പ്ലൈവുഡ് കമ്പനിയിലെ ആള്‍ക്കൂട്ടക്കൊല; അസം സ്വദേശികള്‍ റിമാന്‍ഡില്‍

പെ​രു​മ്പാ​വൂ​ര്‍: മോ​ഷ​ണ​ക്കു​റ്റം ആ​രോ​പി​ച്ച് പ്ലൈ​വു​ഡ് ക​മ്പ​നി​യി​ല്‍ അ​സം സ്വ​ദേ​ശി നൂ​റു​ല്‍ ഹു​സൈ​നെ (26) ക്രൂ​ര​മാ​യി മ​ര്‍ദി​ച്ചു കൊ​ല​പ്പെ​ടു​ത്തി​യ കേ​സി​ല്‍ ആ​റു​പ്ര​തി​ക​ളെ കോ​ട​തി റി​മാ​ന്‍ഡ് ചെ​യ്തു. അ​സം സ്വ​ദേ​ശി​ക​ളാ​യ അ​ലാ​വു​ദ്ദീ​ന്‍ (32), ജാ​ക്കി​ര്‍ ഹു​സൈ​ന്‍ (42), ഹ​ബീ​ബു​ദ്ദീ​ന്‍ (32), മു​സ​മ്മി​ല്‍ ഹ​ഖ് (27), ഹ​ച്ചെ​ന്‍ അ​ലി (37), മി​നാ​റു​ൽ (32) എ​ന്നി​വ​രെ​യാ​ണ് പെ​രു​മ്പാ​വൂ​ര്‍ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി വ്യാ​ഴാ​ഴ്ച റി​മാ​ന്‍ഡ് ചെ​യ്ത​ത്.

പ്ര​തി​ക​ള്‍ ജോ​ലി ചെ​യ്തി​രു​ന്ന പെ​രു​മ്പാ​വൂ​ർ മു​ടി​ക്ക​ല്‍ വ​ഞ്ചി​നാ​ട്ടെ എ.​എം. വി​നീ​ര്‍ എ​ന്ന സ്ഥാ​പ​ന​ത്തി​ല്‍ ബു​ധ​നാ​ഴ്ച പു​ല​ര്‍ച്ചെ​യാ​ണ് നൂ​റു​ല്‍ ഹു​സൈ​ന്‍ കൊ​ല്ല​പ്പെ​ട്ട​ത്. മൊ​ബൈ​ല്‍ ഫോ​ണും പ​ണ​വും ക​വ​ര്‍ച്ച ചെ​യ്യു​ന്ന​തി​നി​ടെ പ്ര​തി​ക​ള്‍ ക​ണ്ട​തി​നെ തു​ട​ര്‍ന്ന് യു​വാ​വ് ഓ​ടി​ര​ക്ഷ​പ്പെ​ടാ​ന്‍ ശ്ര​മി​ച്ചു. പി​ന്തു​ട​ര്‍ന്ന് പി​ടി​കൂ​ടി​യാ​ണ് ക​മ്പ​നി വ​ള​പ്പി​ലെ മു​റി​യി​ലും സ​മീ​പ​ത്തും​വെ​ച്ച് മ​ര്‍ദി​ച്ച​ത്. ഉ​രു​ള​ന്‍ ത​ടി ഉ​പ​യോ​ഗി​ച്ചു​ള്ള അ​തി​ക്രൂ​ര മ​ര്‍ദ​ന​മാ​ണ് മ​ര​ണ​ത്തി​ന് കാ​ര​ണ​മാ​യ​തെ​ന്ന് പൊ​ലീ​സ് വ്യ​ക്ത​മാ​ക്കി. ത​ല​ക്കേ​റ്റ മാ​ര​ക പ​രി​ക്കും ആ​ന്ത​രി​കാ​വ​യ​വ​ങ്ങ​ളി​ലെ ക്ഷ​ത​വും അ​സ്ഥി​ക​ള്‍ ഒ​ടി​ഞ്ഞ​തും മ​ര​ണ​കാ​ര​ണ​മാ​യി.

മ​ര്‍ദ​ന​മേ​റ്റ് അ​വ​ശ​നാ​യി വീ​ണ യു​വാ​വി​നെ തൊ​ഴി​ലാ​ളി​ക​ള്‍ താ​മ​സി​ക്കു​ന്ന ഷെ​ഡി​ലേ​ക്ക് മാ​റ്റു​ക​യാ​യി​രു​ന്നു. മ​ര​ണം ഉ​റ​പ്പാ​യ​തോ​ടെ പ്ര​തി​ക​ളി​ല്‍ മൂ​ന്നു​പേ​ര്‍ ചേ​ര്‍ന്ന് താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ച് അ​പ​ക​ട​ത്തി​ല്‍ പ​രി​ക്കേ​റ്റ​താ​ണെ​ന്ന് ഡോ​ക്ട​റെ ധ​രി​പ്പി​ച്ചു. സം​ശ​യം തോ​ന്നി​യ ഡോ​ക്ട​ര്‍ പൊ​ലീ​സി​നെ വി​വ​ര​മ​റി​യി​ച്ച​തോ​ടെ​യാ​ണ് കൊ​ല​പാ​ത​ക വി​വ​രം പു​റ​ത്തു​വ​ന്ന​ത്.

പ്ര​തി​ക​ള്‍ യു​വാ​വി​നെ മ​ര്‍ദി​ക്കു​ന്ന ദൃ​ശ്യ​ങ്ങ​ള്‍ ക​മ്പ​നി​യി​ലെ മ​റ്റൊ​രു തൊ​ഴി​ലാ​ളി​യു​ടെ മ​ക​ന്‍ മൊ​ബൈ​ല്‍ ഫോ​ണി​ല്‍ പ​ക​ര്‍ത്തി​യി​രു​ന്നു. പൊ​ലീ​സി​ന്റെ പ​രി​ശോ​ധ​ന​യി​ല്‍ ഈ ​ഫോ​ണ്‍ ക​ണ്ടെ​ടു​ത്ത​ത് കേ​സി​ല്‍ നി​ര്‍ണാ​യ​ക തെ​ളി​വാ​യി.

ദൃ​ശ്യ​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് മു​ഴു​വ​ന്‍ പ്ര​തി​ക​ളെ​യും വേ​ഗ​ത്തി​ല്‍ തി​രി​ച്ച​റി​ഞ്ഞ​ത്. കൊ​ല്ല​പ്പെ​ട്ട നൂ​റു​ല്‍ ഹു​സൈ​ന്‍ മു​മ്പ് ക്രി​മി​ന​ല്‍ കേ​സു​ക​ളി​ല്‍ ഉ​ള്‍പ്പെ​ട്ട​താ​യി വി​വ​ര​മി​ല്ലെ​ന്ന് പൊ​ലീ​സ് പ​റ​ഞ്ഞു. ക​ള​മ​ശ്ശേ​രി മെ​ഡി​ക്ക​ല്‍ കോ​ള​ജി​ല്‍ പൊ​ലീ​സ് സ​ര്‍ജ​ന്റെ നേ​തൃ​ത്വ​ത്തി​ല്‍ പോ​സ്റ്റു​മോ​ര്‍ട്ടം ന​ട​പ​ടി​ക​ൾ പൂ​ര്‍ത്തി​യാ​ക്കി.

മൃതദേഹം നാട്ടിലേക്ക് കൊണ്ടുപോയി

നെ​ടു​മ്പാ​ശ്ശേ​രി: മോ​ഷ​ണ​ക്കു​റ്റം ആ​രോ​പി​ച്ച് ക​ഴി​ഞ്ഞ​ദി​വ​സം കൊ​ല​പ്പെ​ടു​ത്തി​യ അ​ന്ത​ർ സം​സ്ഥാ​ന തൊ​ഴി​ലാ​ളി​യു​ടെ മൃ​ത​ദേ​ഹം നാ​ട്ടി​ലെ​ത്തി​ച്ചു. മു​ടി​ക്ക​ൽ വ​ഞ്ചി​നാ​ടു​ള്ള സ്ഥാ​പ​ന​ത്തി​ലാ​ണ് മോ​ഷ്ടാ​വ് എ​ന്ന് ആ​രോ​പി​ച്ച് യു​വാ​വി​നെ മ​ർ​ദ്ദി​ച്ചു കൊ​ല​പ്പെ​ടു​ത്തി​യ​ത്. അ​സം ന​ഗോ​ൺ സ്വ​ദേ​ശി നൂ​റു ഹു​സൈ​ൻ (25) ആ​ണ് കൊ​ല്ല​പ്പെ​ട്ട​ത്. ഇ​ന്ന​ലെ പോ​ലീ​സ് ന​ട​പ​ടി​ക​ൾ പൂ​ർ​ത്തി​യാ​ക്കി​യ​തി​നെ തു​ട​ർ​ന്ന് പെ​രു​മ്പാ​വൂ​രി​ൽ പ്ര​വ​ർ​ത്തി​ക്കു​ന്ന അ​തി​ഥി വെ​ൽ​ഫ​യ​ർ ഫോ​റം എ​ന്ന സം​ഘ​ട​ന വ​ഴി കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ നി​ന്നും മൃ​ത​ദേ​ഹം ക​യ​റ്റി അ​യ​ച്ചു. കൊ​ച്ചി​യി​ൽ നി​ന്നും ഡ​ൽ​ഹി​ക്ക് കൊ​ണ്ടു​പോ​യ മൃ​ത​ദേ​ഹം വെ​ള്ളി​യാ​ഴ്ച രാ​വി​ലെ ഡ​ൽ​ഹി​യി​ൽ എ​ത്തും. തു​ട​ർ​ന്ന് മൃ​ത​ദേ​ഹം രാ​വി​ലെ ഒ​മ്പ​​തോ​ടെ ഗു​വാ​ഹ​ട്ടി വി​മാ​ന​ത്താ​വ​ള​ത്തി​ൽ നി​ന്നും ബ​ന്ധു​ക്ക​ൾ ഏ​റ്റു​വാ​ങ്ങും.