മൂന്ന്​ പതിറ്റാണ്ടായിട്ടും നടപടിയില്ല; മംഗല്യക്കടവിൽ നാട്ടുകാർ പാലം നിർമിച്ചു

മൂ​വാ​റ്റു​പു​ഴ: പാ​ലം എ​ന്ന ആ​വ​ശ്യം മൂ​ന്നു പ​തി​റ്റാ​ണ്ടാ​യി ഉ​യ​ർ​ത്തി​യി​ട്ടും ന​ട​ക്കാ​തെ വ​ന്ന​തോ​ടെ പൊ​തു​ജ​ന പ​ങ്കാ​ളി​ത്ത​ത്തോ​ടെ മം​ഗ​ല്യ​ക്ക​ട​വി​ൽ താ​ൽ​ക്കാ​ലി​ക​പാ​ലം തീ​ർ​ത്ത്​ നാ​ട്ടു​കാ​ർ. പാ​യി​പ്ര പ​ഞ്ചാ​യ​ത്തി​ലെ നാ​ലാം വാ​ർ​ഡി​ലെ മു​ള​വൂ​ർ കാ​വും​പ​ടി​യെ​യും ക​ണ്ണാ​ടി​സി​റ്റി​യെ​യും ത​മ്മി​ൽ ബ​ന്ധി​പ്പി​ച്ച് മു​ള​വൂ​ർ തോ​ടി​ന് കു​റു​കെ​യാ​ണ് ജ​ന​കീ​യ ഇ​രു​മ്പു​പാ​ലം ഉ​യ​ർ​ന്നി​രി​ക്കു​ന്ന​ത്.

30 വ​ർ​ഷ​മാ​യി പാ​ല​ത്തി​നാ​യി നാ​ട്ടു​കാ​ർ കാ​ത്തി​രി​ക്കു​ക​യാ​യി​രു​ന്നു. ഓ​രോ തെ​ര​ഞ്ഞെ​ടു​പ്പ് കാ​ല​ത്തും പാ​ല​ത്തി​ന്‍റെ നി​ർ​മാ​ണോ​ദ്ഘാ​ട​നം ന​ട​ക്കും. ക​ഴി​ഞ്ഞ ത​വ​ണ പൈ​ലി​ങ്ങും ന​ട​ന്നു. എ​ന്നി​ട്ടും ഒ​ന്നും ന​ട​ക്കാ​താ​യ​തോ​ടെ നാ​ട്ടു​കാ​ർ തെ​ങ്ങ്, അ​ട​ക്ക​മ​രം എ​ന്നി​വ ഉ​പ​യോ​ഗി​ച്ചു പാ​ലം നി​ർ​മി​ച്ചാ​ണ് അ​ക്ക​രെ, ഇ​ക്ക​രെ ക​ട​ന്ന​ത്.

മ​ഴ​ക്കാ​ലം ആ​കു​മ്പോ​ൾ ഇ​ത് ഒ​ലി​ച്ചു​പോ​കും. ക​ഴി​ഞ്ഞ ര​ണ്ടു വ​ർ​ഷ​മാ​യി ഈ ​പ​ണി നാ​ട്ടു​കാ​ർ ത​ന്നെ നി​ർ​ത്തി. തു​ട​ർ​ന്നാ​ണ് നാ​ട്ടു​കാ​ർ സം​ഘ​ടി​ച്ച് ഇ​രു​മ്പു​പാ​ലം തീ​ർ​ത്ത​ത്. ര​ണ്ടേ​കാ​ൽ ല​ക്ഷ​ത്തോ​ളം രൂ​പ ചെ​ല​വി​ൽ 50 അ​ടി നീ​ള​ത്തി​ലും മൂ​ന്ന​ടി വീ​തി​യി​ലും നി​ർ​മി​ച്ച പാ​ലം പൂ​ർ​ത്തി​യാ​യ​തോ​ടെ മൂ​വാ​റ്റു​പു​ഴ, കോ​ത​മം​ഗ​ലം ടൗ​ണു​ക​ളി​ലേ​ക്ക് പോ​കാ​ൻ ര​ണ്ടു കി​ലോ​മീ​റ്റ​ർ ദൂ​രം ചു​റ്റി സ​ഞ്ച​രി​ച്ച് പു​തു​പ്പാ​ടി-​ഇ​രു​മ​ല​പ്പ​ടി റോ​ഡി​ല​ട​ക്കം എ​ത്തി ചേ​ർ​ന്നി​രു​ന്ന വെ​സ്റ്റ് മു​ള​വൂ​ർ നി​വാ​സി​ക​ൾ​ക്ക് 600 മീ​റ്റ​ർ മാ​ത്രം സ​ഞ്ച​രി​ച്ചാ​ൽ മ​തി. പാ​ല​ത്തി​ന്റ ഉ​ദ്ഘാ​ട​നം നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് മു​ന്നി​ട്ടി​റ​ങ്ങി​യ എ​സ്.​ഡി.​പി.​ഐ പാ​യി​പ്ര പ​ഞ്ചാ​യ​ത്ത് പ്ര​സി​ഡ​ന്‍റ്​ പി.​എ​സ്. മു​ഹ​മ്മ​ദ്‌ കു​ഞ്ഞ് നി​ർ​വ​ഹി​ച്ചു. ഇ​തി​നി​ടെ പാ​ല​ത്തി​ന്റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യി മു​ൻ എം.​എ​ൽ.​എ എ​ൽ​ദോ എ​ബ്ര​ഹാം ആ​സ്തി​വി​ക​സ​ന ഫ​ണ്ടി​ല്‍നി​ന്ന് 65 ല​ക്ഷം രൂ​പ അ​നു​വ​ദി​ച്ചി​രു​ന്നു.

ആ​റ് മീ​റ്റ​ര്‍ വീ​തി​യി​ൽ പാ​ലം പ​ണി​യു​ന്ന​തി​നാ​യി​രു​ന്നു ഫ​ണ്ട് അ​നു​വ​ദി​ച്ചി​രു​ന്ന​ത്. മ​ണ്ണ് പ​രി​ശോ​ധ​ന​യ​ട​ക്കം ന​ട​ക്കു​ക​യും ചെ​യ്തി​രു​ന്നു. തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​തോ​ടെ തു​ട​ർ​ന​ട​പ​ടി​യു​ണ്ടാ​യി​ല്ല. മാ​റി​യ സാ​ഹ​ച​ര്യ​ത്തി​ൽ ഇ​നി​യും തു​ക കൂ​ട്ടി​വെ​ച്ചാ​ലേ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ക​യു​ള്ളൂ.