മൂ​വാ​റ്റു​പു​ഴ: നഗരത്തിൽ പൈപ്പ് പൊട്ടൽ തുടരുന്നു; കുടിവെള്ളത്തിനായി വലഞ്ഞ്​ ജനം

മൂ​വാ​റ്റു​പു​ഴ: ന​ഗ​ര​ത്തി​ൽ പൈ​പ്പ് പൊ​ട്ട​ൽ തു​ട​രു​ന്നു. കു​ടി​വെ​ള്ളം ഇ​ല്ലാ​തെ വ​ല​ഞ്ഞ് നാ​ട്ടു​കാ​ർ. ര​ണ്ടി​ട​ത്ത്​ പൈ​പ്പ്​ പൊ​ട്ടി​യ​തു​മൂ​ലം വാ​ഴ​പ്പി​ള്ളി, നി​ര​പ്പ് മേ​ഖ​ല​ക​ളി​ൽ മൂ​ന്നു ദി​വ​സ​മാ​യി കു​ടി​വെ​ള്ള വി​ത​ര​ണം നി​ല​ച്ചി​ട്ട്. വേ​ന​ൽ ക​ന​ത്ത​തും കി​ണ​റു​ക​ളി​ലും മ​റ്റും വെ​ള്ളം ഇ​ല്ലാ​താ​യ​തോ​ടെ നെ​ട്ടോ​ട്ട​ത്തി​ലാ​ണ്​ നാ​ട്ടു​കാ​ർ. മി​ൽ​മ​ക്ക് സ​മീ​പം പൈ​പ്പ്​ പൊ​ട്ടി​യ​താ​ണ് വാ​ഴ​പ്പി​ള്ളി, പേ​ഴ​ക്കാ​പ്പി​ള്ളി ഭാ​ഗ​ങ്ങ​ളി​ൽ ജ​ല​വി​ത​ര​ണം അ​വ​താ​ള​ത്തി​ലാ​കാ​ൻ കാ​ര​ണം.

മൂ​ന്നു ദി​വ​സം മു​മ്പ് ഇ​വി​ടെ പൈ​പ്പ് പൊ​ട്ടു​ക​യാ​യി​രു​ന്നു. വെ​ള്ളി​യാ​ഴ്ച അ​റ്റ​കു​റ്റ​പ്പ​ണി ആ​രം​ഭി​ച്ചെ​ങ്കി​ലും പ​ണി പൂ​ർ​ത്തി​യാ​യി​ട്ടി​ല്ല. മൂ​ന്നു മാ​സ​ത്തി​നി​ടെ നാ​ലാ​മ​തും പൈ​പ്പ് പൊ​ട്ടി​യ​താ​ണ് നി​ര​പ്പ് മേ​ഖ​ല​യി​ൽ കു​ടി​വെ​ള്ള വി​ത​ര​ണം ത​ക​രാ​റി​ലാ​കാ​ൻ കാ​ര​ണം. മൂ​ന്നു ദി​വ​സം മു​മ്പ് സി​വി​ൽ സ​പ്ലൈ​സ്​ ഗോ​ഡൗ​ണി​ന് സ​മീ​പ​മാ​ണ്​ പൈ​പ്പ്​ വീ​ണ്ടും പൊ​ട്ടി​യ​ത്. ര​ണ്ടു മാ​സ​ത്തി​നി​ടെ ഇ​ത് നാ​ലാം ത​വ​ണ​യാ​ണ് പൊ​ട്ടു​ന്ന​ത്. ഇ​തോ​ടെ ന​ഗ​ര​ത്തി​ലെ വ​ട​ക്ക് കി​ഴ​ക്ക​ൻ മേ​ഖ​ല​യി​ൽ മൂ​ന്നാം ദി​വ​സ​വും കു​ടി​വെ​ള്ളം വി​ത​ര​ണം മു​ട​ങ്ങി. കീ​ച്ചേ​രി​പ്പ​ടി, നി​ര​പ്പ്, ആ​സാ​ദ്റോ​ഡ്, ഇ​ലാ​ഹി​യ തു​ട​ങ്ങി​യ ജ​ന​വാ​സ​കേ​ന്ദ്ര​ങ്ങ​ളി​ലേ​ക്കു​ള്ള വി​ത​ര​ണ​മാ​ണ് മു​ട​ങ്ങി​യ​ത്.

നാ​ല് പ​തി​റ്റാ​ണ്ട് മു​മ്പ് സ്ഥാ​പി​ച്ച ആ​സ്ബ​സ്​​റ്റോ​സ്​ പൈ​പ്പു​ക​ളാ​ണ് ന​ഗ​ര​ത്തി​ലു​ള്ള​ത്. ജ​ല​വി​ത​ര​ണ​ത്തി​നി​ട​യി​ലെ സ​മ്മ​ർ​ദ​മാ​ണ് പൊ​ട്ടു​ന്ന​തി​ന്​ കാ​ര​ണം. കാ​ല​പ്പ​ഴ​ക്ക​മു​ള്ള​വ മാ​റ്റാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ടെ​ങ്കി​ലും ന​ട​പ​ടി​യി​ല്ല. 10 വ​ർ​ഷം മു​മ്പ് ഇ​വ മാ​റ്റി​സ്ഥാ​പി​ക്കാ​ൻ 17 കോ​ടി​യു​ടെ പ​ദ്ധ​തി കൊ​ണ്ടു​വ​ന്നെ​ങ്കി​ലും ന​ട​പ​ടി ഉ​ണ്ടാ​യി​ല്ല. കാ​ല​ഹ​ര​ണ​പ്പെ​ട്ട​വ​യാ​യ​തി​നാ​ൽ ദി​നേ​ന എ​ന്നോ​ണ​മാ​ണ് പൊ​ട്ടു​ന്ന​ത്. ന​ഗ​ര​ത്തി​ലെ ഭൂ​രി​ഭാ​ഗം കു​ടും​ബ​ങ്ങ​ളും നി​ല​വി​ൽ വാ​ട്ട​ർ അ​തോ​റി​റ്റി​യു​ടെ വെ​ള്ള​ത്തെ​യാ​ണ് ആ​ശ്ര​യി​ക്കു​ന്ന​ത്. അ​ടി​ക്ക​ടി പൈ​പ്പ് പൊ​ട്ടി കു​ടി​വെ​ള്ളം മു​ട​ങ്ങു​ന്ന​ത് ജ​ന​ത്തെ ബു​ദ്ധി​മു​ട്ടി​ലാ​ക്കു​ന്നു​ണ്ട്.