഹ​മ്മ​ദ് റി​യാ​സി​നെ ക​ണ്ട് നി​വേ​ദ​ന​വും ന​ൽ​കി​യി​രു​ന്നു.