ഡോ​ക്ട​ർ​മാ​രി​ല്ല; മൂ​വാ​റ്റു​പു​ഴ ജ​ന​റ​ൽ ആ​ശു​പ​ത്രി പ്ര​വ​ർ​ത്ത​നം താ​ളം​തെ​റ്റി

മൂ​വാ​റ്റു​പു​ഴ: ഡ്യൂ​ട്ടി ചേ​ഞ്ചി​ന്റ പേ​രി​ൽ സ്പെ​ഷ​ലി​സ്റ്റ് ഡോ​ക്ട​ർ​മാ​രെ സ്ഥ​ലം​മാ​റ്റി​യ​ത് മൂ​വാ​റ്റു​പു​ഴ ജ​ന​റ​ൽ ആ​ശു​പ​ത്രി​യു​ടെ പ്ര​വ​ർ​ത്ത​ന​ത്തെ ബാ​ധി​ച്ചു. ശ​സ്ത്ര​ക്രി​യ​ക​ൾ അ​ട​ക്കം മു​ട​ങ്ങു​ന്ന സ്ഥി​തി​യാ​ണ്. ആ​ശു​പ​ത്രി​യി​ലെ പ്ര​മു​ഖ ഫി​സി​ഷ്യ​ൻ, ഓ​ർ​ത്തോ, അ​ന​സ്തേ​ഷ്യ ഡോ​ക്ട​ർ​മാ​ര​ട​ക്കം നാ​ലു​പേ​രെ​യാ​ണ് കോ​ത​മം​ഗ​ലം, ആ​ലു​വ തു​ട​ങ്ങി​യ ആ​ശു​പ​ത്രി​ക​ളി​ലേ​ക്ക് മാ​റ്റി​യ​ത്. ഇ​തു​മൂ​ലം ശ​സ്ത്ര​ക്രി​യ​ക​ൾ അ​ട​ക്കം ന​ട​ക്കു​ന്നി​ല്ലെ​ന്ന പ​രാ​തി വ്യാ​പ​ക​മാ​ണ്.

അ​ന​സ്തേ​ഷ്യ ഡോ​ക്ട​ർ ഇ​ല്ലാ​ത്ത​തു​മൂ​ലം ഗൈ​ന​ക്ക് വി​ഭാ​ഗ​ത്തി​ൽ ചൊ​വ്വാ​ഴ്ച ന​ട​ക്കേ​ണ്ട ഓ​പ​റേ​ഷ​നു​ക​ളും ബു​ധ​നാ​ഴ്ച ന​ട​ക്കേ​ണ്ട മ​റ്റു ഓ​പ​റേ​ഷ​നു​ക​ളാ​ണ് മു​ട​ങ്ങി​യി​രി​ക്കു​ന്ന​ത്. ഓ​ർ​ത്തോ ഡോ​ക്ട​റു​ടെ സ്ഥ​ലം​മാ​റ്റ​വും പ്ര​ശ്ന​മാ​യി​ട്ടു​ണ്ട്. ജി​ല്ല​യു​ടെ കി​ഴ​ക്ക​ൻ മേ​ഖ​ല​ക​ളി​ൽ​നി​ന്ന്​ ഇ​ടു​ക്കി ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ മ​ട​ക്കം നൂ​റു​ക​ണ​ക്കി​ന് രോ​ഗി​ക​ളാ​ണ് ആ​ശു​പ​ത്രി​യി​ൽ ചി​കി​ത്സ തേ​ടി​യെ​ത്തു​ന്ന​ത്.

വി​വി​ധ വി​ഭാ​ഗ​ങ്ങ​ളി​ലാ​യി 32ഓ​ളം ഡോ​ക്ട​മാ​രാ​ണ് ആ​ശു​പ​ത്രി​യി​ൽ ഉ​ള്ള​ത്. ഇ​തി​നി​ടെ ബു​ധ​നാ​ഴ്ച ന​ട​ക്കേ​ണ്ടി​യി​രു​ന്ന ആ​ശു​പ​ത്രി വി​ക​സ​ന​സ​മി​തി യോ​ഗം ന​ട​ന്നി​ല്ല. സു​പ്ര​ധാ​ന വി​ഷ​യ​ങ്ങ​ള​ട​ക്കം ച​ർ​ച്ച​ചെ​യ്ത്​ തീ​രു​മാ​നം എ​ടു​ക്കേ​ണ്ട യോ​ഗം ക്വാ​റം തി​ക​യാ​ത്ത​തു​മൂ​ലം മാ​റ്റി​വെ​ക്കു​ക​യാ​യി​രു​ന്നു. മു​നി​സി​പ്പ​ൽ ചെ​യ​ർ​മാ​ൻ പി.​പി. എ​ൽ​ദോ​സ്, വൈ​സ് ചെ​യ​ർ​മാ​ൻ സി​നി ബി​ജു, വി​ക​സ​ന സ​മി​തി അം​ഗം സ​ജി ജോ​ർ​ജ് തു​ട​ങ്ങി ചു​രു​ക്കം ചി​ല അം​ഗ​ങ്ങ​ൾ മാ​ത്ര​മാ​ണ് യോ​ഗ​ത്തി​നെ​ത്തി​യ​ത്. എം.​പി, എം.​എ​ൽ.​എ, ന​ഗ​ര​സ​ഭ ആ​രോ​ഗ്യ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ അ​ട​ക്ക​മു​ള്ള​വ​ർ എ​ത്തി​യി​രു​ന്നി​ല്ല.