messsage55

not proof over പുന്നമടക്ക്​ നിരാശക്കാലം പുന്നമടയുടെ ഓളത്തിനൊപ്പം സഞ്ചരിക്കേണ്ട നെഹ്​​റുട്രോഫി ജലമേള ആലപ്പുഴക്കാർക്ക്​ ആവേശവും ആരവുമാണ്​. ഇക്കുറി ആഗസ്​റ്റ്​ രണ്ടാംശനിയാഴ്​ചയും ആർപ്പോ...ർറോ..വിളിയില്ലാതെ മത്സരം ഉപേക്ഷിക്കേണ്ടി വന്നതി​ൻെറ നിരാശയിലാണ്​ വള്ളംകളിപ്രേമികൾ. കോവിഡ്​ പ്രതിസന്ധിയിൽ തുടർച്ചയായ രണ്ടാംവർഷമാണ്​ നെഹ്​റുട്രോഫി ജലമാമാങ്കം മുടങ്ങുന്നത്​. വിനോദസഞ്ചാരമേഖലയുടെ മുന്നേറ്റത്തിന്​ വഴിയൊരുക്കാൻ 2019ൽ തുടക്കമിട്ട ചാമ്പ്യൻസ്​ ബോട്ട്​ ലീഗും വെള്ളത്തിലായി. നാലുവർഷമായി വള്ളംകളി നടത്തിപ്പ്​ അവതാളത്തിലാണ്​. 2018​ പ്രളയം മുതലാണ് വള്ളംകളിയുടെ സമയത്തിൽ കാര്യമായി മാറ്റമുണ്ടായത്​. അന്ന്​ നവംബറിലേക്കാണ്​ മത്സരം മാറ്റി നടത്തിയത്​. 2019ലും പ്രളയം ചതിച്ചതോടെ സി.ബി.എൽ രണ്ടാഴ്ച വൈകി ആഗസ്​റ്റ്​ 31ന്​ നടത്തി. പിന്നീട്​ കോവിഡ്​ തീർത്ത പ്രതിസന്ധിയാണ്​ മത്സരം നഷ്​ടമാക്കിയത്​. മത്സരം നടക്കുന്നില്ലെങ്കിലും വള്ളങ്ങളുടെ പരിപാലനത്തിന് ലക്ഷങ്ങളാണ് ക്ലബുകളുടെ പോക്കറ്റിൽനിന്നിറങ്ങുന്നത്. ചുണ്ടൻവള്ളങ്ങൾ അറ്റകുറ്റപ്പണി നടത്തി നവീകരിച്ചില്ലെങ്കിൽ പിന്നീട്​ മത്സരത്തിന്​ ഇറങ്ങാൻ ​കഴിയാത്തവിധം ഉപയോഗ​ശൂന്യമാകും. ജലോത്സവങ്ങൾ ഇല്ലാതായതോടെ ​ബോട്ട്​ക്ലബുകാരും തുഴച്ചിലുകാരും പ്രതിസന്ധിയിലാണ്​. സീസണിൽ ലഭിക്കേണ്ട വരു​മാനത്തിന്​ പുറമേ ആവേശവും നിരാശയുമാണ്​ സമ്മാനിക്കുന്നത്​. കുട്ടനാട്ടുകാരും പുറം നാട്ടുകാരുമായി ആയിരക്കണക്കിന് തുഴച്ചിൽകാർക്ക് മികച്ച വരുമാനം ലഭിച്ചിരുന്ന സീസൺ കൂടിയായിരുന്നു ഓണക്കാലം. 1952 ൽ ആദ്യ പ്രധാനമന്ത്രി ജവഹർലാൽനെഹ്റുവിനെ സ്വീകരിക്കാനാണ് മീനപ്പള്ളി വട്ടക്കായലിൽ ആദ്യമായി ജലോത്സവം നടത്തിയത്. അതിനുശേഷമാണ് ജലോത്സവം സ്ഥിരമായി നടത്തണമെന്ന നിർദേശത്തോടെ നെഹ്റു സ്വന്തം കൈയൊപ്പിട്ട വെള്ളിച്ചുണ്ടൻ വിജയികൾക്ക്​ സമ്മാനിക്കാൻ നൽകിയത്. 1954 മുതൽ പ്രൈംമിനിസ്​റ്റേഴ്​സ്​ ട്രോഫി ജലോത്സവവും നെഹ്റുവി​ൻെറ മരണശേഷം നെഹ്റു ട്രോഫി ജലോത്സവവുമാണ്​ പുന്നമടക്കായലിൽ നടക്കുന്നത്​. nehru trohy boat rice ആലപ്പുഴ പുന്നമട കായലിലെ നെഹ്​റുട്രോഫി വള്ളംകളിയിൽനിന്ന്​ (ഫയൽചിത്രം)