Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightMuvattupuzhachevron_rightമുള്ളരിങ്ങാട്...

മുള്ളരിങ്ങാട് -ചാത്തമറ്റം റോഡ് നിര്‍മാണത്തിനിടെ തർക്കം, നാടകീയ രംഗങ്ങൾ

text_fields
bookmark_border
മുള്ളരിങ്ങാട് -ചാത്തമറ്റം റോഡ് നിര്‍മാണത്തിനിടെ തർക്കം, നാടകീയ രംഗങ്ങൾ
cancel
camera_alt

റോഡ്​ നിർമാണം തടഞ്ഞതിനെത്തുടർന്ന്​ നാ​ട്ടു​കാ​ർ വനം വകുപ്പ്​ ഓ​ഫി​സ് വ​ള​ഞ്ഞ​പ്പോ​ൾ

Listen to this Article

മൂ​വാ​റ്റു​പു​ഴ/​കോ​ത​മം​ഗ​ലം: മു​ള്ള​രി​ങ്ങാ​ട് -ചാ​ത്ത​മ​റ്റം റോ​ഡ് നി​ര്‍മാ​ണ​ത്തി​നി​ടെ അ​നു​മ​തി​യി​ല്ലാ​തെ റോ​ഡു​വ​ക്കി​ലെ സ്ഥ​ലം നി​ര​ത്തി​യ​ത് സം​ബ​ന്ധി​ച്ച് വ​നം വ​കു​പ്പും മാ​ത്യു കു​ഴ​ൽ​നാ​ട​ൻ എം.​എ​ൽ.​എ​യും ത​മ്മി​ൽ ത​ർ​ക്കം. നി​ർ​മാ​ണ​ത്തി​നെ​ത്തി​യ മ​ണ്ണു​മാ​ന്തി യ​ന്ത്രം അ​ട​ക്കം വ​നം വ​കു​പ്പ് ക​സ്റ്റ​ഡി​യി​ലെ​ടു​ത്ത​തി​നെ തു​ട​ർ​ന്ന് വാ​ഹ​ന​ങ്ങ​ള്‍ എം.​എ​ൽ.​എ ഇ​ട​പെ​ട്ട് ബ​ല​മാ​യി മോ​ചി​പ്പി​ച്ചു. വ​നം​വ​കു​പ്പി​ന്‍റെ പ​രാ​തി​യി​ൽ പൊ​ലീ​സ് ഇ​ട​പെ​ട്ട് പി​ന്നീ​ട് വാ​ഹ​ന​ങ്ങ​ൾ ക​സ്റ്റ​ഡി​യി​ലെ​ടു​പ്പി​ച്ചു.

വ്യാ​ഴാ​ഴ്ച ഉ​ച്ച​യോ​ടെ ചാ​ത്ത​മ​റ്റം ഫോ​റ​സ്റ്റ് സ്റ്റേ​ഷ​നി​ലാ​ണ് എം.​എ​ല്‍.​എ ഫോ​റ​സ്റ്റ് ഉ​​ദ്യോ​ഗ​സ്ഥ​രു​മാ​യി കൊ​മ്പു​കോ​ര്‍ത്ത​തും വാ​ഹ​ന​ങ്ങ​ള്‍ ബ​ല​മാ​യി മോ​ചി​പ്പി​ച്ച​തും. ചാ​ത്ത​മ​റ്റം- മു​ള്ള​രി​ങ്ങാ​ട് റോ​ഡി​ന്റെ നി​ർ​മാ​ണ സാ​മ​ഗ്രി​ക​ളി​റ​ക്കാ​ന്‍ റോ​ഡു​വ​ക്കി​ലെ വ​നം വ​കു​പ്പി​ന്‍റെ സ്ഥ​ലം അ​നു​മ​തി​യി​ല്ലാ​തെ മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് നി​ര​ത്തി​യ​താ​ണ് ഫോ​റ​സ്റ്റ് ഉ​ദ്യോ​ഗ​സ്ഥ​ന്റെ പ്ര​കോ​പ​ന​ത്തി​ന് കാ​ര​ണം. മു​ന്‍കൂ​ര്‍ അ​നു​മ​തി വാ​ങ്ങി​യി​ല്ലെ​ന്ന കാ​ര​ണം പ​റ​ഞ്ഞാ​ണ് വാ​ഹ​ന​ങ്ങ​ള്‍ ക​സ്റ്റ​ഡി​യി​ലെ​ടു​ത്ത​ത്. നി​ർ​മാ​ണം ത​ട​സ്സ​പ്പെ​ട്ട​തോ​ടെ വി​ഷ​യ​ത്തി​ല്‍ പ​ഞ്ചാ​യ​ത്ത് അം​ഗ​ങ്ങ​ളും നാ​ട്ടു​കാ​രും ഇ​ട​​പെ​ട്ടു. കാ​ര്യ​ങ്ങ​ള്‍ ബോ​ധ്യ​പ്പെ​ടു​ത്തി​യെ​ങ്കി​ലും വാ​ഹ​ന​ങ്ങ​ള്‍ വി​ട്ടു​ന​ല്‍കി​ല്ലെ​ന്ന നി​ല​പാ​ടി​ലാ​യി​രു​ന്നു വ​നം വ​കു​പ്പ്.

ഇ​തോ​ടെ നാ​ട്ടു​കാ​രും തൊ​ഴി​ലു​റ​പ്പ് തൊ​ഴി​ലാ​ളി​ക​ളും ഫോ​റ​സ്റ്റ് ഓ​ഫി​സ് വ​ള​ഞ്ഞു. സ്ഥ​ല​ത്തെ​ത്തി​യ എം.​എ​ൽ.​എ ന​ട​ത്തി​യ ച​ര്‍ച്ച​യി​ലും വാ​ഹ​നം വി​ട്ടു​ന​ല്‍കി​ല്ലെ​ന്ന നി​ല​പാ​ടി​ല്‍ ഉ​ദ്യോ​ഗ​സ്ഥ​ര്‍ ഉ​റ​ച്ചു​നി​ന്നു. എം.​എ​ല്‍.​എ വ​കു​പ്പ് മ​ന്ത്രി​യു​മാ​യി ച​ര്‍ച്ച ന​ട​ത്തി​യെ​ങ്കി​ലും ന​ട​പ​ടി ഉ​ണ്ടാ​യി​ല്ല. ഇ​തേ തു​ട​ര്‍ന്ന് സ്വ​ന്തം​നി​ല​യി​ൽ എം.​എ​ല്‍.​എ വാ​ഹ​നം എ​ടു​ക്കാ​ൻ ഡ്രൈ​വ​ർ​ക്ക്​ നി​ർ​ദേ​ശം ന​ല്‍കു​ക​യാ​യി​രു​ന്നു. വ​നം വ​കു​പ്പി​ന് ന​ട​പ​ടി എ​ടു​ക്കാ​നാ​ണ് ഭാ​വ​മെ​ങ്കി​ൽ ത​ന്നെ ഒ​ന്നാം പ്ര​തി​യാ​ക്കി വേ​ണം കേ​സെ​ടു​ക്കാ​നെ​ന്നും എം.​എ​ല്‍.​എ പ​റ​ഞ്ഞു.റീ​ബി​ൽ​ഡ്​ കേ​ര​ള പ​ദ്ധ​തി​യു​ടെ ഭാ​ഗ​മാ​യി മു​ള്ള​രി​ങ്ങാ​ട് - ചാ​ത്ത​മ​റ്റം റോ​ഡി​ന്റെ പ​ണി ക​ഴി​ഞ്ഞ ദി​വ​സ​മാ​ണ് ആ​രം​ഭി​ച്ച​ത്. വ​നാ​തി​ർ​ത്തി​യി​ൽ​നി​ന്ന് റോ​ഡി​ലേ​ക്ക് വ​ള​ർ​ന്ന പ​ച്ചി​ല​ക്കാ​ടു​ക​ളും മ​റ്റും വൃ​ത്തി​യാ​ക്കാ​നാ​ണ് മ​ണ്ണു​മാ​ന്തി യ​ന്ത്രം എ​ത്തി​ച്ച​ത്.

അ​തേ​സ​മ​യം, സ​മ​രം അ​വ​സാ​നി​ച്ച​തി​ന് ശേ​ഷം വ​നം വ​കു​പ്പ്​ അ​ധി​കൃ​ത​ർ അ​റി​യി​ച്ച​ത​നു​സ​രി​ച്ച് പൊ​ലീ​സ് വാ​ഹ​നം ക​സ്റ്റ​ഡി​യി​ൽ എ​ടു​ത്തു. ത​ങ്ങ​ൾ ക​സ്റ്റ​ഡി​യി​ൽ എ​ടു​ത്ത വാ​ഹ​നം ബ​ല​മാ​യി ഇ​റ​ക്കി​ക്കൊ​ണ്ടു​പോ​യ​തി​നും സ്റ്റേ​ഷ​ൻ കെ​ട്ടി​ട​ത്തി​ന്റെ ജ​ന​ൽ​ച്ചി​ല്ല് ത​ക​ർ​ത്ത​തി​നും പൊ​ലീ​സി​ൽ പ​രാ​തി ന​ൽ​കി​യി​ട്ടു​ണ്ടെ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ർ പ​റ​ഞ്ഞു. അ​ന​ധി​കൃ​ത​മാ​യി വ​ന​ഭൂ​മി​യി​ൽ പ്ര​വേ​ശി​ച്ചു നാ​ശ​ന​ഷ്ടം വ​രു​ത്തി​യ​തി​നു ക​രാ​റു​കാ​ര​നെ​തി​രെ കേ​സെ​ടു​ത്ത​താ​യും വ​ന​പാ​ല​ക​ർ പ​റ​ഞ്ഞു.

Show Full Article
TAGS:Mullaringad-Chathamattom road 
News Summary - During the construction of Mullaringad-Chathamattom road Dispute, dramatic scenes
Next Story